Oqaasiliortut 10/12-2020 ataatsimiinnerannit imaqarniliaq
Peqataasut:
Oqaasiliortut: Mariia Simonsen (siulittaasoq), Knud Møller, Hans Kristian Olsen & Camilla Kleemann-Andersen
Peqataanngitsoq: Karen Ramsøe (siulittaasup tullia)
Oqaasileriffimmit: Lisathe Møller (allatsi) & Beatrine Heilmann (pisortaagallartoq)
Oqaluuserisassat:
- Oqaluuserisassat akuerineqarnerat.
- Kingullermik ataatsimiinnermit imaqarniliap akuerineqarnera.
- Deloittep nalunaarusiaata Sermitsiami allaaserineqarneranut akissutissamut siunnersuut.
- Ataatsimiinnissap tulliata ullulerneqarnera.
- Tamalaat.
Imaqarniliaq
- Oqaluuserisassat akuerineqarnerat.
Oqaluuserisassat akuerineqarput.
- Kingullermik ataatsimiinnermit imaqarniliap akuerineqarnera.
03/12-2020 ataatsimiinnermit imaqarniliaq akuerineqarpoq.
- Deloittep nalunaarusiaata Sermitsiami allaaserineqarneranut akissutissamut siunnersuut.
3/12-2020 Sermiatsiap nittartagaatigut ima qulequtalik nutaarsiassatut saqqummiunneqarpoq: Sprogsekretariatet har ingen strategi.
Oqaasiliortut kalaallisut taaguusersuutinik akuersisarnerminni sulinerat pillugu Deloittep nalunaarusiaa kukkunerpaaloqaqisoq tamanut saqqummiunneqarpoq. Nalunaarusiami kukkunerit ilagivaat Oqaasileriffik Oqaasiliortullu immikkoortinnagit taputartuunneqarnerat. Tusagassiortup nalunaarusiaq malillugu Oqaasileriffik periusissiaqannginnerarlugu qulequtaliullugu tusagassiaraa, imarisaanilu Oqaasileriffik eqqaaneqartarpoq, naak Oqaasiliortut sulinerat pineqaraluartoq. Oqaasiliortut eqqartorpaat tusagassiaq pineqartoq qanoq qisuariarfigineqassanersoq. Oqaasiliortut eqqartuereerlutik aalajangerput Oqaasileriffiup erseqqissaalluni allakkani Sermitsiamut nassiutissagaa, Oqaasiliortullu qisuariassanngikkallartut.
- Ataatsimiinnissap tulliata ullulerneqarnera.
Sisamanngorneq 7/1-2021 nal. 13-16 ataatsimiiffiussaaq.
- Tamalaat.
Ataatsimiinnermi peqataasut:
Mariia Simonsen, siulittaasoq
Camilla Kleemann-Andersen, ilaasortaq
Hans Kristian Olsen, ilaasortaq
Knud Møller, ilaasortaq
Imaqarniliaq atuarsimallugu uppernarsarpaa:
Karen Ramsøe, siulittaasup tullia