Nunat Aqqinik Aalajangiisartut 2009 – 3

NAA.24.08.09

Nunat Aqqinik Aalajangiisartut marlunngornermi aggustip 24-anni 2009-mi Oqaasileriffimmi ataatsimiinnerat

Peqataasut.: Carl Christian Olsen, Karl Elias Olsen, Tukummeq Qaavigaq aamma Abia Abelsen.
Peqataanngitsut: Stephen Heilmann, piffissaqannginninni pissutigalugu ataatsimeeqataanngilaq.
Allatsi: Lisathe Møller Kruse.

Oqaluuserineqartut makkuupput:

  1. Tikilluaqqusineq
  2. Imaqarniliap akuerinera (juunip 16-anni ataatsimiinnermit imaqarniliaq)
  3. Eqqartuussissuserisut suliffeqarfiutaata Malling & Hansen Dammip saaffiginnissutaa Lyngmarkskildenimut tunngasoq.
  4. Immap assingani Kalaallit Nunaata imartaasa atiisa misissornissaat. (Immap assinga pineqartoq tassaavoq: Kalaallit Nunaat imartallu avatangiisui. Nassiussinnaanngimmat nassiutinngilara immat aterpassuaqanngimmalli ataatsimiilerussi misissoriaannaavarsi.)
  5. Taasariaqartut allat

1. pillugu

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

2. pillugu

Juuni 16-anni 2009-mi Nunat Aqqinik Aalajangiisartut ataatsimiinnerannit imaqarniliaq akuerineqarpoq.

3. pillugu

Eqqartuussissuserisut suliffeqarfiutaata Malling & Hansen Dammip saaffiginnissutaa Lyngmarkskildenimut tunngasoq pillugu NAA-mi ilaasortat oqallipput. Oqallisereernerup kingorna nunap aqqata Lyngmarkskildenip kalaallisut atia Uunartuarsuk pisortatigoortumik aalajangiullugu atuuttussanngortippaat. Taamalu Lyngmarkskildenip pisortatigoortumik atia Uunartuarsuk pillugu saaffiginnittuusut Malling & Hansen Damm tamanna pillugu paasitinneqarumaartut isumaqatigiissutigineqarpoq.

Immap assingani Kalaallit Nunaata imartaasa atiisa misissornissaat

4. pillugu

NAA-t immap assinga Kalaallit Nunaata imartarsuisa atiinik imaqartoq misissorpaat, eqqartugassartaallu eqqartoriarlugit immat aqqi sorliit naqqiisutissaanersut aalajangiullugit. Kort- og Matrikelstyrelsimut naqqiissutissat makkuupput:

  1. Grønland – med omgivende farvande  “Kalaallit Nunaat – imartallu avatangiisii”-nngorteqquneqassaaq,
  2. Arktiske hav  “Issittup Imaa”-nngorteqquneqassaaq (Sikuiuitsoq avannarlermik allaqqagaluartoq naqqiissutigineqarpoq),
  3. Nares Stræde, Kane Bassin  “Ikersuaq”-nngorteqquneqassaaq (Allaqqanera naqqiissutigineqassaaq),
  4. Smith Sund, Nares Stræde, Kennedy Kanal, Hall Bassin, Robison Kanal  Ikeq-nngorteqquneqassaaq,
  5. Tartupaluk immap assingani ilaassasoq nalunaarutigineqassaaq,
  6. “Qimusseriarsuaq”-p allaqqanera inissilluaqquneqassaaq,
  7. Avannaarsua (Nordgrønland) inissilluaqquneqassaaq qeqqanut inisseqquneqassalluni,
  8. Nuna Allanngutsaaliugaq inissilluaqquneqassaaq qeqqanut inisseqquneqassalluni.

NAA-t Kalaallit Nunaata kangia Tunu-mik suli taaguuteqassanersoq eqqartorpaat. Eqqarsaatigilluartariaqarmalli inuilu tamanna pillugu attavigisariaqarmata kingusinnerusukkut misissuereernerup kingorna eqqartueqqinnissaq siunniunneqarpoq.

5. pillugu

—————————–

Carl Chr. Olsen Lisathe M. Kruse

Siulittaasoq Allatsi