Nunat Aqqinik Aalajangiisartut 2022 – 4 (gl)

NAA – 24.11.22

 

NUNAT AQQINIK AALAJANGIISARTUT ATAATSIMIINNERAT

Sisamanngorneq 24.11.2022, nal. 13-15 Oqaasileriffimmi

 

PEQATAASUT

Nunat Aqqinik Aalajangiisartut: Josephine Munch

Digitalimik peqataasut: Aviâja Rosing Jakobsen, Kelly Berthelsen & Niels Lorentzen

Oqaasileriffimmit: Beatrine Heilmann (pisortaq) & Arnaq B. Johansen (allatsi)

 

OQALUUSERISASSAT

1. Oqaluuserisassat akuerineqarnerat
2. Kingullermik ataatsimiinnermit (09.06.2022) imaqarniliap akuerineqarnera
3. Siulittaasumit Oqaasileriffimmit ilisimatitsissutit
4. Ilaasortanit siunnersuutinik suliaqarneq
5. Aalajangiiffigisassanik allanik suliaqarneq
   1. Siunnersuut: Nunatta immikkoortuata Tunup (Tunu) allanngortinneqarnissaanut tunngasoq
   2. Siunnersuut: Sisimiut eqqaani qeqertap Nipisat kujammut tulliata qeqertap kalaallisut ateqalernissaanut tunngasoq.
6. Suliat allat pillugit paasissutissiineq
   1. Aatsitassanut Aqutsisoqarfimmit saaffiginnissutit
7. Tulliani ataatsimiinnissamik ulluliineq
8. Tamalaat

Ilaliussaq 1: Oqaasileriffimmit ilisimatitsissutit

Ilaliussaq 2: Kommuneqarfik Sermersuup Tunu pillugu saaffiginnissutaa

Ilaliussaq 2a: Kommuneqarfik Sermersuup saaffiginnissutiminut kakkiussaa

Ilaliussaq 3: Oqaasiliortut 06.06.2014-imi ataatsimiinnerannit imaqarniliamit tigulaagaq Tunu pillugu

Ilaliussaq 3a: Kommuneqarfik Sermersuumit Oqaasileriffimmut 2013-imi nassiunneqarsimasoq ataatsimiinnermit imaqarniliaq. Imaqarniliaq Tunumut tunngasuuvoq

Ilaliussaq 4: Sisimiuni Kangerlussuarmilu Katersugaavinniit saaffiginnissut Præsteø pillugu

 

1. Oqaluuserisassat akuerineqarnerat

Oqaluuserisassat akuerineqarput.

 

2. Kingullermik ataatsimiinnermit (09.06.2022) imaqarniliap akuerineqarnera

Imaqarniliaq akuerineqarpoq.

 

3. Oqaasileriffimmit ilisimatitsissutit

Oqaasileriffimmit ilisimatitsissutit

Ilisimatitsissutit tusaatissatut tiguneqarput.

 

4. Ilaasortanit siunnersuutinik suliaqarneq

Soqanngilaq.

 

5. Aalajangiiffigisassanik allanik suliaqarneq

a. Siunnersuut: Nunatta immikkoortuata Tunup (Tunu) allanngortinneqarnissaanut tunngasoq

Kommuneqarfik Sermersuumit saaffiginnissut nunatta immikkoortuata Tunup allanngortinneqarnissaanut tunngasoq Nunat Aqqinik Aajangiisartut eqqartorpaat.

Saaffiginnissummi siunnersuutigineqartut marluupput: Kangia aamma Nunatta Kangia.

Paasissutissat saaffiginnissutaasarsimasullu Oqaasileriffimmit pigineqartut saqqummiunneqartullu aallaavigalugit allannguinissaq Nunat Aqqinik Aalajangiisartunit maanna aalajangiunneqanngilaq.

Aalajangiinnginnermut tunngavilersuutit tassaapput:

• Allannguinissaq imaaliallaannaq pisinnaanngilaq sammisaq mianersuullugu suliassaammat
• Paasissutissat pisortatigoortut naammanngillat
• Innuttaasunik ataatsimiisitsinerni Ittoqqortoormiormiut illoqarfiillu nunaqarfii ilaatinneqarsimanerat takussutissaqanngilaq
• Innuttaasut nunat aqqinik atuisut qulangerlugit aalajangiinissaq pissusissamisuunngilaq

Misissuinerup ingerlaqqinnissaanut Nunat Aqqinik Aalajangiisartut aalajangiuppaat ukioq nutaaq aallarnerfigalugu Oqaasileriffimmit Kommuneqarfik Sermersooq Inatsisartullu suleqatiserineqassasut kiisalu Ittoqqortoormiormiut isumaat aamma tusarniarneqassasut.

 

b. Siunnersuut: Sisimiut eqqaani qeqertap Nipisat kujammut tulliata qeqertap kalaallisut ateqalernissaanut tunngasoq.

Sisimiuni Kangerlussuarmilu Katersugaasivinniit saaffiginnissut Nunat Aqqinik Aalajangiisartunit eqqartorneqarpoq.

Saaffiginnissummi qeqertaq Nipisat kujammut tullia pisortatigoortuunngitsumik Præsteø-mik imaluunniit Præste Øen-imik taaneqartartup kalaallisut pisortatigoortumik ateqalernissaanut inuit facebook aqqutigalugu Sisimiuni Kangerlussuarmilu Katersugaasiviit facebookkimi quppernerannut siunnersuusiaat tallimat aalajangiussassanngortinneqarput.

