Nunat Aqqinik Aalajangiisartut 2013 – 1 (gl)

NAA.18.01.13 (gl)

Nunat Aqqinik Aalajangiisartut

Sisamanngorneq januarip 18-ani 2013-mi Oqaasileriffimmi ataatsimiinnerannik imaqarniliaq

Peqataasut: Carl Christian Olsen, Abia Abelsen, Stephen Heilmann aamma Tukummeq Qaavigaq

Peqataanngitsoq: Lotte Holm

Allatsi: Arnaq B. Johansen

1. Tikilluaqqusineq
2. Nuup eqqaani kujataatungaani nunaminertap qinnutigineqartup taaguusernera
3. Narsap eqqaani, Igalikup eqqaani nunaminertat qinnutigineqartut ataatsimut taaguusernera
4. Taasariaqartut allat

1. Tikilluaqqusineq
   Ataatsimiinnerup aallartinnerani Nunat Aqqinik Aalajangisartunut siulittaasoq Carl Christian Olsen tikilluaqqusivoq.
2. Nuup eqqaani kujataatungaani nunaminertap qinnutigineqartup taaguusernera
   Aatsitassanik Ikummatissanillu Pisortaqarfiup qinnutigisaa, Nuup eqqaani nunaminertamik misissuinissamut qinnuteqaatigineqartup taaguuserneqarnissaanut tunngasoq eqqartorneqarpoq. Taannalu nunaminertaq taaguuserneqarpoq Inoqquat.
3. Narsap eqqaani, Igalikup eqqaani nunaminertat qinnutigineqartut marluk ataatsimut taaguusernera
   Aatsitassanik Ikummatissanillu Pisortaqarfiup qinnutigisaa, Narsap eqqaani, Igalikup eqqaani nunaminertat misissuiffigineqartussatut qinnutigineqarsimasut marluk ataatsimut taaguuserneqarnissaannut tunngasoq eqqartorneqarpoq. Taannalu nunaminertaq taaguuserneqarpoq Amikitak.
4. Taasariaqartut allat

Carl Chr. Olsen                       Arnaq B. Johansen

Siulittaasoq                             Allatsi