Ujarlerit

Inuit Aqqinik Akuersisartut 2010 – 2 (gl)

IAA – 030510 (gl)

INUIT AQQINIK AKUERSISARTUT maajip pingajuanni 2010, nal. 14.00 ataatsimiinnerannit imaqarniliaq

 

Peqataapput: Carl Chr. Olsen, Sofie Petersen aamma Ellen J. Karlsen

Immikkut aggeqqusaq: Ane Marie Sakariassen, KIIIN.

Imaqarniliortoq: Nuka Møller

 

Oqaluuserisassat:

  1. Tikilluaqqusineq

Siulittaasup immikkut AMS tikilluaqquaa. AMS aggersarneqarsimavoq aqqit pillugit inatsit pillugu eqqartuinissaq kissaatigigamiuk, isumaqarami pingaartoq suliatta aamma naalakkersuisoqarfiup siunertai paaseqatigiilluni sulinikkut pissasut, siunissami uteqattaarinissat pinaveersaarniarlugit.

  1. Aternut tunngasuni inatsit pillugu eqqartuineq
    Maannamut IAA-p aqqit pillugit oqartussaaffii najoqqutassiaalu suunersut ilisimatitsissutigineqarput. Aqqit kalaallisuut Europamiullu aqqi kalaalinngorsagaasimasut IAA-p oqartussaaffigai, aqqilli danskisuut Qallunaat Nunaanni Familiestyrelsep oqartussaaffigalugit. Siusinnerusukkut IAA-p inatsisitigut oqartussaanera apeqquserneqartaraluarpoq, kisianni Namminersornerullutik Oqartussat IAA-p pilersinneqarnissaa aalajangersimavaat, tamannali suli qallunaat navnelovianni malunniuteqarani. Ilisimatitsissutigineqarportaaq maanna Qallunaat Nunaanni Kirkeministeriap ataani specialkonsulent Thomas Feddersen, personregistreringimi sulisoq Nunatsinni aqqit pillugit suliaqarnermi attaveqaataalersimammat (e-mailia: THF@KM.DK).
    Siulittaasoq isumaqarpoq pas-itaarnermi navneattestiliornermilu periutsit paasisimalerneqartariaqartut, namminerlu paasisani naapertorlugu tamanna Naalagaaffiup Sinniisoqarfiata (Rigsombudet) aamma isumaqatigaa.
  1. Kingullermik ataatsimiinnerni imaqarniliat akuerineqarneri

 Imaqarniliat 21.12.09 aamma 05.02.10 ullulerneqarsimasut ullui paarlangammata taakku naqqeqquneqarput.

  1. Atit akuereqqullugit qinnutigisat (Ilanngussat takukkit):
    1. Aligoq. Akuerineqarpoq.
    2. Asana + Asanannguaq. Akuerineqarput.
    3. Pivik. Akuerineqarpoq.
    4. Atananga. Akuerineqanngilaq.
    5. Maari-Kujuuta. Akuerineqanngilaq.
    6. Titsiaq. Akuerineqarpoq.
  2. Taasariaqartut allat

Kingullermik ataatsimiinnerup kingorna e-mailikkut attaveqatigiinnikkut makku IAA-mi ilaasortanit isummerfigineqarput:

    1. Tikkii (Titken – Tikki) 23.02.10 qinnuteqartoq nalunaarfigineqarpoq akuerineqartoq aqqillu qallunaatuummiit aallaveqartut akornanni nalunaarsukkanut ikkunneqartoq.
    2. Sialunnguaq. 26.03.10 qinnuteqartoq nalunaarfigineqarpoq akuerineqartoq (niviarsiaqqat nukappiaqqallu atiattut).
    3. Nivianna. 12.04. qinnuteqartoq nalunaarfigineqarpoq akuerineqanngitsoq (Nivi+Anna).Akuerineqartut tamarmik nittartakkami akuerisat akornannut nalunaarsuivimmut ikkunneqarput.
    4. Nittartagaq
      Siulittaasup ilisimatitsissutigaa nittartagaq maanna nutarterneqartoq.
    5. Aqqit pillugit saaffiginnittartut amerlassusii
      Allatsip ilisimatitsissutigaa kingullermilli ataatsimiittoqarmat (05.02.10) aqqit pillugit saaffiginnissutaasimasut katillutik 49-usut. Tassani aqqit isumaat pillugit paasiniaallutik saaffiginnittut 36-iusimapput, taakkunani 33-t akineqareerput sulilu misissorneqarallartut pingasuullutik (Ukkana, Qattu aamma Atsuko). Akuereqqullugit qinnuteqaatit arfineq pingasuupput. Aqqup (kinguliap) allanneqarnissaanut paasiniaaneq ataaseq, kalaallillu kinguliaat qanoq ittuunersut pillugit paasiniaaneq ataaseq.

 

  1. Tulliani ataatsimiinnissaq Sap. ak. 24-anni pissasoq aalajangerneqarpoq.

 

Inussiarnersumik inuulluaqqusilluta

 

 

Carl Chr. Olsen                       Nuka Møller

Siulittaasoq                    Suliassanik isumaginnittoq