The Language Secretariat of Greenland

Oqaasiliortut 2015 – 2 (gl)

OQAA – 040215 (gl)

Oqaasiliortut ataatsimiinnerat pingasunngorneq, februaarip 4-aanni 2015, nal. 10.00 Oqaasileriffimmi

Peqataasut: Carl Chr. Olsen, Karl Møller, Eva Møller Thomassen

Peqquteqarluni peqataasinnaanani nalunaartoq: Stephen Heilmann

Erninermut atatillugu sulinngiffeqartoq: Katti Frederiksen

Allatsi: Judithe Denbæk

 

Oqaluuserisassat:

  1. Siulittaasoq tikilluaqqusivoq, ilisimatitsissutigalugulu Miilu Lars Lund (in. 07.04.1929 – toq. 28.01.2015) pillugu eqqaaniummik atuagassiaq Kalaaleq-mut Oqaasiliortut sinnerlugit allagaqassalluni, ilaatigut allattaasitaamik folketingimit landsrådimiillu akuerineqarsimasumik 1973-imiilli maannamut suli atuuttumik pilersitseqataasimanera eqqartussallugit.
    Aammattaaq ilisimatitsissutigaa Katti Frederiksen erninermut atatillugu sulinngiffeqareerpat juunip aallaqqaataanit 2015-imiit Oqaasileriffimmi pisortanngussasoq, utaqqiisaalu allannguisinnaanermik ilaqanngitsumik Beatrine Heilmann pisortaagallassasoq.
    Ilanngullugit Oqaasileriffimmit JD-mit ilisimatitsissutigineqarpoq Unnuk Kulturisiorfimmi januaarip 24-ianni pisumi Oqaasileriffik ammasimammat, Oqaasiliortullu pillugit paasissutissanik sanarialuni isaasut qimerloorsinnaasaannik nivingatitaqarsimalluni. Paasissutissat Oqaasiliortunut emailikkut nassiunneqassapput.
  2. Ataatsimiinnermi kingullermit imaqarniliaq taamaatsillugu akuerineqarpoq.
  3. Saaffiginnissutit Oqaasiliortunukartuta) Administrationsdirektør aamma administrerende direktør
    Oqaasiliortut isummerput administrerende direktør tassaaginnassasoq pisortaaneq. Saaffiginnittup nammineq administrationsdirektør-imut kalaallisut taaguutigitissallugu tulluarnerutippaa allaffissornermi pisortaq. Administration-imut kalaallisut taaguutit (bilagimi tamakkiisumik allaqqasut) eqqarsaatigalugit Oqaasiliortuni eqqartorneqarput ingerlatsineq tassaanerusoq forvaltning, atortitsinerlu inatsisinut tunngalluni, aammattaaq allattoqarfik allaffeqarfillu assigiinnginnerat taaneqarluni. Saaffiginnittup nammineq siunnersuutimini oqaaseq atugaa allaffissorneq Oqaasiliortunit ippinnartinneqarmat taarsiullugu administrationsdirektør-imut Oqaasiliortut taaguutitut akueraat: Allattoqarfimmi (imaluunniit: allattoqarfinni) pisortaaneq.b) Lovbekendtgørelser aamma bekendtgørelse af lov
    CCO erseqqissaavoq oqaaseq nalunaarut makkuninnga isumaqarsinnaammat: bekendtgørelse, meddelelse, deklaration aamma bekendtgørelse af lov. Lovbekendtgørelse nassuiaatitaa atorlugu imak taaguusissallugu Oqaasiliortunit akuerineqarpoq: Inatsisaareersut allannguutaanik eqikkarlugit nalunaarut, Bekendtgørelse af lov kalaallisut imak taaneqartassasoq akuerineqarluni: Inatsimmik (nutaamik) nalunaarutiginninneq.

    c) Printer kalaallisut qanoq taaneqassanersoq
    Oqaasiliortut isummerput oqaasersiatut printeri atorneqaannarsinnaasoq, kalaallisullu taguuteqartinnissaanut isummerfigineqartut ilaat tassaapput oqartarneq printerpara, anisippara aammalu naqitanngortitsineq. Oqaasiliortunit kalaallisut taaguutissatut akuerineqarpoq naqitsissut.

    d) Udbud, udbudsmaterialer aamma udbudsprocesser
    Oqaasiliortunit nassuiaatigineqarpoq oqaaseq neqeroorutit sassaalliutitut isumaqarmat, suliarinnittussarsiuussinerlu illuliornermut sanaartornermullu tunnganerusoq. Oqaatsit makku akuerineqarput:
    Udbud= nuisitsineq, nittarsaaneq
    Udbudsmaterialer= nuisitsinermi tunngavissat
    Udbudsprocesser= nuisitsinermi tulleriissitaarineq

    e) Associeret medlemskab aamma fuldgyldigt medlemskab
    Ilaatigut eqqartorneqarput fuldgyldigt medlemskab tassaaginnassanersoq ilaasortaq imaluunniit ilaasortavik, associeret medlemskab-ilu peqataasartumik taaguuserneqarluni.
    Taaguutitut akuerineqartut tassaapput:
    Associeret medlemskab= Peqataasartutut ilaasortaq
    Fuldgyldigt medlemskab= Tamakkiisumik ilaasortaq

  4. Taasariaqartut allat.
    JD-p ilisimatitsissutigaa februaarip 21-iat tassaammat Nunarsuaq Tamakkerlugu Ilitsoqqussaralugit Oqaatsit Ulluat, tassungalu atatillugu CCO nalunaarpoq Oqaasileriffiup tamassuminnga pilersaarusiornissaq isumagissagaa.

 

Carl Chr.Olsen Judithe Denbæk

Oqaasiliortunut Siulittaasoq Oqaasiliortunut allatsi