Oqaasiliortut 2021 – 7 (gl)

OQAA – 220621 (gl)

Oqaasiliortut 22/06-2021 ataatsimiinnerannit imaqarniliaq

 

Peqataasut:

Oqaasiliortut: Mariia Simonsen (siulittaasoq), Karen Ramsøe (siulittaasup tullia), Knud Møller, Hans Kristian Olsen & Abia Abelsen 
Oqaasileriffimmit: Lisathe Møller (allatsi) & Beatrine Heilmann (pisortaagallartoq)

 

Oqaluuserisassat:

1. Oqaluuserisassat akuerineqarnerat.
2. Kingullermik ataatsimiinnermit imaqarniliap akuerineqarnera.
3. Siulittaasumit Oqaasileriffimmillu ilisimatitsissutit.
   1. Oqaasileriffimmit ilisimatitsissutit
4. Suliat allat pillugit ilisimatitsineq
   1. Inuit aqqi pillugit saaffiginnissutit
   2. Paniula
5. Suliat allat:
   1. Oqaasiliortut taaguusersuutinik akuerseriaasiata naliliiviginera
   2. Ukiup affaanut nalunaarusiaq
6. Kalaallisut taaguusigassat:
   1. Isikkamik-arsarnermi taaguutit akuerineqareersut eqqartoqqitassa

• 1. • 10.02.2021-mi fodboldlandskamp ima kalaallisut taaguuteqartussatut akuerineqartoq isikkamik-arsarnermi nunanut allanut unammineq aamma arsaannermi nunanut allanut unammineq eqqartoqqinneqassaaq.
     • 26.05.2021-mi holdkort ima kalaallisut taaguuteqartussatut akuerineqartoq iligiit allassimaffiat eqqartoqqinneqassaaq.
  2. Isikkamik-arsarnermi taaguusersuutit akuerineqarnissaat

7. Ataatsimiinnissap tulliata ullulerneqarnera.
8. Tamalaat

 

Imaqarniliaq

1. Oqaluuserisassat akuerineqarnerat

Oqaluuserisassat akuerineqarput.

2. Kingullermik ataatsimiinnermit imaqarniliap akuerineqarnera.

26/5-2021 ataatsimiinnermit imaqarniliaq akuerineqarpoq.

 

3. Siulittaasumit Oqaasileriffimmillu ilisimatitsissutit.
   1. Oqaasileriffimmit ilisimatitsissutit tusaatissatut tiguneqarput.

 

4. Suliat allat pillugit ilisimatitsineq
   a. Inuit aqqi pillugit saaffiginnissutit tusaatissatut tiguneqarput.
   Ataatsimiinnermi maajip 26-annit maannamut ateq ataaseq Oqaasiliortunit akuersissutigineqarpoq:

1. • Niviarsiaqqap aqqa Pajunnguaq ilaasortanit tallimaasunit pingasut amerlanerussuteqarlutik
2. Paniula
   Kinguliaq Paniula siuliaqutitut qinnutigineqarpoq. Siuliaqutit kinguliaqutinngortinneqarsinnaapput, kinguliaqutilli siuliaqutinngortinneqassappata tamanna Oqaasiliortut tunngaviusumik aalajangiiffigisussaavaat. Pineqartoq eqqartoreerlugu Oqaasiliortut aalajangerput eqqarsarfissaqarluareerunik kinguliat siuliaqutinngortinneqarsinnaanissaat tullianik ataatsimiinnermi aalajangiiffigiumaarlugu. Paniulamut tunngasoq taamaalilluni kinguartinneqarpoq.

