Oqaasiliortut 2024-11 (gl)

OQAA – 11092024

OQAASILIORTUT ATAATSIMIINNERAT (2024-11)

–  pingasunngorneq 11/09-2024,  nal. 13-16, Oqaasileriffimmi

PEQATAASUT

Oqaasiliortunit

• Karen Ramsøe (siulittaasup tullia), Ono Fleischer, Dorthe Kielsen & Abia Abelsen (ilaasortat). 

Oqaasiliortunit peqquteqarluni peqataanngilaq

• Mariia Simonsen (siulittaasoq)

Oqaasileriffimmit

• Beatrine Heilmann (allatsi/pisortaq), Minik Jeremiassen (immikkut siunnersorti)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (13/06-2024) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   
   1. Taaguusersuuserineq
      
      1. Pinngortitalerinermi taaguutit nalileqqitassat; qallunaatut taaguutit pineqartut ukuupput: naturlig dødelighed, unaturlig dødelighed, transekt linje, vandstand aamma atmosfære.
      2. Silap pissusianut piujuartitsinermullu taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit.
   2. Oqaatsit allanngoriartornerat.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat 

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (13/06-2024) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Siulittaasumit ilisimatitsissutinik soqanngilaq.
4. Kalaallit aqqinik siulequtaasunik akuereqquneqartunik suliaqarneq
   • Niviarsiaqqat atiattut akuerineqartut
     • Paarna (29/06-2024)
     • Sorri (13/09-2024) – Oqaasileriffiup tungaanit isornartutut isigineqanngimmat Oqaasiliortunit akuersissutigineqarpoq.
   • Nukappiaqqat atiattut akuerineqartut
     • Kissaviarsuk (10/07-2024)
     • Tulugatsiaq (05/08-2024)
     • Iliaq (19/08-2024)
5. Suliat aalajangiiffigisassat suliarineqarnerat
   
   1. Taaguusersuuserineq
      
      1. Pinngortitalerinermi taaguutit nalileqqitassat; qallunaatut taaguutit pineqartut ukuupput: naturlig dødelighed, unaturlig dødelighed, transekt linje, vandstand aamma atmosfære.

1.  

Pinngortitalerinermi taaguutit 11/09-2024-mi aalajangersaaffigineqartut
Qallunaatut taaguut	Kalaallisut taaguut
naturlig dødelighed	pissusissamisoortumik ikileriaateqartarneq (nalinginnaasumik toqusoqartarneq 24/04-2024-mi akuerisaq atorunnaarsinneqarpoq)
unaturlig dødelighed	pissusissamisuunngitsumik ikileriaateqartarneq (nalinginnaanngitsumik toqusoqartarneq  24/04-2024-mi akuerisaq atorunnaarsinneqarpoq)
transekt; transekt linjer	kisitsinermi titarnerit malitassat
vandstand	ermup qaffasissusia (imeq pillugu)
atmosfære	silaannartaq (silaannaq (Oqaasersiuut 2012) akuerisatut atorunnaarsinneqarpoq)
troposfære	silaannartaq allanngorartoq
stratosfære	silaannartaq ozoneqarfik
mesosfære	silaannartaq qiterleq
termosfære	silaannartaq kissartoq
eksosfære	silaannartaq avalleq

2. Silap pissusianut piujuartitsinermullu taaguusersuutinik aalajangersaaneq.

Silap pissusianut piujuartitsinermullu taaguutit 11/09-2024-mi aalajangersaaffigineqartut
Qallunaatut taaguut	Kalaallisut taaguut
strategisk miljøledelse	avatangiisit mianeralugit periusissiukkamik aqutsineq
aktivt ejerskab	piginneqataanikkut sunniuteqaqataaneq
alternativ energi	nukissiaq mingutsitsinnginneq (nukissiuutit nutaat 09/04-2010-mi akuerisaq atorunnaarsinneqarpoq)
alternativ energikilde	nukissiuut mingutsitsinnginneq
alternativ kraftværk	nukissiorfik mingutsitsinnginneq
ansvarlig virksomhedspraksis	akisussaassuseqartumik suliffeqarfimmik ingerlatsineq
ansvarlig virksomhedsstyring (engelsk: govenance)	akisussaassuseqartumik suliffeqarfimmik aqutsineq
ansvarlig indkøb	akisussaassuseqartumik pisiniarneq
arbejdspladsvurdering ; APV	APV; sullivimmik nalilersuineq
arbejdstagerrettighed	sulisup pisinnaatitaaffia
artikel (nummereret afsnit i retslige dokumenter)	artikeli
artikel 8	artikeli 8
artikel 9	artikeli 9
bestikkelse	akiliilluni peqquserlutsitsineq
branchespecifikke standarder	suliaqarfiit malitassaat aalajangersimasut
brancheorganisation	inuussutissarsiortut kattuffiat
bæredygtig energi	piujuartitsilluni nukissiaq (piujuartitsilluni nukissiorneq 07/11-2019 akuerisaq atorunnaarsinneqarpoq)
bæredygtig energiproduktion	piujuartitsilluni nukissiorneq
bæredygtig ledelse	piujuartitsilluni aqutsineq
bæredygtig investering	piujuartitsisumik aningaasaliineq
bæredygtig produkt	pilersitaq mingutsitsinnginneq
bæredygtighedspolitik	piujuartitsinissamut politikki
bæredygtighedsrapport	piujuartitsiniarluni nalunaarusiaq
bæredygtighedsricisi	avatangiisit piujuartitsinissarlu pillugit ajunaarutaasinnaasut
bæredygtighedsstrategi	piujuartitsinissamut periusissiaq
børnearbejde (arbejde, som udføres af børn)	meeqqanik sulisoqarneq
børnearbejde (arbejde med omsorg for børn)	meeqqanik sullissineq
cirkulær økonomi	aningaasaqarneq asuliinnartitsinertaqanngitsoq (asuliinnartitsinertaqanngitsumik aningaasanik aqutsineq 28/11-2017-mi akuerisaq atorunnaarsinneqarpoq)
CO2-neutral ; klimaneutral	silaannarmik allannguinngitsoq
CO2-udledning	CO2-mik aniatitsineq
CO2-måling	CO2-mik uuttortaaneq
CO2e ; CO2-ækvivalent	CO2e ; CO2 assigisaalu

6. Ilaasortanit siunnersuutinik suliaqarneq
   • Soqanngilaq.
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Inuit aqqi pillugit saaffiginnissutit tusaatissatut tiguneqarput.
   2. Oqaatsit allanngoriartornerat
      • Oqaasileriffimmi immikkut siunnersorti Minik Jeremiassen oqaatsit allanngulaarlugit atorneqartalersimasut pillugit saqqummiivoq, saqqummiussanilu Oqaasileriffimmit atuagassiami septembarip naanerani saqqummersussami ilanngutassiarissavai.
8. Avammut nalunaarutissat
   • Soqanngilaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq marlunngorneq 01/10-2024, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Karen Ramsøe (siulittaasup tullia)
• Ono Fleischer (ilaasortaq) 
• Dorthe Kielsen (ilaasortaq)
• Abia Abelsen (ilaasortaq)

Imaqarniliaq atuarsimallugu uppernarsarpara:

• Mariia Simonsen (siulittaasoq)