Oqaasiliortut 26/05-2021 ataatsimiinnerannit imaqarniliaq
Peqataasut:
Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Abia Abelsen
Oqaasileriffimmit: Lisathe Møller (allatsi) & Beatrine Heilmann (pisortaagallartoq)
Oqaluuserisassat:
- Oqaluuserisassat akuerineqarnerat.
- Kingullermik ataatsimiinnermit imaqarniliap akuerineqarnera.
- Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit - Suliat allat pillugit ilisimatitsineq
a. Inuit aqqi pillugit saaffiginnissutit - Suliat allat:
a. Oqaasiliortut periusissiaata akuerineqarnera atsiorneqarneralu
b. Ukiumoortumik nalunaarusiap akuerineqarnera atsiorneqarneralu
c. Oqaasiliortut taaguusersuutinik akuerseriaasiata naliliiviginera - Kalaallisut taaguusigassat:
a. Isikkamik-arsarnermi taaguusersuutit akuerineqarnissaat - Ataatsimiinnissap tulliata ullulerneqarnera.
- Tamalaat
Imaqarniliaq
- Oqaluuserisassat akuerineqarnerat
Oqaluuserisassat akuerineqarput.
- Kingullermik ataatsimiinnermit imaqarniliap akuerineqarnera.
6/5-2021 ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit.
a. Oqaasileriffimmit ilisimatitsissutit tusaatissatut tiguneqarput.
- Suliat allat pillugit ilisimatitsineq
a. Inuit aqqi pillugit saaffiginnissutit tusaatissatut tiguneqarput.
Ataatsimiinnermi marsip 17-annit maannamut ateq ataaseq Oqaasiliortunit akuersissutigineqarpoq:
-
- Niviarsiaqqap aqqa Inumina ilaasortanit tamanit akuersissutigineqarpoq.
- Suliat allat:
a. Oqaasiliortut periusissiaat (strategi)
Oqaasileriffiup naammassisaanik Oqaasiliortunut isumaqatigiissut (resultatkontrakt) akuerineqarlunilu atsiorneqarpoq, taamatuttaarlu Oqaasiliortunut periusissiaq akuerineqarlunilu atsiorneqarluni.b. Ukiumoortumik nalunaarusiaq
2020-mut ukiumoortumik nalunaarusiami aaqqitassat ataasiakkaannguit ilanngullugit ukiumoortumik nalunaarusiaq akuerineqarpoq.c. Oqaasiliortut taaguusersuutinik akuerseriaasiata naliliiffiginera
Oqaasileriffimmit siunnersuutigineqarpoq Oqaasiliortut taaguusersuutinik akuersisarneranni periaaserineqartup naliliiffigineqaqqinnissaa. Taaguusersuutinik akuersinermi taaguutit ataasiakkaarlugit eqqartoriarlugit akuersisoqartarpoq. Oqaasileriffiup siunnersuutigaa taaguutit amerlasuukkuutaarlugit akuersisoqartalissasoq. Oqaasiliortunut akuerisassanngorlugit saqqummiunneqartussat Oqaasileriffimmit misissorneqaqqaarsimasassapput ajornanngippat akuereriaannanngorlugit. Taamaalillutik Oqaasiliortunut ilaasortat ataatsimiigiannginnerminni taaguutissanut siunnersuuterpaalussuit misissoreersimasariaqartassavaat, ilaanni taaguutit 80-it angullugit amerlassuseqartussat amerlanerusulluunniit. Tamanna Oqaasiliortut akuersissutigaat, piumasaraluguli taaguutit piareersagassat qassiugaangata ataatsimiinnertut ataatsitut nalilerneqarsinnaanissaannik Oqaasileriffik siunnersuusiussasoq.
- Kalaallisut taaguusigassat:
a. Isikkamik-arsarnermi/arsaannermi taaguusersuutit akuerineqarnerat
Isikkamik-arsarnermi taaguutit arfinillit akuerineqareersut allanngortinneqarput. Allannguutit makkuupput:
-
- Ulloq 28.5.2020 taaguuserneqarlutik akuerineqartut angriberip aamma angrebsspillerip isumaat assigiimmata ataatsimik taaguuserneqassasut aalajangiunneqarpoq. Taamaattumik angriber & angrebsspiller ima allanngortinneqarlutik tamarmik ataatsimik taaguuserneqarput: siukkaq.
- Ulloq 11.06.2020 banens dybdemut taaguutissatut akuerineqartoq unammiffiup takissusaa ima allanngortinneqarpoq: unammiffiup takissusia.
- Ulloq 11.06.2020 boldklub arsartartut peqatigiiffiannik taaguuserneqaraluartoq ima allanngortinneqarpoq: arsaattartut peqatigiiffiat.
- Ulloq 24.09.2020 dribling arsamik ingerlatsinermik taaguuserneqarpoq, taaguulli taanna ullormi 19.11.2020 allanngortinneqarpoq ima: 29.09.20 akuerineqartoq tulluarnerusutut isigineqarmat taaguut taanna pigiinnarneqassasoq aalajangerneqarpoq.
- Ullormi 10.02.21 fodboldlandskamp isikkamik-arsarnermi/arsaannermi nunanut allanut unamminermik taaguuserneqartoq allanngortinneqarpoq ima: isikkamik-arsarnermi nunamut allamut unammineq aamma arsaannermi nunamut allamut unammineq.
- Ulloq 10.02.2021 fodboldstøvle kamippaat arsaassutinik taaguuserneqartoq allanngortinneqarpoq ima: kamippak arsaassut.
Isikkamik-arsarnermi/arsaannermi taaguutit allat makku akuerineqarput:
| holde-forseelse | akornusersuilluni unioqqutitsineq |
| holdkammerat | iligisaq |
| holdkort | iligiit allassimaffiat |
| holdspil | iligiit arsaannerat |
| holdspiller | iligiit ilaat |
| holdtræning | iligiit sungiusarnerat |
| hovedstød | niaqormiineq |
- Ataatsimiinnissap tulliata ullulerneqarnera.
Ulluliisoqanngilaq.
- Tamalaat.
Ataatsimiinnermi peqataasut:
Mariia Simonsen, siulittaasoq
Karen Ramsøe, siulittaasup tullia
Hans Kristian Olsen, ilaasortaq
Abia Abelsen, ilaasortaq
Knud Møller, ilaasortaq