 

5. Suliat allat:
   a. Oqaasiliortut taaguusersuutinik akuerseriaasiata naliliiffiginera
   Oqaasiliortut taaguusersuutinik akuerseriaasertik eqqartoreerlugu allannguiffigaat.
   Ataatsimiinnermut ataatsimut taaguutit 200-t angullugit piareersarneqartartussaammata  ataatsimiinneq ataaseq pingasunik nalilerlugu akissarsissutigineqartalissasoq Oqaasiliortut
   aalajangerput. Aternik akuersisarnermi aalajangerneqareersoq, tassalu ataatsimiinnerit marluk akornanni aternik akuersissuteqartoqarsimatillugu tamatuma ataatsimiinnermik ataatsimik nalilerneqarnissaa aalajangiusimaneqarpoq.
   b. Ukiup affaanut nalunaarusiaq
   Oqaasileriffimmit Oqaasiliortunut ukiup affaanut nalunaarusiaq siulleq saqqummiunneqarpoq. Nalunaarusiami Oqaasileriffimmit siunnersuutigineqarpoq kisitsisit uiguuserneqarnerminni kingulleqqiuserneqarnerminnilu allanneqarnissaannut najoqqutassanik pisortatigoortumik malinneqartussanik suliaqartoqassasoq. Tamanna Oqaasiliortunit akuerineqarpoq.

 

6. Kalaallisut taaguusigassat:
   a. Isikkamik-arsarnermi taaguutit akuerineqareersut eqqartoqqitassat

1. • 10.02.2021-mi fodboldlandskamp akuerineqartoq isikkamik-arsarnermi nunanut allanut unammineq aamma arsaannermi nunanut allanut unammineq eqqartoqqinneqarpoq. Oqaasiliortut eqqartuereerlutik fodboldlandskamp ima allanngortillugu taaguuteqartussatut aalajangerpaat: isikkamik-arsarluni nunamut allamut unammineq aamma arsaalluni nunamut allamut unammineq.
   • 26.05.2021-mi holdkort ima kalaallisut taaguuteqartussatut akuerineqartoq iligiit allassimaffiat eqqartoqqinneqarpoq. Oqaasiliortut eqqartuereerlutik aalajangerpaat kalaallisut taaguutissatut akuerisaq allanngortinneqassanngitsoq.
2. Isikkamik-arsarnermi/arsaannermi taaguusersuutit akuerineqarnerat

Isikkamik-arsarnermi/arsaannermi taaguutit makku akuerineqarput:

hurtige fødder	isigassullaqqissoq
hviledag	ulloq qasuerserfik
høj bold	arsaq qutsiartukkoortoq
højrebenspark	talerpimmik isimmitsineq
højrekant	arsaaffiup talerpiatungaa
højt pres	sassasilluni arsaarsiniaaneq
igangsætning	aallartitsineq
indendørs fodbold	illup iluani isikkamik-arsarneq, illup iluani arsaanneq
indirekte frispark	toqqaannartumik isertitseriarsinnaannginneq
individuel færdighed	arsaattartup pisinnaassusia, isikkamik-arsartartup pisinnaassusia
individuel træning	kisimiilluni sungiusarneq
indkast	sinaanit nalussineq
indspark	sinaanit isimmitsineq
instruerende	ilitsersuinerusoq
instruktionsmoment	ilitsersuineq
integrator	ataatsimoortitsisartoq
intervaltræning	sukkatsisarneq
kamp	unammineq
kampprogram	unamminissat tulleriiaarneqarnerat
kamprapport	unammereernermi nalunaarusiaq
kanonskytte	sakkortuumik isertitseriallaqqissoq
karantæne	unammeqataaqqusaanngikkallarneq
kaste	naluppaa
klubskifte	klubbimut allamut nuunneq
klubtræner	klubbimi sungiusaasoq
klubturnering	klubbit unammiuaarnerat
kombinationsforsvar	arlariinnik periuseqarluni assersuineq
kompetence	piginnaasaq
kondition	qasujaassuseq
kondital	qasujaassutsimut takussutissaq

 

7. Ataatsimiinnissap tulliata ullulerneqarnera.

Ulloq 18/8-2021 tulliani ataatsimiiffiussaaq.

 

8. Tamalaat.

 

Ataatsimiinnermi peqataasut:

Mariia Simonsen, siulittaasoq

Karen Ramsøe, siulittaasup tullia

Hans Kristian Olsen, ilaasortaq

Abia Abelsen, ilaasortaq

Knud Møller, ilaasortaq