Inuit Aqqinik Akersisartut 2009 – 1

IAA – 280909

INUIT AQQINIK AKUERSISARTUT ataatsimiinnerannit septembarip 28-ianni 2009, nal. 10.00 imaqarniliaq

 

Peqataapput: Carl Chr. Olsen, Sofie Petersen aamma Ellen J. Karlsen

Imaqarniliortoq: Nuka Møller

 

Oqaluuserisassat:

Aqqit akuereqqullugit qinnutigineqarsimasut:

  1. Aaski
  2. Puupi
  3. Koorinnguaq
  4. Tiliunnguaq & Tilioq
  5. Qillalaannguaq & Qillalaaq
  6. Bino
  7. Panertoq
  8. Nukatsiaq
  9. Kalaallisut kinguliartaarsinnaaneq
  10. Taasariaqartut allat

 

CCO tikilluaqqusivoq ataatsimiititaliamut.

  1. Aaski

Qinnuteqartoq nassiuaavoq nammineq meeraallunili aanani taamak taasaramiuk atsiukkusukkaluarlugu qinnuteqartumik unnerluni.

IAA-mi ilaasortat tamanna tunngavigalugu isumaqarput oqqarliuutit akuerineqartariaqanngitsut qinnuteqartorlu innersuunneqassasoq ima: A. Europamiut aqqat Aske atorsinnaagaa, taamaanngippat B. Aanagigaluami kuissutaa atsiuteriarlugu taaguutini kuisittumut atuinnassagaa C. Allattaatsitta toqqammavii naapertorlugit atertaartissinnaaga ima: Aasiki

  1. Puupi. IAA-mi ilaasortat isumaqarput Pupik imalt. Puupu tulluunnerussasoq.

 

  1. Koorinnguaq. Akuerineqarpoq

 

  1. Tiliunnguaq aamma Tilioq. Akuerineqarput, taamaattoq misissoqquneqarpoq ersiutaa siulleq sivitsorneqarnersoq. (ordbogêrak’ naapertorlugu tilioq isumaqarpoq ikinngut, peqat.)

 

  1. Qillalaannguaq aamma Qillalaaq. Akuerineqarput.

 

  1. Bino. Allattaatsitta tunngavii naapertorlugit allanneqartillugu akuerineqarpoq ima: Piinu.

 

  1. Panertoq. Akuerineqarpoq.

 

  1. Nukatsiaq. Akuerineqarpoq.

 

  1. Kalaallisut kinguliartaarsinnaaneq

Saaffiginnittumut ilisimatitsissutigineqassaaq kalaallisut kinguliartaarsinnaaneq ajornarneq ajormat. Tamanna pissaaq Rigsombudimut qinnuteqaasiornikkut, kisianni Inuit Aqqinik Akuersisartut akuersisillugit.

Tassunga atatillugu misissoqquneqarpoq navneloven Qallunaat Nunaanni atorneqartoq sorleq Nunatsinnut atuuttuunersoq, siulleq kingullerluunniit.

 

  1. Taasariaqartut allat
  2. Ataatsimiittarnerit akuttussusii. Ilaasortanit kissaatigineqarpoq ataatsimiittarnerit akulikinnerussasut, minnerpaamik qaammammut ataasiarluni.

 

  1. Aalajangiisartuuneq. Ilaasortanittaaq aperisoqarpoq Oqaasileriffik aternik akuersisarnermut qanoq inissisimaffeqarnersoq, akuersisarnermi peqataasarpa? Oqaasileriffik Inuit aqqi pillugit akuersisarnermi pqataaneq ajorpoq. Taamaallaat Inuit Aqqinik Akuersisartut akuersisinnaapput Oqaasileriffimmilu ulluinnarni suliassanik isumaginnittup qinnuteqaatit tunuliaqutassallu aalajangiinissamut toqqammaviusussat ilaasortanut ingerlateqqittarpai. Siulittaasoq oqarpoq siunersiuisinnaaneq ammaffigineqartoq kisianni akuersisarneq taamaallaat IAA-p iluaniippoq.

 

  1. Tulliani ataatsimiinnissaq pissaaq oktobarip 21-ata 23-ataluunniit missaani.

 

Inussiarnersumik inuulluaqqusilluta

Carl Chr. Olsen                       Nuka Møller

Siulittaasoq                    Suliassanik isumaginnittoq