Oqaasiliortut 2026-2 (gl)

OQAA – 04032026

OQAASILIORTUT ATAATSIMIINNERAT (2026-2)

– pingasunngorneq 04/03-2026, nal. 13:00-16:00, Oqaasileriffimmi

PEQATAASUT

Oqaasiliortunit peqataasut:

• Kasper Skifte (siulittaasoq), Kikkik Olsen (siulittaasup tullia) Tikaajaat Kristensen aamma Mette Larsen Lyberth.

Oqaasiliortunit peqquteqarluni peqataanngitsoq:

• Jens Thorin

Oqaasileriffimmit:

• Tuperna Møller (allatsi) & Beatrine Heilmann (pisortaq)

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (04/02-2026) imaqarniliap akuerineqarnera
3. Siulittaasumit Oqaasileriffimmillu ilisimatitsissutit
   1. Siulittaasumit ilisimatitsissutit
   2. Oqaasileriffimmit ilisimatitsissutit
4. Kalaallit aqqinik siulequtaasunik akuereqquneqartunik suliaqarneq
5. Suliat aalajangiiffigisassat suliarineqarnerat
   1. Kalaallit Nunaanni Oqaasiliortut suleriaasiannik aalajangersaaneq
   2. Taaguusersuuserineq
      1. Inatsisilerinermi taaguusersuutinik aalajangersaaneq
6. Ilaasortanit siunnersuutinik suliaqarneq
   1. KNR-imi oqaatsinik ilassinninniutinik amigartunik atuisarneq pillugu eqqartuineq
7. Suliat allat pillugit ilisimatitsineq
   1. Inuit aqqi pillugit saaffiginnissutit
8. Avammut nalunaarutissat
9. Ataatsimiinnissap tulliata ullulerneqarnera
10. Tamalaat

IMAQARNILIAQ

1. Oqaluuserisassat akuerineqarnerat
   • Oqaluuserisassat allanngornagit akuerineqarput.
2. Kingullermik ataatsimiinnermit (04/02-2026) imaqarniliap akuerineqarnera
   • Kingullermit ataatsimiinnermit imaqarniliaq allanngornagu akuerineqarpoq.
3. Siulittaasumit Oqaasileriffimmillu ilisimatitsissutit
   1. Siulittaasumit ilisimatitsissutit:
      • Siulittaasumit ilisimatitsissutit tusaatissatut tiguneqarput.
   2. Oqaasileriffimmit ilisimatitsissutit:
      • Oqaasileriffimmit ilisimatitsissutit tusaatissatut tiguneqarput.
4. Kalaallit aqqinik siulequtaasunik akuereqquneqartunik suliaqarneq
   • Soqanngilaq.
5. Suliat aalajangiiffigisassat suliarineqarnerat
   1. Kalaallit Nunaanni Oqaasiliortut suleriaasiannik aalajangersaaneq:
      • Oqaasiliortut suleriaasertik nutarterniarlugu eqqartuipput. Oqaasiliortut allannguutissatut ilassutissatullu kissaatigisaat Oqaasileriffiup naalakkersuisoqarfimmut akuerisassanngorlugu nassiutissavaa ataatsimiinnermilu tullermi allannguutit Oqaasiliortunut akuersissutigisassanngorlugit oqaluuserisassanut ilanngunneqassallutik.
   2. Taaguusersuuserineq:
      1. Inatsisilerinermi taaguusersuutinik aalajangersaaneq:
         • Inatsisilerinermi taaguutit ataatsimiinnermi aalajangersarneqartut tulliuttumi takussutissiarineqarput.

QALLUNAATUT	ISUMASIUUT	KALAALLISUT	ATUUFFIK
adækvans	krav om, at skaden er en påregnelig følge af handlingen	ilimanaateqartariaqarneq	civilret / formueret
afgørelsesgrundlag	det faktiske og retlige grundlag, som en myndighed baserer sin afgørelse på	aalajangiinissamut tunngavik	forvaltningsret
afslag	nedsættelse af vederlaget som følge af en mangel	ilanngaaneq	civilret / formueret
afsoning	gennemførelse af idømt strafferetlig frihedsstraf	pillagaaneq	straffuldbyrdelse og kontrol
afsoning	gennemførelse af idømt kriminalretlig foranstaltning	pineqaatissinneqarneq	straffuldbyrdelse og kontrol

6. Ilaasortanit siunnersuutinik suliaqarneq
   1. KNR-imi oqaatsinik ilassinninniutinik amigartunik atuisarneq pillugu eqqartuineq:
      • Oqaasiliortut aalajangerput Oqaasileriffik KNR-imut saaffiginnissuteqassasoq oqaatsinik ilassinninniutinik amigartunik KNR-imi atuisarneq ippigineqartoq kaammattuutigalugulugu nalilersueqqilaarnissaat imaluunniit allatut aallakaatitap aallartinnerani aallartitsissuteqarsinnaaneq iluminni eqqartulaaqqullugu.
7. Suliat allat pillugit ilisimatitsineq
   1. Inuit aqqi pillugit saaffiginnissutit:
      • Soqanngilaq.
8. Avammut nalunaarutissat
   • Soqanngilaq.
9. Ataatsimiinnissap tulliata ullulerneqarnera
   • Ataatsimiinnissap tullia pissaaq sisamanngornermi marsip 26-anni, nal. 13-16, Oqaasileriffimmi.
10. Tamalaat
    • Soqanngilaq.