Oqaasiliortut ataatsimiinnerat 07.11.2019 nal. 9.30-12.00
Peqataasut:
Oqaasiliortunit: Mariia Simonsen, Juaaka Lyberth, Knud Møller, Hans Kristian Olsen aamma Karen Ramsøe.
Oqaasileriffimmit: Lisathe Møller, Katti Frederiksen.
1. Oqaluuserisassat allannguuteqartinneqarlutik akuersissutigineqarput.
2.Oqaasiliortut 19/9-2019 ataatsimiinnerannit imaqarniliaq akuerineqarpoq.
3. Siulittaasumit Oqaasileriffimmillu ilisimatitsissutit.
a) Oqaasileriffimmit paasissutissat:
Oqaasileriffimmit paasissutissat bilagitut ilanngunneqarput.
b) Siulittaasumit ilisimatitsissut:
Inatsisartut kultureqarnermut ataatsimiitialiannik ataatsimeeqateqarneq pillugu ilisimatitsinissaq tulliani ataatsimiinnissamut kinguartinneqarpoq.
4. Aalajangiiffissat
a) Oqaasiliortut verdensmålit 17-it kalaallisut qulequtassaat eqqartoreerlugit pisortatigoortumik aalajangiivigivaat.
Pisortatigoortumik kalaallisut qulequttat aalajangiivigineqartut:
| English | Dansk | OQAASILIORTUT AKUERISAAT 07.11.19 |
| no poverty | afskaf fattigdom | piitsuussuseq nungutillugu |
| zero hunger | stop sult | kaattoqassanngilaq |
| good health and well-being | sundhed og trivsel | peqqissuseq atugarissaarnerlu |
| quality education | kvalitetsuddannelse | ilinniartitaaneq pitsaassusilik |
| gender equality | ligestilling mellem kønnene | suiaassutsit naligiissitaanerat |
| clean water and sanitation | rent vand og sanitet | minguitsumik imeqarneq sukuluisaarnerlu |
| affordable and clean energy | bæredygtig energi | piujuartitsilluni nukissiorneq |
| decent work and economic growth | anstændige jobs og økonomisk vækst | suliffiit naapertuuttut aningaasarsiornikkullu siuariartorneq |
| industry, innovation and infrastructure | industri, innovation og infrastruktur | suliffissuit, nutaaliorneq attaveqaasersuutillu |
| reduced inequalities | mindre ulighed | naligiinnginneq minnerusoq |
| sustainable city and community | bæredygtige byer og lokalsamfund | inoqarfiit piujuartitsiffiusut |
| responsible consumption and production | ansvarligt forbrug og produktion | akisussaassuseqartumik atuineq tunisassiornerlu |
| climate action | klimaindsats | silap pissusia suliniuteqarfigalugu (Oqaasiliortunut ilaasortaq ataaseq uunga isumaqataanngilaq) |
| life below water | livet i havet | imaani uumassusillit |
| life on land | livet på land | nunami uumassusillit |
| peace and justice strong institutions | fred, retfærdighed og stærke institutioner | eqqissineq, naapertuilluarneq sullissiviillu qajannaatsut |
| partnerships for the goals | partnerskaber for handling | suleqatigiinnikkut anguniagaqarneq |
5. Aternik akuersineq
a) Ataatsimiinnerup siulianit maannamut (20/9-07/11-2019) inuit aqqi e-mailikkut suliarineqartut:
i.Arnaaratsiannguaq 9/10 niviarsiaqqat aqqattut akuersissutigineqarpoq. Oqaasiliortunut ilaasartat tamarmik tallimaallutik ateq akuersissutigivaat.
ii. Arnaraatsiannguaq 11/10 niviarsiaqqat aqqattut akuersissutigineqarpoq. Oqaasiliortunut ilaasartat tamarmik tallimaallutik ateq akuersissutigivaat.
iii. Ernu (Erno) nukappiaqqat aqqattut akuersissutigineqarpoq. Oqaasiliortunut ilaasartat tamarmik tallimaallutik akuersissutigivaat.
b) Dikka nukappiaqqat aqqattut qinnutigineqartoq
Dikka tunumiutut angummik isumaqartinneqartoq Oqaasiliortunut ilaasortanit tallimaasunit tunumiut sumiorpaluutaanut attuumassuteqartillugu akuersissutigineqarpoq.
6. Aalajangiivigisassat allat
a) Qallunaatut oqaaseq pissusilerissut (adjektiv) bæredygtig kingullermik ataatsimiinnermi kalaallisut taaguuserneqartoq piujuartitsineq eqqartoqqinneqarnerata kingunerisaanik pisortatigoortumik ima allanngortillugu taaguuteqartussatut aalajangiivigineqarpoq;
7. Ataatsimiinnissap tulliata ullulerneqarnera
Tulliani ataatsimiinneq pissaaq novembarip 28-ianni 2019-imi nal. 9.30-12.00.
8. Tamalaat
Oqaasiliortut siulittaasuannit siunnersuutigineqarpoq Oqaasiliortunut ilaasortat taaguusersuutit tunngaviinik suleriaasiinillu pikkorissartinneqarnissartik kissaatigalugu. Siunnersuuteqartup siunnersuutigivaa decembarimi 2019-imi imaluunniit januaarimi 2020-mi pikkorissartinneqarumaarnissartik.
Ataatsimiinnermi peqataasut:
Mariia Simonsen, siulittaasoq
Juaaka Lyberth, ilaasortaq
Hans Kristian Olsen, ilaasortaq
Karen Ramsøe, ilaasortaq
Knud Møller, ilaasortaq