Nunat Aqqinik Aalajangiisartut 2023 – 4 (gl)

NAA – 141223

NUNAT AQQINIK AALAJANGIISARTUT ATAATSIMIINNERANNIT IMAQARNILIAQ

Sisamanngorneq 14/12-2023, nal. 13-15 Oqaasileriffimmi

 

PEQATAASUT

Nunat Aqqinik Aalajangiisartunit: Aviâja Rosing Jakobsen, Emma Kristensen, Josephine D. Munch & Niels Lorentzen

Oqaasileriffimmit: Beatrine Heilmann (pisortaq), Arnaq B. Johansen (nunat aqqinik suliaqartoq), Arnamineq Clasen (allatsi) & Minik Jeremiassen (immikkut siunnersorti)

 

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (09.06.2023) imaqarniliap akuerineqarnera
3. Siulittaasumit Oqaasileriffimmit ilisimatitsissutit
4. Ilaasortanit siunnersuutinik suliaqarneq
5. Aalajangiiffigisassanik allanik suliaqarneq

1. Nunap immikoortuata taaguutaata Tunup allanngortinniarneqarnera
2. Scoresby Land, Jameson Land & Liverpool Landip kalaallisut ateqalernissaannut siunnersuutit (Ittoqqortoormiit)
   1. Scoresby Land
   2. Jameson Land
   3. Liverpool Land
3. Baffin Bugt kalaallisut aqqanik misissuineq
4. Naajaat imaluunniit Naajat (Kangerlussuaq)
   1. Qaqqatsiaq
   2. Naajat Nuuat
   3. Naajat Qaavat
5. Nordløbet (Paamiut) kalaallisut ateqarneranik misissuineq
   1. Ikerasakkut
   2. Taleruusakkut
   3. Qaqqartuukkut
   4. Anillagiaq Avannarleq
   5. Misissugassat Ulimaasaq aamma Ikerasallak

 

6. Suliat allat pillugit paasissutissiineq

a. Aatsitassanut Aqutsisoqarfimmit tusarniaanerit

7. Tulliani ataatsimiinnissamik ulluliineq

8. Tamalaat

Ilaliussaq 1

Ilaliussaq 2

Ilaliussaq 3

 

 

1. Oqaluuserisassat akuerineqarnerat

Oqaluuserisassat akuerineqarput.

 

2. Kingullermik ataatsimiinnermit (09.06.23) imaqarniliap akuerineqarnera

Imaqarniliaq akuerineqarpoq.

 

3. Oqaasileriffimmit ilisimatitsissutit

b. Oqaasileriffimmit ilisimatitsissutit

Ilisimatitsissutit tusaatissatut tiguneqarput.

 

4. Ilaasortanit siunnersuutinik suliaqarneq

Soqanngilaq.

 

5. Aalajangiiffigisassanik allanik suliaqarneq

a. Nunap immikkoortuata taaguutaata Tunup allanngortinniarneqarnera

2013-imili nunap immikkoortuata taaguutaata Tunup allanngortinneqassasoq siunnersuutigineqarpoq. Siullermeertumilli oktobarimi 2022-mi Kommuneqarfik Sermersuumit Nunat Aqqinik Aalajangiisartunut saaffiginnissutigineqarpoq Tunup pisortatigoortumik allanngortinneqassasoq ima Kangia imaluunniit Nunatta Kangia.  Saaffiginnissumi nassuiarneqarpoq Tunu nikassaatitut Tunumi najugalinnit paasineqartartoq.

Septembarimi 2023-mi Nunat Aqqinik Aalajangiisartut siulittaasuat aamma nunat aqqinik suliaqartoq Ittoqqortoormiinut angalapput innuttaasunik ataatsimiisitsiartorlutik Tunup allanngortinneqarniarnera pillugu.

Tasiilami innuttaasunik ataatsimiisitsisoqarnikuuvoq 2013-imi massakkullu Ittoqqortoormiit tikinneqarluni.

 

Saqqummiunneqartut aallaavigalugit Nunat Aqqinik Aalajangiisartut eqqartuereerlutik toqqammavilersukkamik ima aalajangiipput:

• Taaguut Tunu pineqartillugu misigissutsit sakkortuut atorneqartarmata sukumiinerusumik misissueqqinnissaq pisariaqarpoq.
• Ittoqqortoormiini innuttaasunik ataatsimiisitsisoqarmat inuit takkuttut qulingiluaannaat aalaajangiisuunissaaat eqqarsarnartortaqarpoq, taamaattumik inuit amerlanerusut isummernissaat pisariaqarluni inunnik sumiiffimmeersunik atuisunillu qulaassiinnarluni aalajangiisoqarsinnaanngimmat.
• Nunat Aqqinik Aalajangiisartut maannakkut tunngavissaqanngillat aalajangiinissaminnut.
• Nunat Aqqinik Aalajangiisartut aalajangiipput misissuineq aallaqqaataanneerneqaqqissasoq sammisaq pingaaruteqarmat peqqissaarullugu suliassaammat.
• Innuttaasunik paasititsiniaaneq pisortatigoortumik ingerlanneqassasoq Nunat Aqqinik Aalajangiisartut kissaatigaat, paasititsiniaanerlu Oqaasileriffimmit ingerlanneqassaaq. Tamatumani siunertarineqarpoq tunup sumiissusersioriaatsitut isumaata erseqqissarneqarnissaa.

