Oqaasiliortut 2024-15 (gl)

OQAA – 30102024

OQAASILIORTUT ATAATSIMIINNERAT (2024-15)

– sisamanngorneq 19/12-2024, nal. 13:00-16:00, Oqaasileriffimmi

PEQATAASUT

Oqaasiliortunit

• Mariia Simonsen (siulittaasoq), Karen Ramsøe (siulittaasup tullia), Abia Abelsen & Ono Fleischer (ilaasortat)

Oqaasiliortunit peqquteqarluni peqataanngilaq

• Dorthe Kielsen (ilaasortaq)

Oqaasileriffimmit

• Helle Hammeken-Holm (allatsi) & Beatrine Heilmann (pisortaq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (27/11-2024) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit.
   2. Siulittaasumit ilisimatitsissutit.
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   
   1. Killiffilersuutit
   2. Oqaasiliortut 2025-mit 2028-mut periusissiassaata eqqartorneqarnera.
   3. Taaguusersuuserineq
      
      1. Bremse (sullineq tuttumiittartoq).
      2. Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit Silap pissusianut piujuartitsinermullu taaguusersuutinik aalajangersaaneq.
6. Ilaasortanit siunnersuutinik suliaqarneq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit.
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassani immikkoortut 5.a aamma 5.b paarlaateriarlugit akuerineqarput.
2. Kingullermik ataatsimiinnermit (27/11-2024) imaqarniliap akuerineqarnera
   • Kingullermik ataatsimiinnermit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit
   
   1. Oqaasileriffimmit ilisimatitsissutit
      • Oqaasileriffimmit ilisimatitsissutit tusaatissatut tiguneqarput.
   2. Siulittaasumit ilisimatitsissutit
      • Global Indigenous Conference 2025-mi Canadami pisussamut qaaqqusissut Oqaasiliortunit soqutiginartinneqarmat peqataanissamullu aningaasartuutissat nammineq matussuserneqartussaammata Oqaasileriffik suliakkerneqarpoq aningaasaliisussanik ujarleqqullugu, sapinngisamillu Oqaasiliortut tamarmiusut angalatinneqarnissaat  siunnersuutigineqarluni.
4. Kalaallit aqqinik siulequtaasunik akuereqquneqartunik suliaqarneq
   
   1. Nukappiaqqat niviarsiaqqallu atiattut akuerineqarpoq
      • Ukiaq (19/12-2024)
5. Suliat aalajangiiffigisassat suliarineqarnerat
   
   1. Oqaasiliortut 2025-mit 2028-mut periusissiassaata eqqartorneqarnera.
      • Oqaasiliortut 2025-mit 2028-mut periusissiassaat eqqartorneqarpoq. Taaguusersuutit ukiut tulliuttut Oqaasiliortunit akuerineqartussat aalajangersarneqarput. Killiffilersuutit Oqaasiliortut aalajangersagassaat inissinneqarput. Oqaatsinik malittarinninnermut periusissaq aalajangersarneqarpoq, kiisalu oqaatsinik eqqussanik kalaallisut taaguusiisarnissamut periusissaq aalajangersarneqarluni. Aalajangersakkat periusissiami 2025-mi saqqummiunneqartussami ilaassapput, taakku saniatigut Oqaasileriffiup Oqaasiliortullu isumaqatigiissutissaat ilanngunneqassalluni. 
   2. Killiffilersuutit.
      
      1. Killiffilersuutini naggat pillugu § 2 nassuiaateqarfigineqariarluni naggatip atuuffii eqqartuiffigineqariarlutik aalajangersaaffigineqarput. Naggat pillugu makku aalajangersarneqarput:
         
         1. Naggat atorneqartarpoq oqaaseqatigiit annernik oqaluutillit isummamik naammattumik ersersitsigaangata, tigusaquteqarunik tigusaquteqanngikkunilluunniit.
         2. Naggatip oqaaseqatigiit kisiisa naggaserneq ajorpai, aammali oqaaseqatigiit naalisakkat killilerlugillu naggasersinnaavai.
         3. Naggatip oqaaseqatigiinni annermik oqaluutitaqanngikkaluartuni immikkut ersersitsiniutini, pingaartumik akissutini ilassutinilu immikkuullarissuni atorneqartarnera atorunnaarsinneqarpoq.
   3. Taaguusersuuserineq
      
