Nunat Aqqinik Aalajangiisartut 2008 – 7

NAA.10.09.08

Nunat Aqqinik Aalajangiisartut Septembarip qulinganni 2008-mi Oqaasileriffimmi ataatsimiinnerat

Peqataasut.: Carl Christian Olsen, Stephen Heilmann, Tukummeq Qaavigaq aamma Abia Abelsen.
Peqataanngitsut: – Karl Elias Olsen, piffissaarussimanini pissutigalugu.
Allatsi: Lisathe Møller Kruse.

Oqaluuserineqartut makkuupput:

  1. Tikilluaqqusineq
  2. Imaqarniliap akuerinera (aggustip 21-anni ataatsimiinnermit imaqarniliaq)
  3. Aatsitassanut Ikummatissanullu Pisortaqarfimmiit suliakkiissutit
    • a. Frederik Lynge Storø Fairtrade 2009_07.gif‎ (39 KB‎)
  4. Kangerluarsussuarmiit (Grædefjordimiit) Kangerluarsorutsip (Færingenhavnip) nalaanut nunat aqqi nalunaarsoqqammisat eqqartoriarlugit akuerineqarnissaat
  5. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Aggustip 21-anni 2008-mi Nunat Aqqinik Aalajangiisartut ataatsimiinnerani imaqarniliaq akuerineqarpoq.

3. pillugu

Aatsitassanut Ikummatissanullu Pisortaqarfimmiit suliakkiissut Nunat Aqqinik Aalajangiisartunit eqqartorneqareerluni ima taaguuteqartussatut aalajangiunneqarpoq:

Storø Fairtrade 2009_07.gif‎ (39 KB‎) Nakkaagajuttoq

4. pillugu

Septembarip 9-anni 2008-mi Kangerluarsussuarmiit (Grædefjordimiit) Kangerluarsorutsip Færingehavnip) nalaanut nunat aqqi immap assinganiittut 1213-miittut Lisathemit qeqertarsuatsiaarmiumillu Karolus Stefanimit misissorneqarput, nunallu aqqinik suli Oqaasileriffimmi nalunaarsugaatigineqanngitsunik nalunaarsuipputtaaq. Taakku saniatigut Qeqertarsuatsiiaarmiut nunat aqqinik ilisimasalittaat nunat aqqinik timaatungiminniittunik nalunaarsugarisimasaat Nunat Aqqinik Aalajangiisartunut akuerisassanngortinneqarput.

Qulaani pineqartut nunat aqqi nalunaarsoqqammisat Nunat Aqqinik Aalajangiisartunit misissorneqareerlutik akuerineqarput. Nunat aqqi nalunaarsoqqammisat akuerineqartut katillutik 39-upput.

Sumiiffimmi suliaqarfigisami nunat aqqinik nalunaarsugaatigeriikkatsinnik naqqiisoqareernerata kinguneranik allannguisoqarpoq. Nunat aqqi aaqqinneqartut tallimaapput. Ataanilu nunat aqqi aaqqinneqartut takuneqarsinnaapput:

  • Qaavata Nuua “Kasserup Nuua”-nngortinneqarpoq,
  • Ujaqqat “Ujaraat”-nngortinneqarluni,
  • Akunnaaq “Akunnaq”-nngortinneqarluni,
  • Nissavarsuit “Nissavaarsuit”-nngortinneqarluni,
  • Sangusoq “Sangusuk”-nngortinneqarluni.

Nunat aqqi pineqartut bilagimi word-filimi imatut atilimmiipput: Karolus Stefani suleqatigalugu nunat aqqi nalunaarsukkat aaqqitat ilanngullugit_NAA-nit akuerisat.doc.

5. pillugu

Qeqertarsuatsiiaat kangiatungaaniittumi kangerlummiittut nunat aqqi pingasut ukuusut; Puilasut Killiit, Puilasut Qiterliit aamma Puilasut Kangilliit immikkut tamarmik atiunersut sorpiamiinnersullu nunat aqqinik ilisimasalimmut apeqqutigineqassapput. Kiisalu Ammaat Qeqertaat “Amaatip Qeqertai”-nik ateqarnersoq apeqqutigineqassaattaaq.

Kiisalu Enos Bianco Narsaq Kujallermi najugaqalersimasoq Nuummukartinneqarluni nunat aqqinik suleqatigineqarsinnaanersoq aperineqassaaq, taamatullu aamma Kattatsi Ludvigsen Attormiu aperineqassalluni.

—————————–

Carl Chr. Olsen Lisathe M. Kruse

Siulittaasoq Allatsi