OQAASILIORTUT ATAATSIMIINNERAT (2025-1)
– pingasunngorneq 08/01-2025, nal. 13:00-16:00, Oqaasileriffimmi
PEQATAASUT
Oqaasiliortunit
- Mariia Simonsen (siulittaasoq), Karen Ramsøe (siulittaasup tullia), Abia Abelsen, Ono Fleischer & Dorthe Kielsen (ilaasortat)
Oqaasileriffimmit
- Helle Hammeken-Holm (allatsi) & Beatrine Heilmann (pisortaq)
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (19/12-2024) imaqarniliap akuerineqarnera
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit.
- Siulittaasumit ilisimatitsissutit.
- Kalaallit aqqinik siulequtaasunik akuereqquneqartunik suliaqarneq
- Suliat aalajangiiffigisassat suliarineqarnerat
- Killiffilersuutit
- Taaguusersuuserineq
- Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit Silap pissusianut piujuartitsinermullu taaguusersuutinik aalajangersaaneq.
- Ilaasortanit siunnersuutinik suliaqarneq
- Suliat allat pillugit ilisimatitsineq
- Inuit aqqi pillugit saaffiginnissutit.
- Avammut nalunaarutissat
- Ataatsimiinnissap tulliata ullulerneqarnera
- Tamalaat
-
- IMAQARNILIAQ
- Oqaluuserisassat akuerineqarnerat
- Oqaluuserisassani immikkoortut 5.a aamma 5.b paarlaateriarlugit akuerineqarput.
- Kingullermik ataatsimiinnermit (19/12-2024) imaqarniliap akuerineqarnera
- Kingullermik ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Oqaasileriffimmit ilisimatitsissutigineqarpoq unnuk kulturisiorfik ullormi 18/01-2025-mi illoqarfitsinni pissasoq Oqaasileriffik ammassasoq nal. 15:00-mit 19:00-mut.
- Siulittaasumit ilisimatitsissutit
- Soqanngilaq
- Oqaasileriffimmit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Nukappiaqqap atiattut akuerineqarpoq
- Bentinnguaq (08/01-2025)
- Nukappiaqqap atiattut akuerineqarpoq
- Suliat aalajangiiffigisassat suliarineqarnerat
- Killiffilersuutit.
- Killiffilersuutini naggat naalisaatitut pillugu § 3 nassuiaateqarfigineqariarluni naggatip naalisaatitut atuuffii eqqartuiffigineqariarlutik aalajangersaaffigineqarput. Naggat naalisaatitut pillugu makku aalajangersarneqarput:
- Naggat pillugu aalajangersakkat
- Naggat allakkat allakkiallu allat aallaqqaaserneranni oqaatigisani kingullerni atorneqarneq ajorpoq.
- Meteri aallaavigalugu uuttuutit assigisaallu, soorlu oqimaassutsinut uuttuutit, allallu kisitsisinik siuleqartussat naalisarlugit allakkaanni naggat atorneqassanngilaq (ass. cm, m, m2, km, g, kg, dl, l imalt. L, kHz, dB, V, A, W).
- Naggat naalisaatitut atorneqarneq ajorpoq nunamut, nunap ilaanut illoqarfimmut nunaqarfimmulluunniit allakkerisarfimmit aatsivissaq nalunaarlugu atorneqartillugu (ass. Odense C).
- Oqaaseq naggammik naalisaammik naggasigaq oqaaseqatigiinni kingulliuppat naggat ataasiinnaq ikkunneqartassaaq, killiffilersuutilli allat naggataanngitsut atorneqassatillugit taakku sioqqullugit naggat inissinneqassalluni (ass. E-mailimik nassilaarsinnaavinga paasissutissanik najugaanik, oqarasuaataanik il.il.?).
- Naggat naalisaatitut oqaatsinut arlariinnut ataatsimoortunut atorneqartillugu oqaatsit naalisakkat akunnilerneqarneq ajorput (ass. il.il.).
- Oqaatsit arlariit ataatsimoortut ilaannaat naggammik naalisaammik naggaserneqarpat nalinginnaasumik oqaatsip naalisinneqartup siornani kingornanilu akunniliisoqartassaaq (ass. a c./a conto, A. Olsen).
- Imaattuut pillugu aalajangersakkat
- Imaattuut killiffilersuutitut atornermini isumaqartinneqarsimaguni “soorlu tassa”, “soorlu” imaluunniit “tassa imaappoq” ikkunneqarsinnaavoq, imaattuummulli taarsiullugu uniffik aamma atorneqarsinnaalluni.
- Torluut pillugu aalajangersakkat
- Oqaatsit oqaaseqatigiilluunniit arlariit torlulaarutigineqartut imamikkut imminnut qanippata torluut tamanut atugassaq ataaseq atorneqassaaq.
