Nunat Aqqinik Aalajangiisartut 2008 – 5

NAA.29.07.08

Nunat Aqqinik Aalajangiisartut juulip 29-anni 2008-mi Oqaasileriffimmi ataatsimiinnerat

Peqataasut.: Carl Christian Olsen, Stephen Heilmann, Abia Abelsenilu.
Peqataanngitsut: – Tukummeq Qaavigaq, feeriarnini pissutigalugu. Karl Elias Olsen, piffissaarunnini pissutigalugu.
Allatsi: Lisathe Møller Kruse.

Oqaluuserineqartut makkuupput:

  1. Tikilluaqqusineq
  2. Imaqarniliap akuerinera (apriilip 21-anni 24-anni aamma maajip 14- anni 30-annilu 2008-mi ataatsimiinnermit imaqarniliaq)
  3. Nunagis-mut tunngasoq.
  4. Nunat aqqi immap assingani 1251-p nalaaniittut nalunaarsoqqammisat akuerinissaat nunallu aqqi inissinnerlutat aaqqinneqarsimasut akuerinissaat. Qeqertarsuatsiaaniit Arsuup avannaatungaanut Sillisit tikillugit sumiiffiit kisarfiusinnaasut pineqarput.
  5. Nunat aqqi immap assingani 1251-mik normulimmiittut eqqortumik allanneqarnissaasa misissornissaat. Qeqertarsuatsiaaniit Arsuup avannaatungaanut Sillisit tikillugit sumiiffiit kisarfiusinnaasut pineqarput. Exel-filit: Kort1251.xls
  6. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Apriilip 21-anni, 24-nnilu, kiisalu maajip 14-anni 30-annilu 2008-mi Nunat Aqqinik Aalajangiisartut ataatsimiinnerini imaqarniliaq akuerineqarpoq.

3. pillugu

Nunagis-ip nunat aqqinik nalunaarsuisarnissami suliaqartarnissamilu atortorissaarutissaq Oqaasileriffimmi atuuttunngortinneqarnissaanut tunngatillugu aningaasartuutissat 199.000 koruunit pillugit Nunat Aqqinik Aalajangiisartut siulissaasuat CCO siunnersuuteqarpoq. Siunnersuutigaalu suliassaq taanna pillugu suleqatigiissitaliortoqassasoq. Suleqatigiinnullu ilaasussatut taaneqartut tassaapput: Oqaasileriffik, Asiaq, Kort- og Matrikelstyrelsen, Nunagis-millu pilersitsisut Avatangiisinut Pinngortitamullu Pisortaqarfik. Pineqartullu tamanna pillugu allakkatigut saaffigineqassapput.

4. pillugu

Nunat aqqi nalunaarsoqqammisat immap assingani 1251-p nalaaniittut akuerinissaat pillugu NAA-mi ilaasortat eqqartuipput. Makkuuppullu nunat aqqi nalunaarsoqqammisat Nunat Aqqinik Aalajangiisartunit akuerineqarlutik atuutsinneqalersut.

Maajoorsuarni: Maajoorsuit Umiarsualiviat (ANKER).

Avigaani: Avigaat Umiarsualiviat (ANKER), Aatip Tunua (Fjeldside),

Narsalimmi: Oquuttat Sallersuat (Ø), Affassalikasik (Ø), Qimatulivikasiit (ØER), Ukiiviarsuup Sallikasia (Ø), Ukiiviarsuk (Ø), Isua (NÆS), Qeqertateqaq (Ø), Kangerlukasik Kangilleq (Fjord). Narsallip Ikerasaa (Sund). Ulamertukasik (Ø).

Ikerasaarsunnguami: Qernertorsuannguaq (Ø).

Kangaarsummi: Amitsuarsuk (Fjord), Amitsuarsuup Simiutakasii (ØER).

Sillisini:

Nunat aqqi naqqiissuteqarfigisat makkuupput.

Maajoorsuarni: Mâjorssuit (Ø) Maajoorsuit-nngortinneqarluni aaqqinneqarpoq.

Narsalimmi: Kangerlukasik (Fjord) Kangerlukasik Killeq-nngortinneqarpoq. Narsallip Akikasia (Ø), Akikasik-nngortinneqarpoq.

Ikerasaarsunnguami: Ikerasaarsuk (Smallesund) Ikerasaarsunnguaq-nngortinneqarpoq.

Kangaarsummi: Vandfyldning Imertartarfik-nngortinneqarpoq.

Sillisini: Sillisit Havn (Anker) Sillisit Umiarsualivia-nngortinneqarpoq. Tissaluk Havn (ANKER) Tissaluup Umiarsualivia-nngortinneqarpoq.

Kangillermiuni: Ammaat Qeqertaat (ØER), Amaatip Qeqertai-nngortinneqarpoq. Tassungalu pissutaavoq timaaniittoq qeqertaq Amaat-nik ateqarnera.

Narsalimmi kisarsimaffiusinnaasoq kitsap ilisarnaataa KMS-ikkormiunut illuarteqquneqassasoq aalajangiunneqarportaaq.

5. pillugu

Nunat aqqi nalunaarsugaareersut immap assingani 1251-meereersut, tassa Qeqertarsuatsiaaniit Arsuup avannaatungaa tikillugu Kort- og Matrikelstyrelsenimit Excel programimut nuunneqarsimasut Nunat Aqqinik Aalajangiisartunit misissorneqarput. Nunallu aqqi naqqiissutillu NAA-kkormiunit oqaluuserineqareerlutik piareerneqarput.

Nunat aqqi pineqartut bilagini exel-filiusuni imatut atilinniipput: Kort1251.xls.

6. pillugu

—————————–

Carl Chr. Olsen Lisathe M. Kruse

Siulittaasoq Allatsi