Oqaasiliortut 2009 – 7

OQAA – 291009(gl)

Oqaasiliortut ataatsimiinneranni imaqarniliaq ataasinngornermi oktobarip 29-ianni 2009 Ilimmarfimmi Oqaasileriffiup ataatsimiittarfiani

 

Peqataasut: Abia Abelsen, Eva Møller Thomassen aamma Carl Chr. Olsen

Allatsi: Marianne Hansen

Najuussinnaanatik nalunaartut: Stephen Heilmann; Ellen J. Karlsen

 

Oqaluuserisat:

1. Tikilluaqqusineq:
   Carl Christian Olsen tikilluaqqusivoq.
2. Kingullermik ataatsimiinnermi aggustip 24-anni imaqarniliaq akuerineqarpoq.
3. CCO-p paasissutissat nassuiaatigai, oqaatsit isummerfigisassat sammineqarnerini ilaat uterfigeqqinneqassapput.
4. CCO paasissutissiivoq:
   1. Nordisk Sprogmødimi akiliunneqarluni peqataavoq
   2. Nordisk Sprogrådimi CCO atuarfimmi oqaatsit pillugit allaaserisaqarpoq
   3. CCO AILS – Yakutsk-imut qaaqqusaavoq tassanilu paasisimallugu inuit inoqqaavi aqutsinermikkut sakkortusiartortut, inuusuttut akuunerulersut
   4. Ordbogen-ip CD-romimut nuunneqarnissaa iluatsillugu Oqaasiliortut novembarip 21-anniit 23-annut suliarissavaat. Tamanna sioqqullugu AA-p CCO-llu Henning Madsen DK-mi ataatsimeeqatigissavaat.
5. Oqaatsit isummerfigisassat ima suliarineqarput:
   1. qaasuitsoq: CCO-p nassuiaataa “qaamajuaannavinngitsoq” akuerineqarpoq
   2. politologi: politologi atorneqassaaq, nassuiaateqaraangat kalallisut nassuiaataa nutserneqartassaaq
   3. determinanter: ilisarnaqutit
      1. makroniveau: tunngaviusut
      2. mesoniveau: aqqutaasut
      3. mikroniveau: inummut tunngasut

         Taaguutit qulaani pineqartut qallunaatut nassuiaatiniittut tunaartaralugit aalajangiunneqarput.

