Oqaasiliortut 2007 – 3

OQAA – 100507(gl)

Oqaasiliortut ataatsimiinnerat sisamanngornermi maajip 10-anni 2007 Nutserisoqarfiup ataatsimiittarfiani

 

Peqataasut.: Carl Chr. Olsen, Ellen J. Karlsen, Ellen M. Thomassen, Abia Abelsen, Nuka Møller,

Peqataanngitsoq.: Stephen Heilmann

Allatsi.: Amalie Egede

 

Oqaluuserisassatut siunnersuutit:

  1. Tikilluaqqusineq
  2. Ilisimatitsissutit
  3. Kingullermik ataatsimiinnermit imaqarniliaq
  4. Oqaatsit isummerfigisassat
    1. Oqaatsit kalaallisut nutsernissaannut Johanne Olsen
    2. Sygeplejestudiet Suzanne Møller
    3. Oqaaseq Hydrologi
    4. Oqaatsit nutsigassat Arnajaraq Støvlbæk
    5. Oqaaseq Projektleder
    6. Uddannelsesstøtte/Ilinniargaqarnersiutit Karl Elias Olsen
    7. Språkrådemit allagaq
    8. Uumasuaqqat sissamiittut taaguutaat
    9. Labyrintsansen Nunnuma Olsen
  5. Taasariaqartut allat

-1 pillugu –

Puju tikilluaqqusivoq

-2 pillugu –

CCO Atuagaq nutaaq Avatangiisilerinermi Taaguusersuutit saqqummernissaanut maajip 23-anni Oqaasileriffik Katuami receptionertitsissaaq.

NM Maajip naanerani atuagaq nutaaq Kalaallit aqqisa nalunaarsorsimaffiat saqqummissaaq aallaqqaammut 2000-ngorlugu, qallunaat aqqi kalaallisuunngorsakkat ilanngunneqarput, kinguliallu maannakkut katersat 101-it missaaniipput siornatigumut naleqqiullugit 80 missaaniinnikut, Tunumiut aqqi Kitaamiunngorsakkat maannakkut Tunumiusut uterteqqinniarlugit tunngaviinut suliniutigineqarpoq. Allattaasitoqqamiit allattaasitaamut oqaluttuarisaanerinillu nalunaarsuineq 1950-kut nalaaniilli pigineqarput.

Ilitsersuummut tunngasut aternik aalajangersakkat kaajalaasitaq/cirkulære qangatut atorunnaarpoq, assersuutigalugu aternut aalajangersakkat atsiisarnermi amerlanerpaamik tallimanik atsiisoqarsinnaavoq.

Ukiut aappaat qaangiuppoq naammassimmatali inatsisilerituunit danskit atsiisarneq pillugu inatsisaannut naleqqiullugit suliarineqarnerat peqqutaalluni kinguartoortinneqarput.

Saqqummilerpat KIIIP aamma Ilaqutariinnermut pisortaqarfik peqataatinneqartariaqartut CCO-p eqqaavaa.

Aqqit isumaasa siunissami saqqummiunneqarumaarnissaat siunertarineqarpoq.

-3 pillugu –

Imaqarniliaq akuerineqarpoq.

-4 pillugu –

  1. Kalaallit oqaasii intelligensinut tunngasut Nuka Kleemannip katersorsimasai Ellenip katersanngortinneqassasut soqutiginartikkaluarpai kissaatiginartillugulu. Intelligent aamma intelligenser assigiinngitsorpassuarnik isumaqarsinnaapput tunngavii attuumaffippassuaqarsinnaagamik.
    Oqaasiliortut siunnersuutigaat ullut marlulluunniit atorlugit seminarertitsillutik Mange Intelligenser sammissallugit. Pilersaarusiorneqassaaq suliarinissaanut inunnik ilisimasalinnik peqataatitaqarluni.
  2. Siunnersuutigineqarpoq Peqqissaanissamut Ilisimatusarfik, aamma Peqqissaanermik immikkut Ilisimatusarfik taanissaanik siunnersuutigineqarpoq.
    Uninngatikkallarneqarpoq taaguuserneqavinnissaa eqqarsaatigineqaqqaassammat.
  3. Hydrologi kalaallisut ermit pillugit ilisimatusaatit-nik taaneqassasoq
  4. Kunstformidling kalaallisut Eqqumiitsuliornermik qaammarsaaneq.
  5. Kunsthistorie Eqqumiitsuliornerup oqaluttuarisaanera. Projektleder Suliniummik Aqutsisoq.
  6. Iværksætterkursus Aallartisaasunik pikkorissaaneq.
  7. Projektleder Suliniummik aqutsisoq
  8. Uddannelsesstøtte Ilinniagaqarnersiutit
  9. Språkmötet-mut peqataanissaq Oqaasiliortunut isummerfigineqaqquneqarpoq.
  10. Nuka Møllerimut aallaqqaataasumik Tappia Jørgensen paasiniaaffigeqquneqarpoq. Otto Fabriciusip nalunaarsugai Aallaqqaataasumik nalunaarsorneqassapput, suliap ingerlannissaanut Nuka Møller Oqaasilerfimmiit toqqarneqarpoq.
  11. Labyrintsansen kalaallisut Maluginiut nalimmassaat-mik taaneqassasoq Oqaasiliortunit aalajangiunneqarpoq.

-5 pillugu –

Taasassaqanngilaq

 

Carl Chr. Olsen                                                                           Amalie Egede

Oqaasiliortunut siulittaasoq                                                        Allatsi