Siunnersuutigineqartut ukuusut Nunat Aqqinik Aalajangiisartunit akuerineqanngillat: Tukerfik, Nipisalluk, Palasip Qeqertaa, Akullequtaa kiisalu Præste Ø.

Akuersinnginnermut tunngavilersuutigineqartut tassaapput Sisimiuni aalisartut piniartullu kattuffiat tusarniarneqaqqaarnissaat kissaataammat, facebook tusarniaaffigissallugu naammanngimmat kiisalu Sisimiuni Kangerlussuarmilu Katersugaasiviit tusarniaasimanerminni piffissarititaat sivikippallaarsorineqarmat.

Oqaasileriffimmit misissuineq ingerlaqqissasoq Nunat Aqqinik Aalajangiisartut kissaatigaat.

 

6. Suliat allat pillugit paasissutissiineq

a. Aatsitassanut Aqutsisoqarfimmit saaffiginnissutit

Aatsisattanut Aqutsisoqarfimmit tusarniaassutigineqartartut ataatsimoortillugit Oqaasileriffimmit paasissutissiissutigineqarput.

 

Tusarniaaneq nr. M-319

Immikkoortoq 1:

Misissuiffik Ikkatteq / Efterforskningsområdet Ikkatteq / Exploration area Ikkatteq

Immikkoortoq 2:

Misissuiffik Akiliaatteq / Efterforskningsområdet Akiliaatteq / Exploration area Akiliaatteq

Immikkoortoq 3:

Misissuiffik Unneq / Efterforskningsområdet Unneq / Exploration area Unneq

Tusarniaaneq nr. M-320
Misissuiffik Salliarsuaq / Efterforskningsområdet Salliarsuaq / Exploration area Salliarsuaq

Tusarniaaneq nr. M-322

Misissuiffik Salliarsuaq / Efterforskningsområdet Salliarsuaq / Exploration area Salliarsuaq

Tusarniaaneq nr. M-325

Misissuiffik Ikerasatsiaq / Efterforskningsområdet Ikerasatsiaq / Exploration area Ikerasatsiaq

Tusarniaaneq nr. M-332

Immikkoortoq 1:

Misissuiffik Qaamasup Kinginnera / Efterforskningsområdet Qaamasup Kinginnera / Exploration area Qaamasup Kinginnera

Immikkoortoq 2:

Misissuiffik Ivisaartooq / Efterforskningsområdet Ivisaartooq / Exploration area Ivisaartooq

Immikkoortoq 3:

Misissuiffik Quassuttarsuaq / Efterforskningsområdet Quassuttarsuaq / Exploration area Quassuttarsuaq

Immikkoortoq 4:

Misissuiffik Qussuk / Efterforskningsområdet Qussuk / Exploration area Qussuk

Immikkoortoq 5:

Misissuiffik Akuilisaasaq / Efterforskningsområdet Akuilisaasaq / Exploration area Akuilisaasaq

Tusarniaaneq nr. M-334

Misissuiffik Niaqornarsuaq Kangilleq / Efterforskningsområdet Niaqornarsuaq Kangilleq / Exploration area Niaqornarsuaq Kangilleq

Tusarniaaneq nr. M-330

Misissuiffik Kuussuatsiaap Tasersuata Qaava / Efterforskningsområdet Kuussuatsiaap Tasersuata Qaava / Exploration area Kuussuatsiaap Tasersuata Qaava

Tusarniaaneq nr. M-340

Misissuiffik Qinnguata Timaa / Efterforskningsområdet Qinnguata Timaa / Exploration area Qinnguata Timaa

Tusarniaaneq nr. M-341

Misissuiffik Nunakuluut / Efterforskningsområdet Nunakuluut / Exploration area Nunakuluut

Tusarniaaneq nr. M-344

Misissuiffik Alanngialasoq / Efterforskningsområdet Alanngialasoq / Exploration area Alanngialasoq

Tusarniaaneq nr. M-337

Immikkoortoq 1:

Misissuiffik Qullissat / Efterforskningsområdet Qullissat / Exploration area Qullissat

Immikkoortoq 2:

Misissuiffik Alanngoq / Efterforskningsområdet Alanngoq / Exploration area Alanngoq

 

7. Tulliani ataatsimiinnissamik ulluliineq

Saaffiginnissutinik aalajangiiffigisassanik takkuttoqarnikuunngimmat ataatsimiinnissap tullia ullulerneqanngilaq.

 

8. Tamalaat

a. Savaateqarfiit eqqaanni nunat aqqi savaatilinnit namminneq pigisaminnik pisortatigoortuunngitsunik taaguisarput. Namminneq nunat aqqinik atuinerat atugaallu pisortatigoortunngortinneqarnissaat ilaasortat ilaannit kissaatigineqarpoq misissuinerullu ingerlanneqarnissaanut Oqaasileriffimmit tamanna ammaffigineqarluni.

 

Nunat Aqqinik Aalajangiisartut

• Aviâja Rosing Jakobsen (siulittaasoq)
• Kelly Berthelsen (siulittaasup tullia)
• Niels Lorentzen (ilaasortaq)
• Josephine Munch (ilaasortaq)
• Emma Kristensen (ilaasortaq)