Oqaasiliortut 2024-10 (gl)

OQAA – 140923

OQAASILIORTUT ATAATSIMIINNERAT (2023-10)

– sisamangorneq 14/09-2023, nal. 13-16, Oqaasileriffimmi

PEQATAASUT

Oqaasiliortunit:

• Karen Ramsøe (siulittaasup tullia), Abia Abelsen aamma Dorthe Kielsen (ilaasortat)

Oqaasileriffimmit:

• Helle Hammeken-Holm (allatsi) & Beatrine Heilmann (pisortaq)

Peqquteqarluni peqataanngilaq:

• Mariia Simonsen (siulittaasoq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (24/08-2023) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
   2. Siulittaasumit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Taaguusersuuserineq
   2. Tusagassiutilerinermi taaguusersuutit aalajangersaaffigineqarnerat
   3. Tusagassiornermut periusissiaq
      • Oqaasileriffimmit siunnersuusiap aalajangiiffigineqarnera
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Ataatsimiinnissap tulliata ullulerneqarnera
9. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassani imm. 5.a aamma 5.b paarlaateriarlugit oqaluuserisassat akuerineqarput.
2. Kingullermik ataatsimiinnermit (24/08-2023) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Soqanngilaq.
5. Suliat aalajangiiffigisassat suliarineqarnerat
   1. Tusagassiornermut periusissiaq
      1. Oqaasileriffimmit siunnersuusiap aalajangiiffigineqarnera.
         • Tulliani ataatsimiinnissami sukumiinerusumik eqqartorneqassaaq piareersaatillu allat Oqaasileriffimmit suliarineqassallutik.
   2. Taaguusersuuserineq
      1. Tusagassiutilerinermi taaguusersuutit aalajangersaaffigineqarnerat 
         • Tusagassiutilerinermi taaguusersuutinut atatillugu aalajangersarneqarpoq oqaatsit tusagassiutit aamma tusagassiuutit immikkut tamarmik isamaqartillugit taaguutinik aalajangersaanermi atorneqassasut. Taaguut tusagassiutit atorneqassaaq tusagassianik saqqummiisartut (ass. tusagassiortut), tusagassianik saqqummiussiffiit (ass. radio, tv, internetsi assigisaallu) aamma tusagassianik saqqummiussisarfiit (ass. KNR, Sermitsiaq.ag assigisaallu) pineqartillugit, kiisalu tusagassiuutit atorneqassalluni tusagassianik saqqummiisartut,  saqqummiussiffiit saqqummersitsisartullu atortulersuutaat, saqqummersitsiniarnerminni periuserisartagaat, saqqummersitseriaasiat assigisaallu pineqartillugit. Taaguutit pineqartut assigiinngitsumik atorneqarnissaannik aalajarsaaneq pingaartumik pingaaruteqarpoq tusagassiutinik, tusagassiortunik tusagassiorfinnillu nalilersuisartunut taakkuninngaluunniit immikkut sammisaralugu ilisimatusartartunut.
         • Tusagassiornermi taaguusersuutit aalajangersaaffigineqartut tulliuttumi nalunaarsorsimapput.

