Grønlands Sprogsekretariat

Oqaasiliortut 2004 – 4 (gl)

OQAA – 010604 (gl)

Oqaasiliortut juunip 1-anni 2004, nal. 10.00 Oqaasileriffimmi ataatsimiinnerannit imaqarniliaq.

 

Peqataasut: Carl Chr.Olsen, Stephen Heilmann, Nuka Møller, Ellen Jensen, Liisi Egede Hegelund.

Allatsigalugu: Pia N. Knudsen.

 

Oqaluuserisassat:

  1. Ilisimatitsissutit
  2. Kingullermik ataatsimiinnermit imaqarniliaq
  3. Allagartalersuutit KANUKOKA aamma Securitas
  4. Børneporno
  5. Nordisk Sprogmøde Tórshavnimi
  6. Taasariaqartut allat

-1 pillugu-

CCO: Nordisk Sprogkonventionip suliaq naammassivaa, tamanna pillugu Oqaasiliortut sinnerlugit CCO-p Namminersornerullutik 0qartussat ilisimatippai naammassinninneq akueralugu atsiorluni.

CCO: Ole Greisen nakorsat atugassaannik atuagaaqqamik saqqummersitsisimavoq, ataaseq Oqaasileriffimmut nassiuppaa.

CCO: Oqaasileriffik Namminersornerullutik Oqartussanut allagaqarnikuuvoq Sektorforsknings institutitut inissinneqarnissaq piumasaralugu.

Finanslovimut oqaasertassat inissinneqareerput aappaanili aatsaat inatsisiliuunneqassaaq.

-2 pillugu-

Kingullermik ataatsimiinnermit imaqarniliaq akuerineqarpoq.

-3 pillugu-

KANUKOKA-p aamma Securitasip allagartalersuutit suliarititaat Oqaasiliortunit suliarineqareernikut SH-p aamma NM-p misissoreerunikkit oqarasuaatikkut Oqaasileriffimmut saaffiginnissutigissavaat.

-4 pillugu-

Børneporno Oqaasiliortunit Meeqqanik kanngunartuliorneq-mik kalaallisut taaneqartassasoq aalajangerpaat.

-5 pillugu-

Nordisk Sprogmødimut Tórshavnimi aggustip naalernerani pisussami Stephen Heilmann CCO-mut sinniissutut aamma Liisi Egede Hegelund Oqaasiliortunit peqataassapput. Pia N Knudsenip Nordens Sprogrådimut aamma Tórshavnimut taakku nalunaarutigissavai.

-6 pillugu-

CCO: Atuarfinni oqaatsit atorneqartut EJ-p allattugai Oqaasileriffimmut nassiunneqarsinnaanersut ”oqaatsinik katersat”-llu ilanngunneqarsinnaanersut CCO-p EJ-mut apeqqutigai.

EJ: Nassiunneqassasut EJ-p oqaatigaa.

LEH: Oqaasiliortut radiokkut nuimanerulernissaat kissaatigaa, ullaap tungaani aallakaatinneqartartumi Oqaasiliortut eqqaaneqartarnerat tusarnallattaasarlugu LEH oqarpoq.

Radiukkut aallakaatitami peqataasarsinnaaneq eqqaavaa Oqaasiliortullu suliaasa saqqummiussuunnissaat siunnersuutigaa.

CCO: Oqaasiliortut radiukkut aallakaatitsisalernissaannut pilersaarut ingerlavoq naatsorsuutigineqarporlu septembarimi aallakaatitsinermi Oqaasiliortut peqataatinneqarumaartut. Aamma oqaatigai taaguusersuutit assigiinngitsut nittartakkami saqqummersussat inuit nittartakkamik atuisartut atoriaannaagaat.

Tulliani ataatsimiinnissaq pissaaq juunip 15-anni 2004, nal.10.00 Oqaasileriffimmi.

 

Carl Chr. Olsen Pia N. Knudsen

Siulittaasoq Allatsi