The Language Secretariat of Greenland

Oqaasiliortut 2022-15 (gl)

OQAA – 201222

OQAASILIORTUT ATAATSIMIINNERAT

marlunngorneq 20/12-2022, nal. 13-16, Oqaasileriffimmi

PEQATAASUT

Oqaasiliortunit

  • Mariia Simonsen (siulittasoq), Ono Fleischer aamma Abia Abelsen

Peqataanngitsut:

  • Karen Ramsøe (siulittaasup tullia) aamma Dorthe Kielsen

Oqaasileriffimmit

  • Beatrine Heilmann (allatsi)

OQALUUSERISASSAT

  1. Oqaluuserisassat akuerineqarnerat
  2. Kingullermik ataatsimiinnermit (25/11-2022) imaqarniliap akuerineqarnera
  3. Siulittaasumit Oqaasileriffimmillu ilisimatitsissutit
    1. Oqaasileriffimmit ilisimatitsissutit
    2. Siulittaasumit ilisimatitsissutit
  4. Kalaallit aqqinik siulequtaasunik akuereqquneqartunik suliaqarneq
  5. Ilaasortanit siunnersuutinik suliaqarneq
  6. Suliat allat pillugit ilisimatitsineq
    1. Inuit aqqi pillugit saaffiginnissutit
  7. Suliat aalajangiiffigisassat suliarineqarnerat
    1. Oqaasiliortut aalajangersagaannik nalileeqqinneq
      • allanngutsaaliugaq aamma eqqissisimatitaq
    1. Taaguusersuuserineq

Arsaannermik taaguusersuutinik aalajangersaaneq

  1. Ataatsimiinnissap tulliata ullulerneqarnera
  2. Tamalaat

 

IMAQARNILIAQ

  1. Oqaluuserisassat akuerineqarnerat

Oqaluuserisassat allanngornagit akuerineqarput.

  1. Kingullermik ataatsimiinnermit (25/11-2022) imaqarniliap akuerineqarnera

Kingullermik ataatsimiinnermit imaqarniliaq akuerineqarpoq.

  1. Siulittaasumit Oqaasileriffimmillu ilisimatitsissutit
    1. Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

    1. Siulittaasumit ilisimatitsissutit

Soqanngilaq.

  1. Kalaallit aqqinik siulequtaasunik akuereqquneqartunik suliaqarneq

Aqqit akuerineqartut:

    • Nukappiaqqanut atertut akuerineqartoq:
      • Suloraq (10/11-2022)
    • Niviarsiaqqanut nukappiaqqanullu atertut akuerineqartut:
      • Angajoq (09/12-2022), Qillannguaq (20/12-2022)
  1. Ilaasortanit siunnersuutinik suliaqarneq

Soqanngilaq.

  1. Suliat allat pillugit ilisimatitsineq
    1. Inuit aqqi pillugit saaffiginnissutit

Tusaatissatut tiguneqarput.

  1. Suliat aalajangiiffigisassat suliarineqarnerat
    1. Oqaasiliortut aalajangersagaannik nalileeqqinneq
    • allanngutsaaliugaq aamma eqqissisimatitaq

Oqaasiliortut oqaatsit allanngutsaaliugaq aamma eqqissisimatitaq pillugit eqqartuipput isumaqatigiissutigalugulu oqaaseq eqqissisimatitaq uumassusilinnut taamaallaat atorneqassasoq, kiisalu allanngutsaaliugaq uumassuseqanngitsunut atorneqassasoq. Tamanna pillugu Oqaasiliortunit 19/09-2014-imi akuerisat uku atorunnaarsinneqarput:

      • nuna eqqissisimatitaq (qall. fredet område)
      • illu eqqissisimatitaq (qall. fredet bygning)

Qallunaatut oqaaseq fredet uumassusilinnut uumassuseqanngitsunullu tunngatinneqartarpoq, kalaallisulli atuineq malillugu allanngutsaaliugaq atorneqassaaq uumassusillit pineqartinnagit, kiisalu eqqissisimatitaq atorneqassalluni uumassusillit pineqartillugit, tamanna pillugu akuerisani allassimasussat tassaassapput:

      • nuna allanngutsaaliugaq (qall. fredet område)
      • illu allanngutsaaliugaq (qall. fredet bygning)
    1. Taaguusersuuserineq

Arsaannermi taaguusersuutinik aalajangersaaneq.

Arsaannermi taaguusersuutit 20/12-2022-mi atorunnaarsinneqartut

20/12-2022-mi atorunnaarsinneqartut
QALLUNAATUT KALAALLISUT
fodboldverden isikkamik arsarnerup silarsuaa
dommerkast dommerip aallartitsinera
chipspark arsamik ataatigut isimmitsineq

Arsaannermi taaguusersuutit 20/12-2022-mi akuerineqartut

20/12-2022-mi akuerineqartut
QALLUNAATUT KALAALLISUT
spilopfattelse arsaannermik paasinninneq
perception paasinninneq
spillestil arsariaaseq
spillesystem arsaateqatigeeriaaseq
taktik unammeriaaseq
tempo sukkassuseq
timing naatsorsuineq
vinkling sammivik
visualisering periusissamik takorluuineq
sportsånd timersortartorpalaarneq
personlig straf pillaatisiaq
sidevende sannerpoq
sportsskade timersorluni ajoquserneq
kontraangreb saassusseriataarneq
dommerkast dommerip nalussinera
slutfløjt siggarneq kingulleq
scoringsjubel isertitaqarnermi nuannanneq
målkast målmandip nalussinera
lodtrækning makitsineq
løb med bold arsamik aallarussineq
løb på blindside isigineqanngitsukkut arpanneq
krydsløb iluaquserniarlutik paarlanneq
modløb parsiaaneq
returløb utimut arpanneq
markering ussersorneq
sejrsmål ajugaassummik isertitsineq
selvmål isertitsiffigisoorneq
straffesparksmål strafferluni isertitsineq
udebanemål unammiartorfimmi isertitaq
obstruktion assersuineq
organisatorisk indgreb sungiusarnermi allannguineq
pres arsaarsiniaaneq
lavt pres sassasinnani arsaarsiniaaneq
push-up kinguarsimanerpaasut siuaallannerat
redning annaassineq
scoring isertitsineq
sidestep sanimut alloriarneq
spark isimmitsineq
chipspark arsamik ataatungaatigut isimmitsineq
målspark målit saavannit isimmitsineq
saksespark pissiitigaluni kingumut isimmitsineq
  1. Ataatsimiinnissap tulliata ullulerneqarnera

Ataatsimiinnerup tullia pissaaq pingasunngorneq 18/01-2023, nal. 13- 16, Oqaasileriffimmi.

  1. Tamalaat

Oqaasiliortut pillugit isiginnaagassiaaraq paasititsiniutissaq pillugu Oqaasileriffimmit ilisimatitsisoqarpoq.

Ataatsimiinnermi peqataasut:

  • Mariia Simonsen (siulittaasoq)
  • Ono Fleischer (ilaasortaq)
  • Abia Abelsen (ilaasortaq)

Imaqarniliaq atuarsimallugu uppernarsaasut:

  • Dorthe Kielsen (ilaasortaq)
  • Karen Ramsøe (siulittaasup tullia)