Qallunaatut taaguut	Kalaallisut taaguut	Ulloq akuersiffik
covergirl; forsidepige	niviarsiaq saqqummersitap saqqaaniittoq	14.09.2023
debattør	oqalliseqataasoq (pisumi aalajangersimasumi ataatsimi oqallinnermut peqataasoq)	14.09.2023
debattør	oqalliseqataasartoq (sammisami aalajangersimasumi oqallitsitsisoqarnerani peqataatinneqartartoq)	14.09.2023
samfundsdebattør	oqallissaarisartoq	14.09.2023
fotograf	assiliisoq	14.09.2023
freelancer	imitsittartoq	14.09.2023
gatekeeper	paasissutissiinermik aqutsisoq	14.09.2023
idealist	anguniagartooq	14.09.2023
pressefotograf	tusagassiutinut assiliisartoq	14.09.2023
journalist	tusagassiortoq	14.09.2023
fotojournalist	assilisanik tusagassiortoq	14.09.2023
freelancejournalist	tusagassiortoq imittagaq	14.09.2023
kommentator	oqaasertaliisartoq (pisumi aalajangersimasumi oqaasertaliinermut ataatsimi peqataasoq)	14.09.2023
kommentator	oqaaseqartitaq (sammisami aalajangersimasumi oqaasertaliisoqarnerani peqataatinneqartartoq)	14.09.2023
kritiker	isummersortartoq	14.09.2023
læser	atuartartoq	14.09.2023
mediebruger	tusagassiuutinik atuisoq	14.09.2023
nyhedsbureau	nutaarsiassaqartitsivik	14.09.2023
nyhedsvært	nutaarsiassiisartoq	14.09.2023
presse	tusagassiorfiit	14.09.2023
presse	tusagassiortut	14.09.2023
presse	tusagassiutit	14.09.2023
pressebureau	tusagassiassaqartitsivik	14.09.2023
pressechef	tusagassiisarnermut pisortaq	14.09.2023
pressefolk	tusagassialerisut	14.09.2023
pressenævn	tusagassiuinermut tunngasuni aalajangiisartut	14.09.2023
presseråd	tusagassiorfinnut attaveqartoq	14.09.2023
pressesekretariat	tusagassiorfinnut attaveqarnermut allattoqarfik	14.09.2023
pressesekretær	tusagassiorfinnut attaveqarnermut allatsi	14.09.2023
PR; public relations	avammut nittarsaanneq	14.09.2023
redaktion	aaqqissuisut	14.09.2023
redaktion	aaqqissuisoqarfik	14.09.2023
redaktion; redigering	aaqqissuineq	14.09.2023
redaktionel	aaqqissuinermut tunngasoq	14.09.2023
redaktionel beslutning	aaqqissuisoqarfiup aalajangernera	14.09.2023
redaktionel behandling	aaqqissuisoqarfimmi suliarinninneq	14.09.2023
redaktionschef	aaqqissuisoqarfiup pisortaa	14.09.2023
redaktionsgruppe	aaqqissuisoqatigiit	14.09.2023
redaktionsleder	aaqqissuisoqarfimmi aqutsisoq	14.09.2023
redaktionslokale	ini aaqqissuisoqarfik	14.09.2023
redaktionsmøde	aaqqissuisut ataatsimiinnerat	14.09.2023
redaktionssekretær	aaqqissuisoqarfimmi ataqatigiissaarisoq	14.09.2023
redaktør	aaqqissuisoq	14.09.2023
ansvarshavende redaktør	akisussaalluni aaqqissuisoq	14.09.2023
chefredaktør	aaqqissuisuuneq	14.09.2023
nyhedsredaktør	nutaarsiassaqartitsivimmi aaqqissuisoq	14.09.2023
reporter	tusagassiortoq	14.09.2023
spindoktor	isummersuisoq	14.09.2023

6. Ilaasortanit siunnersuutinik suliaqarneq
   • Soqanngilaq.
7. Suliat allat pillugit ilisimatitsineq
   1. Inuit aqqi pillugit saaffiginnissutit
      • Tusaatissatut tiguneqarput.
8. Ataatsimiinnissap tulliata ullulerneqarnera
   • Ataatsimiinnerup tullia pissaaq sisamanngorneq 21/09-2023 nal. 13-16, Oqaasileriffimmi.
9. Tamalaat
   • Soqanngilaq.

Ataatsimiinnermi peqataasut:

• Karen Ramsøe (siulittaasup tullia)
• Abia Abelsen (ilaasortaq)
• Dorthe Kielsen (ilaasortaq)
• Ono Fleischer (ilaasortaq)

Imaqarniliaq atuarsimallugu uppernarsarpara:

• Mariia Simonsen (siulittaasoq)