Oqaasiliortut 2011 – 5 (gl)

OQAA – 270411(gl)

Oqaasiliortut ataatsimiinnerannit pingasunngorneq apriilip 27-anni 2011, nal. 12.00 Ilimmarfimmi / Oqaasileriffimmi imaqarniliat

Peqataasut: Carl Chr. Olsen, Lotte Holm, Johannes Jerimiassen.

Peqataanngitsut: Eva Møller Thomassen, Stephen Heilmann.

Oqaluuserisat:

1. Tikilluaqqusineq aamma ilisimatitsissutit
   Siulittaasoq tikilluaqqusivoq. Ilisimatitsissutigaa aasaru Ilulissani Oqaasiliortut qaaqqusisoralugit Ilulissani aggustip 22-anniit 26-annut Nordens Sprogråd ataatsimiissammat Hotel Arcticimi. Ineqarfissat tassaassapput Hotel Hvide Falk aamma Icefiord. Kultureqarnermut naalakkersuisup ammaalluni oqalugiarnissaa qulakkeerneqarpoq.Ippassaq ataasimiinnermi Naalakkersuisut attaveqaatitigut ingerlaarneq pillugu nalunaarutaata kalaallisuunngornera nassiunneqareerpoq.

   Ullumikkut ataatsimiinnissaq piffissakkut killeqarmat eqqartugassat angumerisinnaasat sammineqassapput. Eqqartugassat sinneri tulliani ataatsimiinnissami eqqartorneqarumaartut siulittaasoq unnerpoq.

2. Kingullermik ataatsimiinnermit imaqarniliap akuerineqarnera
   Akuerineqarpoq. 
3. Forbehold aamma forbeholdt kalaallisut.
   Forbehold kalaallisut ima taaguuteqassasoq aalajangerneqarpoq:
   Kisiannertalimmik akuersineq. 

   Forbeholdt kalaallisut ima taaguuteqassasoq aalajangerneqarpoq:
   xx-ginnarnit/-mit atugassiaq 

4. Ilumuussuseq/sallusuisuseq aamma kanngusunneq.
   Tulliani ataatsimiinnissamut kinguartinneqarpoq. 
5. Skærtorsdag aamma Langfredag kalaallisut.
   Siulittaasup apriilip 19-anni e-mailikkut akissusiaa naapertorlugu taaguutit qangaanit pioreersut atorneqartullu uku attatiinnarneqassasut aalajangerneqarpoq:
   
   Sisamanngortoq Illernartoq aamma
   Tallimanngortoq Tannaartoq. 
6. Det Økologiske Råd, DMU’s Afd. Arktisk Miljø, Forskningsrådet kalaallisut.
   Tulliani ataatsimiinnissamut kinguartinneqarpoq. 
7. Sociale medier kalaallisut.
   Tulliani ataatsimiinnissamut kinguartinneqarpoq. 
8. Inuup uummataata immikkoortuisa taaguutai kalaallisut
   Tulliani ataatsimiinnissamut kinguartinneqarpoq. 
9. Dysleksi kalaallisut
   Tulliani ataatsimiinnissamut kinguartinneqarpoq. 
10. Vi udfører alt i el kalaallisut
    Tulliani ataatsimiinnissamut kinguartinneqarpoq. 
11. Allat
    Porno kalaallisut
    Saaffiginnittoq akissutisiaminut qisuariaateqarpoq erseqqissaatigalugu oqaatsimi tassani atoqatigiinneq kisimi pineqanngimmat, kinguaassiutit aamma ilanngunneqartariaqartut.Oqaasiliortut aalajangerput oqaatsip porno(grafi)-p saniatigut kalaallisut ima nassuiaat atorneqarsinnaasoq:
    Kinguaassiutinik atoqateqartarnernillu takutissuineq.

Tulliani ataatsimiinnissaq pissaaq maajip 17-anni, nal. 10.00

Inussiarnersumik inuulluaqqusilluta

Carl Chr. Olsen Nuka Møller
Siulittaasoq Allatsi