Nunat Aqqinik Aalajangiisartut 2008 – 1

NAA – 090108

 

Nunat Aqqinik Aalajangiisartut januaarip 9-anni 2008-mi
Oqaasileriffimmi ataatsimiinnerat

Peqataasut.: Karl Elias Olsen, Tukummeq Qaavigaq, Stephen Heilmann aamma Abia Abelsen.
Peqataanngilaq: Carl Chr. Olsen. Angalanini pissutigalugu.
Allatsi.: Lisathe Møller Kruse

Oqaluuserisassat:

  1. Tikilluaqqusineq
  2. Imaqarniliap akuerineqarnera
  3. Nuup illoqarfiata sineriaani nunat aqqi siornatigut nalunaarsorsimanngitsut akuerisatut nalunaarnissaat, inissinnerlutat sumiiffissaannut inissinnissaat ilanngullugit.
  4. Nunat aqqi immap assingani 1353-mik normulimmiittut eqqortumik allanneqarnissaasa misissornissaat. Aqissersiorfimmiit Nuup illoqarfiata kangiatungaaniittup Nuffiumanerup tungaanut nunat aqqi pineqarput (Exel fil: stednavne 1353-mik ateqartoq misissuinnassavarsi).
  5. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasup tullia KEO tikilluaqqusivoq.

2. pillugu

Nunat Aqqinik Aalajangiisartut kingullermik ataatsimiinnerminni decembarip 14-anni 2007-meersoq imaqarniliaq akueraat.

3. pillugu

Immap assingisa nutarterneqarnerisa kingunerisaanik Nunat Aqqinik Aalajangiisartut immap assinga 1353 Aqissersiorfimminngaanniit Nuup illoqarfiata kangiatungaaniittumut Nuffiumanerup tungaanoortoq sammivaat. Nunat aqqi sumiiffimmi tassaniittut suli nalunaarsorneqarsimanngitsut nuummiotoqqaq 82-inik ukiulik Kristian Heilmann suleqatigalugu suliarineqarput.

Nunat aqqi Nunat Aqqinik Aalajangiisartut nalunaarsugaatiginngisaat Aqissersiorfimminngaanniit Nuup illoqarfiata kangiatungaaniittumut Nuffiumanerup tungaanoortut nalunaarsoqqammersut 37-usut Nunat Aqqinik Aalajangiisartunit akuerineqarlutik aalajangiunneqarput. Allannerlutat, inissinnerlutalluunniit aaqqinneqartut 37-sut aaqqinneqarput. Bilagimi exel-filiusumi imatut atilimmiipput: Januar 2008.xls.

4. pillugu

Immap assingisa nutarternerisa kingunerisaanik Nunat Aqqinik Aalajangiisartut immap assinga 1353 Aqissersiorfimmiit Nuup illoqarfiata kangiatungaaniittup Nuffiumanerup tungaanoortoq sammivaat.

Nunat aqqi immap assingani 1353-mik normulimmeereersut eqqortumik allanneqarnissaannut tunngatillugu nunallu aqqi akuerisaareersut eqqortut suunersut pillugit Nunat Aqqinik Aalajangiisartut misissuipput, nunallu aqqi eqqortut naqissuserlugit. Taakkua bilagimi exel-filiusumi imatut atilimmiipput: stednavne 1353.xls.

5. pillugu

——————–

Karl Elias Olsen Lisathe M. Kruse

Siulittaasup tullia Allatsi