Ujarlerit

Oqaasileriffik

Inissisimaneq

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq.

Oqaasileriffimmi suliassat inatsisit kalaallit oqaasiinut tunngasut tunngavigalugit ingerlapput.

Suliaqarfiit

Oqaasileriffiup suliassarai oqaatsit pillugit aalajangiisartut ataatsimiititaliallu Inatsisartunit Naalakkersuisunillu pilersinneqartut allattoqarnikkut sullisissallugit, taakkulu tassaapput:

Inuit aqqinut tunngatillugu suliassat siornatigut immikkut Inuit Aqqinik Akuersisartunik ilaasortaqartartut 2014-imit Oqaasiliortunit isumagineqartalerput.

Oqaasileriffiup aalajangiisartunut ataatsimiititalianullu allattoqarfiunermi saniatigut kalaallisut oqaatsinik teknologiikkut ineriartortitsisuuvoq, kalaallisut qarasaasiaq atorlugu oqaasilerissutit Oqaaserpassualeriffimmi ineriartortinneqarlutik.

Inuit aqqinut kiisalu oqaaserpassualerinermut tunngasut annertunerusumik paasisaqarfigineqarsinnaapput uani:

Suliassat pingaarnerit

Oqaasileriffiup suliassai pingaarnerit makkuupput:

  • kalaallit naggueqatigiillu oqaasii misissuiffigissallugit taakkulu pillugit paasissutissanik katersuinissaq
  • kalaallit naggueqatigiillu oqaasiinik siunnersuinissaq
  • kalaallit oqaatsinik atuinerisa sunniutaannik malinnaaneq
  • kalaallit oqaasiisa allamiut oqaasiisut atorneqarneri misissuiffigissallugit

Erseqqissaatigissavarput Oqaasileriffik nutsigassanik suliaqarneq ajormat.