 

b. Scoresby Land, Jameson Land & Liverpool Landip kalaallisut ateqalernissaannut siunnersuutit (Ittoqqortoormiit)

Ataatsimiinermi 01.06.23-mi Nunat Aqqinik Aalajangiisartut aalajangerpaat Scoresby Land, Jameson Land aamma Liverpool Land pillugit misissuinerit ingerlateqqinneqassasut. Oqaasileriffimmit Ittoqqortoormiinut angalasoqarmat innuttaasut ataasiakkaat aqqusinermi naapitat apersorneqarnikuupput ataatsimiisitsinermilu siunnersuusiortoqarluni. Jameson Land kalaallisut Nunap Qeqqa-mik taaguuteqareerpoq, Scoresby Land aamma Liverpool Land kalaallisut taaguuteqartinneqarnatik. Taamaasillutik innuttaasut siunnersuuteqarput (Ilaliussaq 1 takuuk).

 

Sumiiffiup nalaaniittunik nunat aqqinik misissuisimaneq Oqaasileriffimmit

saqqummiunneqareermat Nunat Aqqinik Aalajangiisartut aalajangerput Ittoqqortoormiini innutaasut siunnersuutaat ataqqillugit atuutsilersinneqassasut ima:

• b.1 Liverpool Land pisortatigoortumik kalaallisut ima ateqalerpoq: Ittoqqortoormiit Nunalaa.
• b.2 Jameson Land kalaallisut atereriigaa pisortatigoortumik atuutsinneqalerpoq: Nunap Qeqqa.
• b.3 Scoresby Land pisortatigoortumik kalaallisut ima ateqalerpoq: Kangerserujutsuatta Nunalaa.

 

c. Baffin Bugtip kalaallisut aqqanik misissuineq

Baffin Bugtip kalaallisut pisortatigoortumik qanoq ateqarnera pillugu Oqaasileriffimmut saaffiginnittoqarpoq. Baffin Bugt pillugu saaffiginnissummi kalaallisut nunat aqqi imaattut atorneqarsimapput: Avannaata Imaa, Qeqertaaluk & Baffinip Kangerliumanersua.

 

Oqaasileriffimmi misissuinerit takutippaat Avannaata Imaa, Baffinip Kangerliumersua, Baffinip Kangerliumarnga & Baffinip Kangerliumarna Baffin Bugt pineqartillugu atorneqartarsimasut. Maanna pisortatigoortumik aqqa tassa Avannaata Imaa qanga allattorsimaffimmut allanneqarsimanersoq sunalu tunngavigalugu allanneqarsimanersoq nassuiaatissaqartinneqanngilaq takussutissallu takutippaat nunap aqqa pineqartoq Baffin Bugt pineqartillugu atorneqannginnerpaasoq.

 

Saqqummiunneqartut aallaavigalugit Nunat Aqqinik Aalajangiisartut eqqartuereerlutik toqqammavilersukkamik ima aalajangiipput:

 

• Avannaata Imaa
• Avannaata Imaata killingi misissorneqassapput.
• Paasissutissat tunniunneqartut annikipput misissueqqinnissaq pisariaqarpoq siunnersuusiortoqarsinnaallunilu.
• Misissueqqinnermi immat aqqi Baffin Bugtip eqqaaniittut ilanngullugit erseqqissarlugit misissorneqassapput

 

d. Naajaat imaluunniit Naajat (Kangerlussuaq)

Kangerlussuup kangerluata qeqqata missaani nunap aqqa Naajaat imaluunniit Naajat

sorleq eqqortuunersoq saaffiginnissutigineqarnikuuvoq. Naajaat imaluunniit Naajat

Oqaasileriffiup nalunaarsugaatiginngilai. Misissuinermi Itillermiut aalisartut piniartullu arfineq pingasut Itillimi kommunip allaffiani ataatsimiissimapput akissutaallu kommunimi sulisumit nassiunneqarnikuupput.

