Nunat Aqqinik Aalajangiisartut 2003 – 3

NAA – 141003

Nunat Aqqinik Aalajangiisartut oktoberip 14.-anni 2003, nal. 11.00 Oqaasileriffimmi ataatsimiinnerannit imaqarniliaq.

Peqataasut: Carl Chr. Olsen, Stephen Heilmann, Karl Elias Olsen
Mariane Petersen peqquteqarluni peqataanngilaq
Allatsigalugu: Pia N. Knudsen.

Oqaluuserisassat:

  1. Ilisimatitsissutit
  2. Kingullermik ataatsimiinnermit imaqarniliap akuerisassanngorlugu saqqummiunnera
  3. Avannaarsuani Illoqqortoormiut kommuniat tikillugu nunat aqqi GEUS-imut nassiussassat
  4. Taasariaqartut allat

-1 pillugu-

CCO: Kingullermik ataatsimiinnermit:

Asiaq Nuup kommuniani nunat aqqini pillugit attavigineqarpoq, Asiaq-mili tamakkuninnga suliarinnittartoq Danmarkimiimmat kingusinnerusukkut oqaloqatigineqarumaarpoq.

Suliat GEUS-mut tunngasut ingerlanneqarput.

-2 pillugu-

Kingullermik ataatsimiinnermit aalajangersimasat pillugit SH-p KEO-llu misissugassaat:

KEO: KNR radiokkut ataasinngornermi nalunaaquttap akunnerani aallakaatinneqartartumi Nunat Aqqinik Aalajangiisartut aallakaatitsinissaminnik periarfissinneqarsinnaapput, taallugu ”NAA paasissutissiivoq”.

Aallakaatitami siullermi Oqaasileriffiup saqqummersinnikuusaa OQAASILERIFFIK inuinnarnit paasiuminartunngorlugu saqqummiunneqarsinnaavoq.

SH: Aallakaatitsinerup iluani NAA inunnit avaataaniit apeqqarissaarfigineqarsinnaanerannik periarfissiisinnaaneq SH-p oqaatigaa.

”Aallakaatitsisarnissarnissanut tunngaviusinnaasut” SH-p aamma KEO-p aallagaat imaqarniliami ilanngunneqarput.

Kingullermik ataatsimiinnermit imaqarniliaq akuerineqarpoq.

-3 pillugu-

CCO: Avannaarsuani nunap assiliornermi nunat aqqisa allattorneqarsimanerinik misissuineq ingerlavoq suliallu oktobarip 15.-anni naammassinissaa naatsorsuutigaarput.

Nunatta Katersugaasivianiit Claus Andreassen nunat aqqisa inissinnerliorneqarneri pillugit marlussunnik naqqitaqarpoq.

Nunat aqqi danskisut kalaallisullu atserneqarsimasut kalaallisuunngorlugit saqqummersinneqarnissaat Oqaasileriffimmit GEUS-mut allakkiami ilaatinneqassaaq.

-4 pillugu-

KEO: Nunat aqqini Q-sussaagaluit K-nnortinneqarsimasut pillugit tulliani ataatsimiinnissami saqqummiussassanngorlugit KEO-p piareersassavai.

CCO: NAA-mi ilaasortat tulliani ataatsimiinnissamut Danmarks Stræde eqqarsaatigissagaat CCO-p siunnersuutigaa.

Ataatsimiinnissaq tulleq pissaaq Oqaasileriffimmi

Carl Chr. Olsen Pia N. Knudsen

Siulittaasoq Allatsi