Oqaasiliortut Ataatsimiinnerat pingasunngornermi marsip 26-anni 2008 nal. 10.00 Ilimmarfimmi, Oqaasileriffiup ataatsimiittarfiani.
Peqataasut: Abia Abelsen, Eva Møller Thomassen, Ellen J.Karlsen, Stephen Heilmann aamma Carl Chr. Olsen
Allatsi: Katti Frederiksen
Oqaluuserisassatut siunnersuutit:
- Tikilluaqqusineq
- Kingullermik ataatsimiinnermit imaqarniliap akuerineqarnera
- Taaguusersuinermi taaguutit akuerineqartussat
- Oqaasersiat allanneqartarnerinut malittarisassat nutaat
- Allaffissornermi taaguutit
- Oqaatsit katersat
- Allat
Inussiarnersumik inuulluaqqusilluta
Carl Chr. Olsen Katti Frederiksen
Siulittaasoq Allatsi
– 1. pillugu –
Oqaasileriffiup pisortaa Puju tikilluaqqusivoq
– 2.pillugu –
Imaqarniliami aaqqiissutissamernit Northern Periphery Programmep nassuiaataanut tunngasoq oqaatsimik ataatsimik ’ilaat’-mik ilaneqarpoq, kiisalu ’arbejdsmiljøproblemer’-ip kalaallisuunngortinnerani ’suliffimmi avatangiisini’ atorneqarsimasoq ’suliffimmi atukkani’-nngortinneqarpoq.
Taamaalillugulu akuerineqarluni.
– 3. pillugu –
Taaguusersuinermi taaguutit akuerisassat affaasa missaat naammassineqarput, ataani allassimasut ilaat akuerineqarlutillu taaguuserneqarput:
Forkortelse – naalisagaq
Godkendt term – taaguut akuerisaq
Alfabetisk ordning – Naqinnerit malillugit tulleriissaakkat
Antonymi – oqaatsip akerlia
Egennavn – taggit atiusoq
Associativ begrebsrelation – ? tullissaanimut kinguartikkallarpoq
Lånt fagudtryk – taaguut oqaasersiaq
Årsagsrelation – pissutaasut ataqatigiinnerat
Karakteristisk træk – ilisarnaqut
Cirkeldefinition – nassuiaat uteqattaartoq
Sammensat fagudtryk – taaguut katitigaq
Flerordsterm – taaguut arlalinnik oqaasertalik
Helhedsbegreb – tamakkiisumik paasinneriaaseq
Begreb – paasinneriaaseq
Begrebsanalyse – paasinneriaatsinik misissueqqissaarneq
Begrebsdiagram – paasinneriaatsinik takussutissiaq
Begrebsfelt – paasinneriaatsit atamasut
Begrebsharmonisering – paasinneriaatsinik assigiissaarineq
Begrebssystem – paasinneriaatsit ataqatigiinnerat
Kontekst – oqaaseqatigiinni inissisimaneq
Sideordnet begreb – paasinneriaatsit naligiissut
Korpus – [oqaatsit] katersat
Definition – nassuiaat
Adskillende karakteristisk træk – ilisarnaqut immikkoorutaasoq
Frarådet fagudtryk – taaguut naleqqutinngitsoq
Afledt fagudtryk – taaguut allamik aallaavilik
Betegnelse – taaguusersuut
Opslagsterm – taaguut ujartugassaq
Termækvivalens – taaguutip taamaaqataa
Væsentligt karakteristisk træk – ilisarnaqut pingaarutilik
Ekstension – annertusissut
Omfangsdefinition – nassuiaat annertusissut
Definition med ydre cirkel – tapertariissakkamik nassuiaat uteqattaartoq
Generelt begreb – paasinneriaaseq tamanut atuuttoq
Typerelation – paasinneriaatsit pissuseqatigiiartut
Homonymi – [oqaatsit] taaneqarnermikkut assigiit
Individuelt begreb – paasinneriaaseq immikkuullarissoq
Intention – ilisarnaqutip annertusissutaa
Indholdsdefinition – nassuiaammut annertusissut
Definition med indre cirkel – nassuiaat erseqqereersoq
Erseqqissarneqassaaq uku taaguutit qulaani aalajangiussat suli amigarmata aalajangiussassanillu allanik suli ilaqarmata, ataatsimiinnernilu tulliuttuni ingerlanneqartartussaallutik, taamaammat suli pisortatigoortumik atuutilinngillat.
– 4. pillugu –
Oqaasersianut malittarisassat nutaat 2006-imi isumaqatigiissutaasut malillugit oqaasersiat allattarneqartarnissaat suli aalajangiusimaneqarpoq.
Oqaasersiat nagguii aallaavigalugit allanneqartassapput, uiguusersorneqalersillugilli aatsaat oqaasersiani naqinneq kingulleq allanngortinneqarsinnaasassalluni, ass. radio aamma radiukkut, taamaattorli oqaasersiat atiutillugit uiguusersorneqarnerminni allanngortinneqartassagatik, ass. nintendo aamma nintendorama il.il.
Oqaatsit allat oqaasersiaagaluartut kalaallisulli pigiliunnikuusavut kalaallisut taasarnerisut allanneqaannartassapput, soorlu tii aamma karsi, ukuli oqaatsit nutaat aatsaat takkuttut kalaallisut
oqaaseqartinneqarlersimanngippata aatsaat qallunaatut imalt. tuluttut allanneqartarnerisut allanneqartassapput, tassa kalaallisut qanoq taaneqartarneri apeqqutaatinnagit. Uanili maluginiarneqassaaq allattaaseq aamma oqalunneq immikkorluinnaq isigineqarmata.
– 5. aamma 6. pillugit –
Allaffissornermut taaguutit oqaatsillu katersat piffissakilliorneq peqqutigalugu eqqartorneqanngillat
– 7. pillugu –
Saaffiginnissutit suliassartallit oqaatsillu aalajangiiffigisassat suliarineqartut ataani allassimapput:
Nationalteater kalaallisut Nunatta Isiginnaartitsisarfia.
Label kalaallisut: allagartalersuut.
Stillingsannonce kalaallisut: atorfimmik inuttassarsiuineq.
Visitkort kalaallisut taaguuserneqarani oqaasersiatut atuinnassaaq ima
allanneqarluni: visitkort.
Forebyggelsesstyrelse kalaallisut Pitsaaliuinermut Aqutsisoqarfik
Tullissaani ataatsimeeqqinnissamut misissugassanngorpoq oqaaseq tværfaglighed, oqaaseq Oqaasiliortunit aalajangiivigineqareersimasorineqarpoq, qulakkeerniarluguli ataatsimiittarnerni imaqarniliat misissoqqissaarneqassallutik.
Inussiarnersumik inuulluaqqusilluta
Carl Chr. Olsen Katti Frederiksen
Siulittaasoq Allatsi
Tullissaani ataatsimiinnissaq pissaaq:
pingasunngornermi apriilip 2.-ani, 2008 nal.13.00