- Kittoraat pillugu aalajangersakkat
- Oqaatiginiagaq naaneqanngitsoq malunnartinniarlugu kittoraammik atuisinnaaneq atorunnaarsinneqarpoq.
- Naggat pillugu aalajangersakkat
- Killiffilersuutini naggat naalisaatitut pillugu § 3 nassuiaateqarfigineqariarluni naggatip naalisaatitut atuuffii eqqartuiffigineqariarlutik aalajangersaaffigineqarput. Naggat naalisaatitut pillugu makku aalajangersarneqarput:
- Taaguusersuuserineq
- Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit silap pissusianut piujuartitsinermullu taaguusersuutinik aalajangersaaneq.
- Taaguusersuutit aalajangersakkat:
- Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmit Nukissiuutinut Avatangiisinullu immikkoortortaanit silap pissusianut piujuartitsinermullu taaguusersuutinik aalajangersaaneq.
- Killiffilersuutit.
| Qallunaatut taaguut | Kalaallisut taaguut | Ulloq akuersiffik |
| ledelsesudvikling | aqutsisunik ineriartortitsineq | 08/01-2025 |
| leverandør | pisiortorfik | 08/01-2025 |
| leverandørstyring |
pisiortorfimmik aqutsineq (pisiortorfinnik aqutsineq 28/11-2017-imi akuerisaq atorunnaarsinneqarpoq) |
08/01-2025 |
| madspild | nerisassanik maangaannartitsineq | 08/01-2025 |
| mangfoldighed | amerlangaassuseq | 08/01-2025 |
| medarbejderforhold | sulisunut atugassarititat | 08/01-2025 |
| Medarbejderomsætningshastighed (MoT-hastighed) | MoT-hastighed; sulisut suliunnaartarnerat | 08/01-2025 |
| Medarbejderomsætningshastighed (MoT-hastighed) | MoT-hastighed; sulisut suliunnaartarnerat | 08/01-2025 |
| Medarbejdertilfredshedssundersøgelse (MTU) |
MTU; sulisut naammagisimaarinninnerannik misissuineq (medarbejdertilfredshed: suleqataasut naammagisimaarinninerat, sulinermi atukkanut taaguusersuutit 2006-imeersut atorunnaarsinneqarput) |
08/01-2025 |
| medarbejdertrivsel | sulisut atugarissaassusiat | 08/01-2025 |
| miljøansvar | avatangiisinut akisussaaneq | 08/01-2025 |
| miljøansvarlighed | avatangiisinut akisussaassuseqarneq | 08/01-2025 |
| miljøarbejde | avatangiisit pillugit suliniuteqarneq | 08/01-2025 |
| miljøbevidsthed | avatangiisinut eqqummaarinneq | 08/01-2025 |
| miljøforbedring | avatangiisinik pitsanngorsaaneq | 08/01-2025 |
| miljøhensyn | avatangiisinik mianerinninneq | 08/01-2025 |
| miljøindsats | avatangiisit pillugit suliniut | 08/01-2025 |
| miljøinvestering | avatangiisinik suliniutinut aningaasaliineq | 08/01-2025 |
| miljøorganisation | avatangiisit pillugit suliniaqatigiiffik | 08/01-2025 |
| miljøpolitik |
avatangiisit pillugit politikki (avatangiisit pillugit politik 10/10-2007-imi akuerisaq atorunnaarsinneqarpoq) |
08/01-2025 |
| miljøpåvirkning | avatangiisinut sunniut | 08/01-2025 |
| miljørigtig | avatangiisinik ajoqusiinngitsoq | 08/01-2025 |
| miljøtiltag | avatangiisit pillugit iliuuseq | 08/01-2025 |
| NGO | NGO; Non-Govermental Organizations | 08/01-2025 |
- Ilaasortanit siunnersuutinik suliaqarneq
- Soqanngilaq
- Suliat allat pillugit ilisimatitsineq
- Inuit aqqi pillugit saaffiginnissutit
- Inuit aqqi pillugit saaffiginnissutit tusaatissatut tiguneqarput.
- Inuit aqqi pillugit saaffiginnissutit
- Avammut nalunaarutissat
- Oqaasiliortut ukiortaami killiffilersuutit malittarisassaannik nutarteralutik aallartissimanerat avammut nalunaarutigineqassaaq.
- Ataatsimiinnissap tulliata ullulerneqarnera
- Ataatsimiinnerup tullia pissaaq pingasunngorneq 22/01-2025, nal. 13-16, Oqaasileriffimmi.
- Tamalaat
- Soqanngilaq.
Ataatsimiinnermi peqataasut:
- Mariia Simonsen (siulittaasoq)
- Karen Ramsøe (siulittaasup tullia)
- Ono Fleischer (ilaasortaq)
- Abia Abelsen (ilaasortaq)
- Dorthe Kielsen (ilaasortaq)