Ujarlerit

Nunat Aqqinik Aalajangiisartut 2008 – 3 (gl)

NAA – 05-06.03.08 (gl)

Nunat Aqqinik Aalajangiisartut marsip tallimaanni arfernannilu 2008-mi Oqaasileriffimmi ataatsimiinnerat Marsip tallimaanni peqataasut.: Carl Chr. Olsen, Tukummeq Qaavigaq, Stephen Heilmann. Peqataanngilaq: – Karl Elias Olsen. Nuummiinnginnini pissutigalugu. – Abia Abelsen. Allanik suliassaqarnini pissutigalugu. Allatsit: Lisathe Møller Kruse aamma Amalia Egede. Marsip arfernanni peqataasut.: Carl Chr. Olsen, Tukummeq Qaavigaq, Stephen Heilmann. Peqataanngillat: – Karl Elias Olsen. Nuummiinnginnini pissutigalugu. – Abia Abelsen. Allanik suliassaqarnini pissutigalugu. Allatsi: Lisathe Møller Kruse. Oqaluuserisassat:
  1. Tikilluaqqusineq
  2. Imaqarniliap akuerisassatut saqqummiunnera
  3. Aatsitassanut Ikummatissanullu Pisortaqarfimmiit suliakkiissutit b. Jane Rusbjerg No. 2008/31 No. 2008/32 c. Ole Fjordgaard No. 2008/28
  4. Immap assingani 1350-miittut, tassa nunat aqqi Kangerluarsorutsimiittut nalunaarsugaatigineqareersut sulilu nalunaarsugaatigineqanngitsut nalunaarsorneqaqqammersulli misissoriarlugit akueralugit aalajangiivigisassanngortinnerat
  5. Maniitsup kommuniani nunat aqqi nalunaarsugaatiginikuunngisatta nunat aqqinik ilisimasalinnit Maniitsormiunit Lisathe suleqatigalugu nalunaarsorneqaqqammersut akuerisassanngortinneqarnerat. (Nunat aqqi nalunaarsorneqaqqammersut 1100-nit amerlanerusut pineqarput, taakkulu ilaliussamiipput).
  6. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Februaarip 27-anni Nunat Aqqinik Aalajangiisartut ataatsimiinneranni imaqarniliaq naqqiissuteqartoqareerneratigut akuerineqarpoq.

3. pillugu

Aatsitassanut Ikummatissanullu Pisortaqarfimmiit suliakkiissutaasut ataaniittut ima taaguuteqartussatut NAA-kkormiunit aalajangiunneqarput:
a. No.2008/31 Apusineq
b. No.2008_32 Ujuaat
c. No. 2008/28 Qooqqut

4. pillugu

Nunat aqqi nalunaarsugaareersut immap assingani 1350-meereersut, tassa Kangerluarsorutsimiittut Kort- og Matrikelstyrelsenimit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi eqqortut naqqiissutillu NAA-kkormiunit oqaluuserineqareerlutik piareerneqarput. Nunat aqqi pineqartut bilagini exel-filiusuni imatut atilinniipput: søkort 1350_Kangerluarsoruseq.xls. Nunat aqqi Kangerluarsorutsimiittut eqqaaniittulluunniit Nunat Aqqinik Aalajangiisartunit nalunaarsugaatigineqariinngitsut nalunaarsorlaat nunat aqqinik ilisimannittut Lisathe peqatigalugu suleqatigineqartut tassaapput; Aalipaaraq Poulsen nunaqarfikumi Nuup kujataaniittumi Narsaq-mi peroriartorsimasoq, aamma Finn Frederiksen ilaatigut Kangerluarsorutsimi meeraasimasoq. Qallunaatut nunap ateqareersut kalaallisut atiinik nalunaarsugaatigilikkavut Nunallu Aqqinik Aalajangiisartut aalajangiussaat makkuupput: Fugleø Qeqertarsuaq-mik, Sydhavnen Qasigiaqarfia-nik, Vardehavnen Inussussuup Umiatsialivia-nik, Knausen Qaqqaq-mik, Rota Havn Qaqqap Tunua-nik, kiisalu Søndre Tvillingø Siggartartulik-mik ateqartutut aalajangiivigineqartut. Nunat aqqi Kangerluarsorutsimiittut nalunaarsorlaatut aalajangiivigineqartut ukuupput: Utoqqarsuakkut (vig), I´i´iikkut (vig), Kangaannguaq (kyst), Nalluffiup Timaa (sund), Qeqertakasik (ø), Kangerluarsorutsip Timaa (landa), Taseraasarsuaq (indsø), Ikkarluusarsuaq (ø), Saattut Kujalii (øer), kiisalu Inussussuaq (næs). Taakkulu bilagimi word filiusumi imatut aamma atilimmiipput: Nye autoriserede stednavne ved Kangerluarsoruseq.doc.