   4. innorluut: aalajangiunneqareernikuuvoq – ataannarnissaa aalajangiunneqarpoq
   5. kalaaleq, qallunaaq: apeqqutini taamak ittuni Poul Egede-p nassuiaataa atorneqartassaaq, oqaaseq qallunaaq sumik nassuiaateqarnersoq nalunarpoq.
   6. kommunikationsmedarbejder: attaveqatigiinnermi suleqataasoq
   7. kvartærzooloq: kvartærzoolog atorneqassaaq, nassuiaaserlugu kalaallisut
   8. bureaukrati: pisortatigut ingerlatsineq, taanna taamatut aalajangiunneqareernikuuvoq.
   9. direktør/chef/leder: pisortaq, tamarmik taamatut taaguuteqassasut aalajangiunneqareernikuupput.
   10. version/kopi: kopi: nuunnera, version: qanoq saqqummiunnera
   11. håndholdt computer: qarasaasiaq tigumiartagaq
   12. ånden i glasset: paakorneq, kiisalu apeqqutigineqaqqippat akissutaasimasoq naalisarlugu pingaarnersiorlugu nassiunneqartassaaq.
   13. koralguide: koralit pillugit paasisassarsiorfik
   14. niuernermik imal. niivernermik: Oqaasileriffimmi sulisut ordbogit atorlugit nassuiaatigissavaat.
   15. uumasut qarlorneri: ilinniartut ilaasa uumasut nipaat suliarisinnaavaat, soorlu arferit qarlortarput, allat qitivittarput, miaggoortarput, qatimaattarput il.il., kingorna sammineqaqqissapput.
   16. pisortaqarfimmi taaguutit: uterfigeqqinneqassapput, kiisalu Ukiumoortumik Nalunaarummi ilanngunneqarlutik
   17. HR-afdeling: sulisoqarnermut immikkoortortaqarfik
       HR-konsulent: sulisoqarnermut siunnersorti
   18. trivsels- og fraværssamtale: iluarisimaarinninneq sulinngitsuukulanerlu pillugit oqaloqateqarneq
   19. eqqiluitsoq/saligaatsoq: ‘saligaatsoq’-p atorneqarnissaa tulluuppoq, qimminut tunngammat, tassunga tunngatillugu oqaatsit nagguii pissutaapput: eqqiluitsup nagguigaa ipeq, saligaatsup nagguigaa sali-
   20. ipissaannaq: uterfigineqaqqissaaq, Pinngortitaleriffik akissuteqareerpat
   21. oqqiarfik: nassuiaatigineqassaaq qanoq isumaqarnersoq
   22. inikequtaavoq/initoqutaavoq: atorneqartarpoq oqaaseq initoqutaavoq
   23. teraperutteam: suleqatigiit pillorissaasut
   24. boligpolitik: inissaqartitsineq pillugu politikki
   25. vidensbank: ilisimasanik katersivik
   26. Atuisut Siunnersuisoqatigiit: Forbrugerråd: Atuisutut Siunnersuisartut, tassani pissutigineqarpoq namminneq atuisuummata aamma naannerummat, nassuiaatigineqarpoq nævn tassaasoq aalajangiisartut, kiisalu råd tassaallutik siunnersuisartut
   27. qarasaasiamut taaguutit: Martin siunnersorneqassaaq qarasaasialerisut allat suleqatigalugit siunnersuusioqqullugu.
   28. advokat: Aviaaja Helmsip CCO-mut oqaatigisimavaa siornatigut sagfører kalaallisut taaneqartarsimasoq eqqartuussisoq, taamaattumillu siunnersuutigineqarpoq advokat ataannassasoq, nassuiaanermilu ilanngunneqassalluni d qituttoq taasinermi atorneqartassasoq (ass. t ipittoq)
   29. amiakkoq/sinneq: sinneq tassaavoq naammattut sinnerlugit, tassa sippuilluni, amiakkoq tassaavoq ilanngutinngisaq, taakku apeqqutigineqaqqippata nassuiaammut ilanngunneqassapput
   30. livsstilsværkssted: inuunerissarfik
6. Taasariaqartut allat:
   AA-p ilisimatitsissutigaa Ilinniusiorfiup “Taaguusersuutit” naammassillugu saqqummersikkaa. Oqaasileriffik 30-nik ingerlateqqitassaminik tunisissaaq.

Inussiarnersumik inuulluaqqusilluta

Carl Chr. Olsen                                          Marianne Hansen

Siulittaasoq                                               Allatsi

 

Ullormi oktobarip 29-ianni ataatsimiinnermi oqaatsit aalajangiussat:

advokat:                                     advokat

atuisut siunnersuisoqatigiit:       Atuisutut Siunnersuisartut

boligpolitik:                               inissaqartitsineq pillugu politik

determinanter:                           ilisarnaqutit

HR-afdeling:                              sulisoqarnermut immikkoortortaqarfik

HR- konsulent:                           sulisoqarnermut siunnersorti

håndholdt computer:                  qarasaasiaq tigumiartagaq

kommunikationsmedarbejder:     attaveqatigiinnermi suleqataasoq

kopi:                                          nuunnera

koralguide:                                 koralit pillugit paasisassarsiorfiit

kvartærzoolog:                           kvartærzoolog

livsstilsværksted:                        inuunerissarfik

makroniveau:                             tunngaviusut

mesoniveau:                               aqqutaasut

mikroniveau:                              inummut tunngasut

politologi:                                   politologi

terapeutteam:                             suleqatigiit pillorissaasut

trivsels- og fraværssamtale:         iluarisimaarinninneq sulinngitsuukulanerlu pillugit oqaloqateqarneq

version:                                      qanoq saqqummiunneqarnera

vidensbank:                                ilisimasanik katersivik

ånden i glasset:                          paakorneq