Nunat Aqqinik Aalajangiisartut 2022 – 2 (gl)

OQAA – 210422

 

NUNAT AQQINIK AALAJANGIISARTUT ATAATSIMIINNERAT

Sisamanngorneq 21.04.2022, nal. 13-15 Oqaasileriffimmi

 

PEQATAASUT

Nunat Aqqinik Aalajangiisartut: Aviâja Rosing Jakobsen & Josephine Munch

Digitalimik peqataasut: Kelly Berthelsen & Niels Lorentzen

Oqaasileriffimmit: Beatrine Heilmann (pisortaq) & Arnaq B. Johansen (allatsi)

 

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (03.03.2022) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Siulittaasumit ilisimatitsissutit
   2. Oqaasileriffimmit ilisimatitsissutit
4. Ilaasortanit siunnersuutinik suliaqarneq
5. Aalajangiiffigisassanik allanik suliaqarneq
   1. Siunnersuutigineqartoq Sermeq Konrad Steffen pillugu
   2. Ukiumoortumik nalunaarut 2021
6. Suliat allat pillugit paasissutissiineq
   1. Akuersisarnermut toqqammavimmut naqqiut ilanngussinertalik: WSG-84 pillugu
   2. Akuersisarnermut toqqammavimmut ilanngussussineq: Sermersuup tiffariartorneranut suussutsit inunnit atuisunit ateqartinneqalereersimappata atuuttussatut akuerineqartassapput
7. Tulliani ataatsimiinnissamik ulluliineq
8. Tamalaat

Ilaliussaq 1: Oqaasileriffimmit ilisimatitsissutit

Ilaliussaq 2: Ukiumoortumik nalunaarusiaq 2021

 

1. Oqaluuserisassat akuerineqarnerat

Oqaluuserisassat akuerineqarput.

 

2. Kingullermik ataatsimiinnermit (03.03.2022) imaqarniliap akuerineqarnera

Imaqarniliaq akuerineqarpoq.

 

3. Siulittaasumit Oqaasileriffimmillu ilisimatitsissutita. Siulittaasumit ilisimatitsissutit

Ilisimatitsissutit tusaatissatut tiguneqarput.

 

b. Oqaasileriffimmit ilisimatitsissutit

Ilisimatitsissutit tusaatissatut tiguneqarput.

 

4. Ilaasortanit siunnersuutinik suliaqarneq

Soqanngilaq.

 

5. Aalajangiiffisisassanik allanik suliaqarneq
   a. Misissuisitsineq Sermeq Konrad Steffen pillugu

Uani misissuisitsinermi qinnuteqaammit NAA-nit ataatsimiinnermit 27.05.2021-mit ingerlaqqittuuvoq.

Saaffiginnittut sermit marluk Ilulissat avannaaniittut NAA-nit misissorneqarnissaat piumasaraat, kalaallisut pioreersunik nalunaarsorneqanngitsunillu ateqanngippata qinnuteqaammik nassiusseqqinnissartik anguniarlugu.

Misissuinerit takutippaat sermit marluk tamarmik nalunaarsugaanngitsunik arlalinnik ateqartinneqartut, taamaattumik NAA aalajangerput sumiiffiit Sermeq Konrad Steffenimik atserneqarsinnaanngitsut atsiinissamut toqqammavimmik uniuimmata.

Sermit marluk pineqartut tassaapput; 1) Ikerasaap qinnguani Eqip Sermiata kujammut tullia sermeq; 2) Paakitsup Ilorliani Qinngua Avannarlerup timaaniittoq sermeq.

b. Ukiumoortumik nalunaarut 2021

Ukiumoortumik nalunaarut akuerineqarpoq.

 

6. Suliat allat pillugit paasissutissiineq
   a. Akuersisarnermut toqqammavimmut naqqiut ilanngussinertalik WSG-84 pillugu

Ima allassimasunngortinneqarluni nittartakkamiilepoq:

Qinnuteqaatit siunnersuutit WSG-84, UTM 24N imaluunniit siunnersuusiap sumiiffiata UTM Zonea atorlugu sumiinnersut nalunaarlugit nassiunneqassapput. Sumiinnerinik nalunaarsuinermi koordinatit imaluunniit nunat assingi atorneqassapput. (Akuersisarnermut toqqammavik, 03.03.2022)

 

Taamaasilluni ataani allassimasoq atorunnaarsinneqarpoq:

Qinnuteqaatit siunnersuutit WSG-84 atorlugu sumiinnersut nalunaarlugit nassiunneqassapput. Sumiinnerinik nalunaarsuinermi koordinatit imaluunniit nunat assingi atorneqassapput. (Akuersisarnermut toqqammavik, 02.12.2021)

 

b. Akuersisarnermut toqqammavimmut ilanngussineq: Sermersuup tiffariartorneranut suussutsit inunnit atuisunit ateqartinneqalereersimappata atuuttussatut akuerineqartassapput

Akuersisarnermut toqqammavimmut ilanngunneqartoq nittartakkamiilersorlu tassaavoq:

Sermersuup tiffariartorneranit suussutsit nutaat inunnit atuisunit ateqartinneqalereersimappata atuuttussatut akuerineqartassapput. (Akuersisarnermut toqqammavik, 03.03.2022)

 

7. Tulliani ataatsimiinnissamik ulluliineq

Saaffiginnissutinik aalajangiiffigisassanik takkuttoqarnikuunngimmat ataatsimiinnissap tullia ullulerneqanngilaq.

 

8. Tamalaat
   a. Savaatillit nalunaarsorneqanngitsunik namminneerlutik nunat ateqartinneqanngitsut ateqartippaat. Tassunga tunngatillugu ilaasortat ilaat savaatilinnut nalunaarsuinissamik kajumissaariumavoq. Tassunga atatillugu Oqaasileriffiup nittartagaaniittut nunat aqqi qimerloorneqarsinnaasut ilisimatitsissutigineqarpoq tassani ersissammata nunat aqqi nalunaarsugaanersut nalunaarsugaannginnersulluunniit.

 

Nunat Aqqinik Aalajangiisartut:

• Aviâja Rosing Jakobsen (siulittaasoq)
• Kelly Berthelsen (siulittaasup tullia)
• Niels Lorentzen (ilaasortaq)
• Josephine Munch (ilaasortaq)
• Emma Kristensen (ilaasortaq)