Ujarlerit

Aaqqissuussaaneq

Oqaasileriffik pilersinneqarpoq oqaatsit pillugit allaffeqarfissaq pillugu suleqatigiissitap suliaata 1996-imeersup naammassineqarnerata Inatsisartunilu tamakkiisumik akuerineqarnerata kingorna.

1998-imi Oqaasileriffik pilersinneqarpoq ataatsimillu inuttalerneqarluni, aappaaguani sulisut marlunnik ilaneqarput, 2003/04-milu ilinniartunik pingasunik atorfinitsitsinikkut amerlineqaqqillutik.

Oqaasileriffik ullumikkut arfineq-pingasunik sulisoqarpoq, tamatuma saniatigut Ilisimatusarfimmi oqaasilerinermik ilisimatusartunik ikiorteqartarluni, saniatigullu immikkut suliaqarnermi pingasunik sulisoqarluni.

Oqaasileriffiup suliassaqarfiit annertuut assigiinngitsut sisamat suliaqarfigai:

Oqaasiliortut suliassaataannik isumaginninneq aamma inuit aqqinik suliaqarneq, Nunat Aqqinik Aalajangiisartut suliassaataannik isumaginninneq kiisalu oqaatsitigut teknologimik (datalingvistikkimik) ingerlatsineq.