Nunat Aqqinik Aalajangiisartut 2022 – 1 (gl)

NAA – 030322

NUNAT AQQINIK AALAJANGIISARTUT ATAATSIMIINNERAT

Sisamanngorneq 03/03-2022, nal. 13-16

 

PEQATAASUT

Nunat Aqqinik Aalajangiisartut:

Aviâja Rosing Jakobsen, Josephine Munch, Emma Kristensen.

Digitalimik peqataasut: Niels Lorentzen aamma Kelly Berthelsen

Oqaasileriffimmit:

Beatrine Heilmann (pisortaq) aamma Arnaq B. Johansen (allatsi)

OQALUUSERISASSAT

1. Oqaluuserisassat akuerineqarnerat
2. Nunat Aqqinik Aalajangiisartut inissitsiternerat
   1. Siulittaasumik siulittaasullu tullianik qinersineq
3. Kingullermik ataatsimiinnermit (02/12-2021) imaqarniliap akuerineqarnera
4. Oqaasileriffimmit ilisimatitsissutit
   1. Oqaasileriffimmit ilisimatitsissutit
   2. Allatsimit ilisimatitsissutit – Suliat pillugit saqqummiineq
5. Ilaasortanit siunnersuutinik suliaqarneq
6. Aalajangiiffigisassanik allanik suliaqarneq
7. Suliat allat pillugit paasissutissiineq
8. Tulliani ataatsimiinnissamik ulluliineq
9. Tamalaat

Ilaliussaq 1 (Imaqarniliaq)

Ilaliussaq 2 (Oqaasileriffimmit ilisimatitsissutit)

Ilaliussaq 3 (Allatsimit ilisimatitsissutit)

1. Oqaluuserisassat akuerineqarnerat

Oqaluuserisassat akuerineqarput. Ataatsimiinnerup aallartinnerani aalajangiunneqarpoq ataatsimiinnerni pisartussani qallunaatuumit kalaallisuumut nutserisoqartassasoq. Nutserisussamik ujarlerneq Oqaasileriffiup isumagisassavaa.

 

2. Nunat Aqqinik Aalajangiisartut inissitsiternerat

a) Siulittaasumik siulittaasullu tullianik qinersineq

Ilaasortat tamarmik isumaqatigiillutik inissitsiterinermi aalajangiipput.

Nunat Aqqinik Aalajangiisartuni Aviâja Rosing Jakobsen siulittaasunngorpoq, siulittaasup tulliatut Kelly Berthelsen aalajangerneqarpoq.

3. Kingullermik ataatsimiinnermit (02/12-2021) imaqarniliap akuerineqarnera

Imaqarniliaq akuerineqarpoq.

4. Oqaasileriffimmit ilisimatitsissutit

a) Oqaasileriffimmit ilisimatitsissutit

Oqaasileriffimmit ilisimatitsissutit tusaatissatut tiguneqarput.

b) Allatsimit ilisimatitsissutit – suliat pillugit saqqummiineq

Allatsimit ilisimatitsissutit tusaatissatut tiguneqarput.

5. Ilaasortanit siunnersuutinik suliaqarneq

Soqanngilaq.

6. Aalajangiiffigisassanik allanik suliaqarneq

Soqanngilaq.

7. Suliat allat pillugit paasissutissiineq

Soqanngilaq.

8. Tulliani ataatsimiinnissamik ulluliineq

Ataatsimiinnissamik ulluliinerni sisamanngornerit ataatsimiiffiusassasut aalajangersarneqarpoq. Ulloq sisamanngorneq 21/04-2022, nal. 13 aallartiffigalugu tulliani ataatsimiiffiussaaq.

9. Tamalaat

a) Akuersisarnermut toqqammavinnut tunngatillugu ilanngussassaq, tassa siunnersuusiortoqartillugu WSG-84 atorneqartarnissaanut ilassutissaq: UTM Zone 24N, imaluunniit siunnersuusiap sumiiffiata UTM Zonea.

b) Sermersuup tiffariartorneranut suussutsit inunnit atuisunit ateqartinneqalereersimappata atuuttussatut akuerineqartarnissaat toqqammavimmut ilanngussassatut aalajangiunneqarpoq.

c) Aalajangiisartut kissaatiminnik maluginiakkaminnillu arlalinnik Oqaasileriffimmut apuussipput:

– inuit nunat aqqinik atuisut peerutsitertinnagit nalunaarsueqqittoqartariaqarpoq, ilaatigut nunat assingini nunat aqqisa sumiiffii nikingatitertarmata.

– savaatillit amerlinikuupput, nalunaarsorneqanngitsunik namminneerlutik nunat ateqartinneqanngitsut ateqartippaat.

– Sermersuup aakkiartorneranit ikkarluit puttallartiterput ateqartinneqaratillu.

– aatsitassarsiorniat qallunaatut nunat aqqinik atuisarput taaguisarlutillu.

– oqaluttuaatitsinni nunat aqqi atorneqartut ilaatigut nalunaarsukkat akornanniinngillat.

Nunat Aqqinik Aalajangiisartut:

Aviâja Rosing Jakobsen                                              Kelly Berthelsen

(siulittaasoq)                                                                 (siulittaasup tullia)

Niels Lorentzen                                                            Josephine Munch

(ilaasortaq)                                                                   (ilaasortaq)

Emma Kristensen

(ilaasortaq)