Akissutaat aallaavigalugit nunat aqqi pingasut pisortatigoortumik akuerineqarput ukuusut (Ilaliussaq 2 takuuk):

 

Saqqummiunneqartut aallaavigalugit Nunat Aqqinik Aalajangiisartut eqqartuereerlutik ima aalajangiipput:

• d.1 Qaqqatsiaq akuerineqarpoq.
• d.2 Naajat Nuuat akuerineqarpoq, Naajaat imalt. Naajat sumiiffia.
• d.3 Naajat Qaavat akuerineqarpoq.

 

e. Nordløbetip (Paamiut) kalaallisut ateqarneranik misissuineq

Paamiut eqqaanni Nordløbet pillugu Geodatastyrelsemit saaffiginnittoqarnikuuvoq aperaluni ataatsimoorussamik suliaqarfimmi nunat aqqi ilaanngitsut qanoq iliuuseqarfigisarnerigut.

Misissuinermi Paamiormiut sisamat paasissutissiinikuupput nunallu aqqinik katillugit tallimanik akuerisassanngortitaqarlutik (Ilaliussaq 3 takuuk).

 

Saqqummiunneqartut aallaavigalugit Nunat Aqqinik Aalajangiisartut eqqartuereerlutik ima

aalajangiipput:

• e.1 Nordløbet aalajangiunneqarpoq pisortatigut ima ateqassasoq: Ikerasakkut.
• e.2 Taleruusakkut akuerineqarpoq.
• e.3 Qaqqartuukkut akuerineqarpoq.
• e.4 Anillagiaq Avannarleq akuerineqarpoq.
• e.5 paasissutissiisut ilaata Ulimaasaq aamma Ikerasallak Oqaasileriffimmi nuna aqqinik allattorsimaffimmiinngitsut eqqaavai, taakkulu Nunat Aqqinik Aalajangiisartut Oqaasileriffimmut misissugassanngortippaat.

 

6. Suliat allat pillugit paasissutissiineq

a. Aatsitassanut Aqutsisoqarfimmit tusarniaanerit

Aatsitassanut Ikummatissanullu Aqutsisoqarfik nunaminertat misissuiffissat sumiiffiit tallimat taajuutissaanik qinnuteqarnikuupput. Sumiiffiit tallimat MEL 2019-162, M-362, 2013-06, M-358 aamma M-366 taaneqartut ima taaguuserneqarput:

 

MEL 2019-162

 

Misissuiffik Qajartorissat

Efterforskningsområdet Qajartorissat

Exploration area Qajartorissat

M-362

 

Område 1:

Misissuiffik Eqaluk

Efterforskningsområdet Eqaluk

Exploration area Eqaluk

 

Område 2:

Misissuiffik Saarullik

Efterforskningsområdet Saarullik

Exploration area Saarullik

 

Område 3:

Misissuiffik Miteq

Efterforskningsområdet Miteq

Exploration area Miteq

 

2013-06

 

Misissuiffik Kuukasik

Efterforskningsområdet Kuukasik

Exploration area Kuukasik

 

M-358

 

Område 1:

Misissuiffik Tasersuaq

Efterforskningsområdet Tasersuaq

Exploration area Tasersuaq

 

Område 2:

Misissuiffik Ilulialik

Efterforskningsområdet Ilulialik

Exploration area Ilulialik

 

M-366

 

Område A:

Misissuiffik Ulamertoq

Efterforskningsområdet Ulamertoq

Exploration area Ulamertoq

 

Område B:

Misissuiffik Quassuttorsuaq

Efterforskningsområdet Quassuttorsuaq

Exploration area Quassuttorsuaq

 

 

Område C:

Misissuiffik Panik

Efterforskningsområdet Panik

Exploration area Panik

 

Område D:

Misissuiffik Napparutiliiarneq

Efterforskningsområdet Napparutiliiarneq

Exploration area Napparutiliiarneq

 

7. Tulliani ataatsimiinnissamik ulluliineq

Saaffiginnissutinik aalajangiiffigisassartalinnik takkuttoqarpat ulluliisoqarumaarpoq.

 

8. Tamalaat

a. Ittoqqortoormiit eqqaanilu nunat aqqinik katersineq

Nunat Aqqinik Aalajangiisartut ilisimatinneqarput Tunumut angalasut ataatsimiisitsinerup saniatigut Ittoqqortoormiit eqqaanilu nunat aqqinik katersinermi Ejnar Mikkelsenila Aluarpiata pisortaa ikiortigalugu. Pisortaq neriorsuuteqarpoq kingusinnerusukkut aggersaajumaarluni

nunallu aqqinik iluarsaassassanik iluarsaasoqassasoq katersisoqassasorlu. Naammassigunik Oqaasileriffimmut nassiussisoqassalluni ilisimatitsivoq tamannali qaqugu pissanersoq ullulernagu.