OQAASILIORTUT ATAATSIMIINNERAT (2025-14)
– pingasunngorneq 17/12-2025, nal. 13:00-16:00, Oqaasileriffimmi
PEQATAASUT
Oqaasiliortunit
- Mariia Simonsen (siulittaasoq), Karen Ramsøe (siulittaasup tullia), Abia Abelsen, Dorthe Kielsen & Ono Fleischer (ilaasortat)
Oqaasileriffimmit
- Beatrine Heilmann (allatsi & pisortaq)
OQALUUSERISASSAT
- Oqaluuserisassat akuerineqarnerat
- Kingullermik ataatsimiinnermit (26/11-2025) imaqarniliap akuerineqarnera
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Siulittaasumit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Suliat aalajangiiffigisassat suliarineqarnerat
- Allattaaseq
- Allattaasitoqaq pillugu aalajangersaaneq
- Taaguusersuuserineq
- Inatsisilerinermi taaguusersuutit
- Allattaaseq
- Ilaasortanit siunnersuutinik suliaqarneq
- Suliat allat pillugit ilisimatitsineq
- Inuit aqqi pillugit saaffiginnissutit
- Avammut nalunaarutissat
- Ataatsimiinnissap tulliata ullulerneqarnera
- Tamalaat
IMAQARNILIAQ
- Oqaluuserisassat akuerineqarnerat
- Oqaluuserisassat allanngornagit akuerineqarput.
- Kingullermik ataatsimiinnermit (26/11-2025) imaqarniliap akuerineqarnera
- Kingullermik ataatsimiinnermit imaqarniliaq akuerineqarpoq.
- Siulittaasumit Oqaasileriffimmillu ilisimatitsissutit
- Oqaasileriffimmit ilisimatitsissutit
- Oqaasileriffimmit ilisimatitsissutit tusaatissatut tiguneqarput.
- Siulittaasumit ilisimatitsissutit
- Siulittaasumit ilisimatitsissutit tusaatissatut tiguneqarput.
- Oqaasileriffimmit ilisimatitsissutit
- Kalaallit aqqinik siulequtaasunik akuereqquneqartunik suliaqarneq
- Suliat aalajangiiffigisassat suliarineqarnerat
- Allattaaseq
- Allattaasitoqaq pillugu aalajangersaaneq
- Allattaaseq
Oqaasiliortut aalajangerput januaarip 1-iat 2026 aallarnerfigalugu kalaallisut allattaasitoqaq atuukkunnaarsinneqassasoq, taamaalillunilu pisortatigoortumik allattaasitaamik taagorneqartoq (kalaallisut allattaaseq nutaaq Landsrådip ileqqoreqqusaa kalaallit allattaasianni allannguutissat pillugit 14. maaji 1973-imeersumi atuuttussanngortinneqartoq) kisimi atuuttussanngorluni.
Oqaasiliortut inatsisitigut tunngaviat piginnaatitaanerallu
Aalajangiineq Inatsisartut inatsisaat nr. 5, 1. juuni 2017-imeersoq, Oqaasiliortut pillugit inatsit, naapertorlugu pivoq. Inatsimmi pineqartumi aalajangersarneqarpoq Oqaasiliortut piginnaatinneqartut pisortatigoortumik kalaallisut allattaaseq aalajangersassallugu aamma tamanut saqqummiutissallugu.
Allattaasitoqaq pillugu Oqaasiliortut naliliinerat
Landsrådip ileqqoreqqusaa kalaallit allattaasianni allannguutissat pillugit 14. maaji 1973-imeersoq atuutilersinneqarmat aalajangersarneqarpoq allattaaseq Samuel Kleinscmidtip allattaasiliaa (allattaasitoqaq) allanngortinneqassasoq kalaallisut allattaasissamut nutaamut (allattaasitaaq), kiisalu kalaallisut allattaaseq nutaaq atulersikkiartuaarneqassasoq 1973-imi ukiup atuarfiusup aallartinneranit, aammalu ilinniartitsinermi atortussat pisariaqartut suliarineqarnerannut peqatigitillugu. Taamaattorli taamanikkut kingornalu aalajangersarneqanngilaq allattaasitoqaq qaqugu qanorlu atorunnaarsinneqassasoq.
