Nunat Aqqinik Aalajangiisartut ataatsimiinnerat sisamanngornermi oktobarip 11-anni 2007 nal. 15.00 Oqaasileriffiup ataatsimiittarfiani.
Peqataapput.: Carl Chr. Olsen, Karl Elias Olsen, Abia Abelsen, Stephen Heilmann, Lisathe M. Kruse, Tukummeq Qaavigaq.
Allatsi.: Amalie Egede
Oqaluuserisassatut siunnersuutit
- Tikilluaqqusineq
- Ilisimatitsissutit
- Imaqarniliap akuerineqarnera
- Holstensborg Dyb + Julianehåb bugt
- KMS-p immap assinginik suliaqarnerani pilersaarutit
- Nunat aqqisa nalunaarsorsimasut misissornissaat
- Ole Guldager-mit allagaq
- Mr. Tim Angell-imit allagaq
- Taasariaqartut allat
1. pillugu
Puju tikilluaqqusivoq, ilaasortanngortorlu nutaaq Tukummeq Qaavigaq tikilluaqqullugu.
Tukummeq Qaavigaq CCO-p Nunat Aqqinik Aalajangiisartut inatsisai aalajangersagaallu pillugit naassuiaateqarfigaa.
2. pillugu
CCO-p ilisimatitsissutigaa Københavnimi ataatsimiinnermi isumaqatigisisutigisat saqqummiunneqassasut ataatsimiinnermit imaqarniliaq iluarsisaq takkuppat.
Septembarimi Oqaasileriffimmiit suleqatigiit Carl Chr. Olsen, Lisathe M. Kruse, Nuka Møller, Amalie Egede Nunat Aqqinik Aalajangiisartunut ilaasortaq Abia Abelsen Kort og Matrikelsstyrelsenimut ataatsimiigiarput iluatsilluartumik.
Kort og Matrikelsesstyrelsen Oqaasileriffillu imminnut attaveqaqatigiilluarnissaq pitsanngorsarusuppaat. Soorlu nunat aqqi nalunaarsorsimasut allattaasitoqaq atorlugit pigineqartut allataasitaaq atorlugu iluarsaanneqarnissaannut, aamma nunat aqqisa allassimanerisa kukkunillit iluarsaanneqarnissaannuttaaq attaveqaqatigiinneq pitsanngorsaavigerusullugu.
KMS-ermiut siunnersuutigaat nittartakkatsinnut nunat aqqinik nalunaarsugaativut ilanngutissagivut, namminneq attavigeqqaanngikkaluarluta misissorsinnaaniassagamikkik aamma attaveqatigiinneq pitsanngorsarusullugu. Kort- og Matrikelsesstyrelsenimik suleqatigiinnissamik atsiukkamik isumaqatigiissusiornissamut tunngavissat suliarineqalerput, ataatsimeeqatigiinnermillu imaqarniliaq maanga nassiunneqarpat ilaasortanut nassiussuunneqassaaq.
3. pillugu
Imaqarniliaq akuerineqarpoq.
4. pillugu
Nunat Aqqinik Aalajangiisartunit aalajangiunneqarpoq Hosteinsborg Dyb kalaallisut ateqassasoq Ikertuup Sioraa.
Nunat Aqqinik Aalaajangiisartunit aalajangiunneqarpoq Julianehåb Bugt kalaallisut ateqassasoq Ikersuup Sioraa.
5. aamma 6. pillugu
Oqaasileriffik aqqutigalugu Nunat Aqqinik Aalajangiisartut suliaat Kort og Matrikelsesstyrelsenimit nunat immallu assinginut naalunaarsugassat Oqaasileriffimmi sulisup Lisathe Mølllerip ilaasortanut qarasaasiakkut takutippai, NAA-mullu ilaasortat Oqaasileriffimmit cd-mik tunillugit namminneq angerlarlutik misissuataagassaannik.
7. pillugu
Kujataani kommuneqarfinngortussami nunat aqqisa ataatsimut nalunaasuusiornissaat siunertaralugu immikkut ilisimasalittut niuertoq soraaninngortoq Emil Motzfeldt aamma umiarsuaaqqap nalagaa soraarneq Hans Hardt aamma umiarsuaaqqap naalagaa soraarneq Peter Hardt nunat aqqi pillugit paasiniaavigineqassapput.
8. pillugu
Mr. Tim Angellip qaqqamut atsiinissamut allagaanut tunngasumik malittarisassat allakkatigut nassiussaareerput.
Nunat Aqqinik Aalajangiisartut Mr. Tim Angellip qinnuteqaqqinnera akuerinngilaat.
9. pillugu
Taasaqartuni eqqaasassaqanngilaq.
Inussiarnersumik inuulluaqqusilluta
Carl Chr. Olsen Amalie Egede
Siulittaasoq Allatsi