5. pillugu

Nunat Aqqinik Aalajangiisartut ataatsimiinneranni Maniitsup kommuniani nunat aqqi nalunaarsorlaat aalajangiivigisassaatut saqqummiunneqarput. Februaarimi 2008-mi Lisathe nunat aqqinik ilisimasalinnik Maniitsup kommunianeersunik Maniitsumiinnermini suleqateqarpoq, Kangaamiormiunik suleqateqarnissarigaluaq pinngitsoorpoq. Lisathep Maniitsumiinnermini nunat aqqinik nalunaarsueqatigisai ukuupput: Søren Møller (Appamiut eqqaa), Johannes Rosing (Maniitsup eqqaa), Jens Rosing (Maniitsup eqqaa), Karl Asser Møller (Maniitsup eqqaa) , Mikael Poulsen (Kangerluarsuup eqqaa), Peter Nikodemussen (Napasup eqqaa), kiisalu Aron Haggæussen (Atammiup eqqaa). Taakkulu suleqatiginerisigut Lisathe nunat aqqinik nalunaarsorlaanik sumiiffimmikkut allanneqarnermikkullu allannguuteqartut ilanngullugit 1245-nik nalunaarsugaqarpoq. Taakkulu nunat aqqi ilaat 77-it februaarip 27-anni 2008-mi aalajangiunneqarput. Sinneruttut tamangajammik Nunat Aqqinik Aalajangiisartunit ullormi ataatsimiiffimmi akuerineqarlutik aalajangiunneqarput, tassa nunat aqqi Maniitsup kommunianiittut 1.163-it aalajangersarneqarlutik. Nalornissutilli tallimaasut suli akueralugit aalajangiivigineqanngillat, ukuusut: Puullaarsiorfik (Peter Nikodemussen), Inussukoq (MP) + Ammaat Nuuat (Jens Rosing), Qersaq (Jens Rosing), 2 x Qorlortoq (Karl Asser Møller.) Maniitsup kommunianiittut nunat aqqi nalunaarsorlaat allannguuteqartullu aalajangivigineqartut saniatigut ataatsimiinnermi CCO-p ilannguppai: 1) nunap aqqa Umiivimmiittoq Isuitsup Kuua-nik nalunaarsimasoq Isuissoq-mik ateqavikkaluartoq, aamma Maniitsup kujaliani qeqertap ateqavissoq Qilak Isigigaa. Tamatuma kingorna CCO-p Robert Petersen Nuummiinnerani aperereermagu, CCO-p ataatsimeeqataasullu aqqit taakku Robert Petersenimit uppernarsineqarpata akuerineqarumaartut aalajangiummatigik taamatut aalajangiivigineqartutut nalunaarutigineqassapput Nunat aterpassui aalajangersarneqartut bilagini exel-filiusuni imatut atilinniipput: 5. + 6. marts 2008_Nunat aqqi Maniitsumeersut akuerisat.doc.

6. pillugu

Taasariaqartunik allanik peqataasut oqaatigisassaqanngillat. —————————– Carl Chr. Olsen Lisathe M. Kruse Siulittaasoq Allatsi