Kisitsisit naqinnernernik allaqqanngitsut soorlu 1,2,3 il.il. kalaallisut allassagaanni uiguuseqqittariaqanngillat, soorlu 1-seq ataaseqseq-inngussagami.
Uiguusissagaanni kingulleqqiuserluguluunniit kalaallisut oqaatsinut naleqqussartarpagut i-lerlugit, soorlu 13-iupput, kisitsilli ersiummik naatillugu i-leqqaarnagu kingulleqqiusertarparput soorlu 29-nik.
Ordbogeeqqamit nassuiaatit:
“8. kisitsisit kinaassusersiutillit uiguutillillu.
Kinaassusersiutit pingajuat qasseersiut atunnaagaraat, kisitsimmillu nagguik allanneqaraangat imaattarlutik: 1-at: siulliat; 2-at: aappaat; 3-at: pingajuat; 4-at: sisamaat; 5-at: tallimaat; 6-at: arferngat; 7-at: arfineq-aappaat; 8-at: arfineq-pingajuat; 9-at: qulingiluaat; 10-at: qulingat; 11-at: aqqarngat; il.il.. ima atortarpavut: ullumi novemberip 5-at kingulleqqiuteqarunilu: 5-anni (ulluisa). Taamattaaq qaammatit 11-anni (novemberimi) uku allappakka.
Kingulleqqiuteqarlutik imaassinnaapput: 16-inik ukioqarlunga Nuummut pivunga, 22-nillu ukioqarlunga atorfeqalerlunga, maannalu 70-inik ukioqarpunga. 14-inik ukioqalerluta apersortippugut.´ ”
• Ordbogeeraq (1967) (pp.:15f).