      1. Sullineq tuttumiittartoq qallunaatut taaneqartartoq bremse (rensdyrets svælgbremse) aalajangersaaffigineqarluni kalaallisut taaguuserneqarpoq ima: tuttup quperluliortua.
      2. Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit silap pissusianut piujuartitsinermullu taaguusersuutinik aalajangersaaneq.
         • Taaguusersuutit aalajangersakkat:

Qallunaatut taaguut	Kalaallisut taaguut	Ulloq akuersiffik
GHG-rapportering	GHG-mik nalunaarusiorneq	19/12-2024
Green House Gas Protokol	GHG-mik nalunaarsuiffik	19/12-2024
grønvaskning	mingutsitsinngitsuusaarneq	19/12-2024
grøn energi	nukissaq mingutsitsinngitsoq	19/12-2024
grøn ledelse	mingutsitsinnginniarluni aqutsineq (piujuartitsinissaq siunertaralugu aqutsineq 28/11-20217-mi akuerisaq atorunnaarsinneqarpoq)	19/12-2024
grøn afgift	mingutsitsinermut akitsuut (mingutsitsinermut akileraarut 7/6-2023-mi akuerisaq atorunnaarsinneqarpoq)	19/12-2024
grønt brændstof	ikummatissaq mingutsitsingitsoq	19/12-2024
grønt initiativ	mingutsaaliuinermik suliniut (piujuartitsinissaq siunertaralugu suliniut 28/11-2017-mi akuerisaq atorunnaarsinneqarpoq)	19/12-2024
grøn teknologi	teknologii mingutsitsinngitsoq	19/12-2024
grønt image	mingutsitsinngitsutut isigineqarneq (piujuartitsisutut isigineqarneq 28/11-2017-mi akuerisaq atorunnaarsinneqarpoq	19/12-2024
grønt indkøb	mingutsitsinngitsunik pisiniarneq (piujuartitsinissaq siunertaralugu pisiniarneq quppersakkani miljøteknisk-term 2005-meersoq atorunnaarsinneqarpoq)	19/12-2024
interessentdialog	soqutigisaqaqatinut attaveqarneq (soqutigisaqaqatigiinnik oqaloqateqarneq 28/11-2017-mi akuerisaq atorunnaarsinneqarpoq)	19/12-2024
klimamærke	mingutsitsinnginnermut ilisarnaat	19/12-2024
klimapåvirkning	silap pissusiata sunniinera	19/12-2024
klimapåvirkning	silap pissusiata sunnigaanera	19/12-2024
klimarapportering	silap pissusianut sunniinermik nalunaarusiorneq	19/12-2024
klimaregnskab	silap pissusianut sunniinermik naatsorsuutit	19/12-2024
klimatilpasning	silap pissusianut naleqqussarneq	19/12-2024
klimavenlig	silap pissusianut ajoqusiinngitsoq	19/12-2024
CO2-kompensation	CO2-mik aniatitsinerunissamik taartisineq	19/12-2024
korruptionsrisiko	peqquserlulluni iluanaarniartoqaratarsinnaaneranik aarlerinaat	19/12-2024
KRAMS	KRAMS	19/12-2024
KRAMS-faktorer	KRAMS-imut tunngasut	19/12-2024
Critical Control Point	CCP	19/12-2024
talentudvikling	piginnaasanik ineriartortitsineq	19/12-2024

6. Ilaasortanit siunnersuutinik suliaqarneq
   • Soqanngilaq
7. Suliat allat pillugit ilisimatitsineq
   
   1. Inuit aqqi pillugit saaffiginnissutit
      • Inuup aqqa pillugu saaffiginnissut tusaatissatut tiguneqarpoq.
8. Avammut nalunaarutissat
   • Oqaasiliortut aalajangersagaat taaguut bremse (sullineq tuttumiittartoq) kalaallisut taaguusigaq ima: tuttup quperluliortua (rensdyrets svælgbremse) Facebookikkut saqqummiunneqassaaq.
9. Ataatsimiinnissap tulliata ullulerneqarnera
   • Ataatsimiinnerup tullia pissaaq pingasunngorneq 08/01-2025, nal. 13-16, Oqaasileriffimmi.
10. Tamalaat
    • Soqanngilaq.

Ataatsimiinnermi peqataasut:

• Mariia Simonsen (siulittaasoq) 
• Karen Ramsøe (siulittaasup tullia)
• Ono Fleischer (ilaasortaq)
• Abia Abelsen (ilaasortaq)

Imaqarniliaq atuarsimallugu uppernarsarpara:

• Dorthe Kielsen (ilaasortaq)