Maanna Oqaasiliortut naliliipput allattaasitoqaq pisortatigoortumik atorneerutereersoq, ilinniusiat tamarmik allattaasitaaq atorlugu saqqummersinneqartarmata pisortanilu allakkianik suliaqartoqartillugu allattaasitaaq atorlugu allattoqartarmat, kiisalu TV-kkut aallakaatitat atuakkallu saqqummersitat allattaasitaaq atorlugu saqqummiunneqartarmata.
Allattaasitoqqap januaarip 1-iat 2026 aallarnerfigalugu atuukkunnaarsinneqarnissaata kingunissai:
- Pisortatigoortumik allattaaseq atuuttoq ataasiinnanngussaaq, tassa maanna allattaasitaamik taagorneqartoq kisimi atuutilissalluni.
- Oqaasiliortut allattaaseq pillugu aalajangersaatillutik allattaasitaaq kisiat tunngavigalugu aalajangersaasassapput.
- Inuit aqqi kalaallisut pilerfillit Oqaasiliortunut qinnutigineqartut allattaasitaaq malillugu taamaallaat akuersissutigineqarsinnaalissapput.
Oqaasiliortunit erseqqissaatigineqassaaq allattaasitoqqamik atuukkunnaarsitsinissaq isumaqanngimmat pisortanut allanullu saaffiginnissuteqarnerit allattaasitoqaq atorlugu pisinnaanngitsut. Kikkulluunniit allattaasitoqaq atorlugu pisortanut assigisaannullu saaffiginnissuteqarsinnaapput, pisortatigoortumilli akissutit allattaasitaaq kisiat atorlugu pisassapput.
-
- Taaguusersuuserineq
- Inatsisilerinermi taaguusersuutit
- Inatsisilerinermi taaguusersuutit 17/12-2025-mi aalajangersakkat:
- Inatsisilerinermi taaguusersuutit
- Taaguusersuuserineq
| Qallunaatut taaguut | Kalaallisut taaguut |
| lovens gyldighed i tid | inatsisitigut pineqaatissiisinnaatitaaffik |
| lovgivende myndighed | inatsisiliortut |
| lovgivning | inatsisit |
| lovovertrædelse | inatsimmik unioqqutitsineq |
| længstetid | sivisunerpaaffissatut killiliussaq |
| længstetid (foranstaltning) | pineqaatissiissutip sivisunerpaaffissaa |
| medhold | tapersiineq |
| medvirken | pinerloqataaneq |
| menneskehandel | inunnik aningaasannanniuteqarneq |
| misbrug af offentlig myndighed | atorfimmik atornerluineq |
| misligholdelse | pisussaaffimmik sumiginnaaneq |
| nationalitet | innuttaassuseq |
| nødret | ajornartoornermi pisinnaatitaaneq |
| nødværge | illersortariaqalerneq |
| offentlig påtale; påtale | unnerluussut |
| opholdsvilkår | sumiiffissamik piumasaqaatit |
| ophævelse af foranstaltning | pineqaatissiissummik atorunnaarsitsineq |
| oprør | pikitsitsineq |
| overtrædelse | unioqqutitsineq |
| pantefoged | akiliisitsiniartartoq |
| pengefalsk | peqquserluutinik aningaasaliorneq |
| pornografisk fremstilling | pornuliorneq |
| pornografisk udnyttelse af ung | ukiukitsumik pornuliorneq |
| privat påtale | pinerlineqartumit unnerluussut |
| prøveløsladelse | iperagaagallarneq |
| prøvetid | piffissaq misilinneqarfiusoq |
| prøvetid (løsladelse) | iperagaanermi misilinneqarfik |
| påtalefrist | unnerluussummik suliarinninnissamut killiliussaq |
| radioaktiv forbrydelse | radioaktivinik peqquserluuteqarneq |
| regel | maleruagassaq |
| retsforskrift; retsregel | inatsisitigut maleruagassaq |
| retshjælp | inatsisitigut ikiorserneqarneq |
| returkommission | unneqqaserlunnikkut iluanaarut |
| prostitueret | akilersilluni atortittartoq |
| prostitution | aningaasarsiutigalugu atortittarneq |
| rufferi | akilersilluni atortittartunik aningaasarsiuteqarneq |
| røveri | ujajaaneq |
| samlet foranstaltning | pineqaatissiissutit ataatsimoortitat |
| sanktion | kingunerititaq |
| seksuelt forhold til barn | meeqqamik kinguaassiuutitigut atoqateqarneq |
| selvtægt | namminersuussineq |
| servitut | pigisamut aalaakkaasumut killilimmik pisinnaatitaaffik |
| terrorisme | qunusiarinninnikkut anguniagaqarneq |
| terrorrelateret handling | qunusiarinnippalaartumik iliuuseqarneq |
| terrorstøtte | qunusiarinninniartunik tapersiineq |
| terrorist | qunusiarinninniartartoq |
| terrortræning | qunusiarinninniartartussanik sungiusaaneq |
| tilbagetræden fra forsøg | pinerlunniarnermik taamaatitsineq |
| tilbagetræden fra medvirken | pinerloqataaffigisamit tunuarneq |
| tilsynsdom | nakkutigineqarnissamik eqqartuussut |
| tilsynsforanstaltning | pineqaatissinneqarsimasumik nakkutiginninneq |
| tingsbeskadigelse | allap pigisaanik innarliineq |
| tavhedspligt | nipangiussisussaatitaaneq |
| tjenstligt tavshedsbrud | nipangiussisussaatitaanermik unioqqutitsineq |
| tro og love-erklæring | paasissutissat ilumoortuunerannik uppernarsaat |
| tro og love-erklæring | paasissutissat ilumoortuunerannik uppernarsaaneq |
| tyveri | tillinneq |
| uagtsomhed | mianersuaalliorneq |
| udnyttelse | atornerluineq |
| ulovlig alarmering | unioqqutitsilluni kalerrisaarineq |
| ulovlig omgang med hittegods | nassaamik unioqqutitsilluni atuineq |
| ulovlig tvang | qunusaarinikkut pinngitsaaliineq |
| undladelse af at afværge forbrydelse | pinerluummik isiginngitsuusaarineq |
| undskyldelig retsvildfarelse | piaarinani inatsimmik unioqqutitsineq |
| vedtægt | ileqqoreqqusaq |
| voldgift | isumaqatigiissitsiniarneq |
| voldgiftsdommer | isumaqatigiissitsiniartartoq |
| våbenlovsovertrædelse | sakkut pillugit inatsimmik unioqqutitsineq |
| ærekrænkelse | nikanarsaaneq |
- Ilaasortanit siunnersuutinik suliaqarneq
- Soqanngilaq.
- Suliat allat pillugit ilisimatitsineq
- Inuit aqqi pillugit saaffiginnissutit
- Soqanngilaq.
- Inuit aqqi pillugit saaffiginnissutit
- Avammut nalunaarutissat
- Allattaasitoqqap 1. januaari 2026 aallarnerfigalugu atorunnaarsinneqarnissaa avammut nalunaarutigineqassaaq.
- Ataatsimiinnissap tulliata ullulerneqarnera
- Tamalaat
- Soqaanngilaq.
Ataatsimiinnermi peqataasut:
- Mariia Simonsen (siulittaasoq)
- Karen Ramsøe (siulittaasup tullia)
- Dorthe Kielsen
- Abia Abelsen
- Ono Fleischer