Nunat Aqqinik Aalajangiisartut juunip 17-anni aamma juulip 8-anni 2010-mi Oqaasileriffimmi ataatsimiinnerat
Juunip 17-anni 2010-mi ataatsimiinnermi:
Peqataasut.: Carl Christian Olsen, Stephen Heilmann aamma Abia Abelsen
Peqataanngitsut: Karl Elias Olsen, aallaqqanini pissutigalugu. Tukummeq Qaavigaq aamma angalanini pissutigalugu.
Allatsi: Lisathe Møller Kruse.
Juulip 8-anni 2010-mi ataatsimiinnermi:
Peqataasut.: Carl Christian Olsen, Tukummeq Qaavigaq, aamma Abia Abelsen
Peqataanngitsut: Stephen Heilmann.
Allatsi: Lisathe Møller Kruse.
Oqaluuserineqartut makkuupput:
- Tikilluaqqusineq
- Imaqarniliap akuerinera (maajip 10-anni ataatsimiinnermit imaqarniliaq)
- Nunat aqqi siorna nalunaarsorsimasat akuerinissaat (Qasigiannguit Qeqertarsuullu eqqaanni nunat aqqi nalunaarsukkat akuerititassat. Taassuma saniatigut Mapinfo-mi inissilluakkat nalunaarsugaataareersut qimerluugassat)
- Nunat aqqi siorna nalunaarsorsimasat akuerinissaat (Ilulissat Uummannallu eqqaanni nunat aqqi nalunaarsukkat akuerititassat. Taassuma saniatigut naqqiutit akueritinnissaat, kiisalu Mapinfo-mi inissilluakkat nalunaarsugaataareersut qimerluugassat)
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
2. pillugu
Maajip 10-anni2010-mi Nunat Aqqinik Aalajangiisartut ataatsimiinnerannit imaqarniliaq akuerineqarpoq.
3. pillugu
Aggustimi 2009-mi Qasigiannguit Qeqertarsuullu eqqaanni nunat aqqi Nuka Møllerimit nutaatut nalunaarsorneqartut 62-iupput, Nunallu Aqqinik Aalajangiisartunit 58-it akuerineqarlutik. Nunat aqqi tallimat akuerineqanngikkallartut nunat aqqinik ilisimasalinnut apeqqutigineqartussat tassaapput; Itillittaaq, Umiartorfik, Saqqarliit Ilorliit kiisalu Qeqertavaqqikasik.
Lars Johansenimut;
– Itillittaaq Itillittaaq-juinnassanersoq Itillitsiaq-nngortinneqassanersorluunniit aalajangertinnagu isumaa paasiniarneqaqqaassaaq.
– Umiaartorfik qanoq isumaqartinneqarnersoq paasiniarneqaqqaassaaq, Umiartorfik-unersoq ilannngullugu paasiniarneqassalluni.
Nikolaj Olsenimut;
– Saqqarliit Ilorliit-nik ateqarnersoq Akulliit Illua Ilorleq-milluunniit ateqarnersoq paasiniarneqassaaq.
Magnus Vetterlainimut;
– Qeqertavaqqikasik qanoq isumaqartinneqarnersoq paasiniaqqaarneqassaaq.
Nalunaarsorlaat saniatigut nunat aqqi Mapinfo-mi inissaannut inissilluakkat 138-t inissilluarneqarsimapput.
4. pillugu
2009-mi juulimi Ilulissat Uummannallu eqqaanni Lisathe Møller Kruse nunat aqqinik nalunaarsuivoq umiatsiamik nunaqarfiit tikittarlugit suliaqarluni. Ilulissat eqqaanni nunaqarfiinilu nunat aqqi nalunaarsugaatigineqanngitsut 364-it nutaatut nalunaarsorneqarput, Uummannallu eqqaani nunaqarfiinilu nunat aqqi nalunaarsugaatigineqanngitsut 706-t nutaatut nalunaarsugaatigineqalerlutik.
Taakku saniatigut Ilulissat Uummannallu eqqaanni nunat aqqi naqqiissutit 208-t Nunat Aqqinik Aalajangiisartunit aaqqinneqarlutik akuerineqarput.
Nalunaarsorlaat naqqiissutillu saniatigut nunat aqqi Mapinfo-mi inissaannut inissilluakkat 897-it inissilluarneqarputtaaq.
Nunat aqqi akuerineqanngikkallartut nunallu aqqinik katersinermi suleqatigisimasanut apeqqutigisassat ukuupput:
– Veerti Terkelsenip (Ilimanaq) Ilimanami najugallip Avannarlernilu meeraasimasut kangerluk Kangia-nik ateqartutut oqaatigivaa, Anthon Kristensenilli (Ilulissat) Iluliarmiuusup Ilulissat Kangerluat-nik taallugu. Suli Nunat Aqqinik Aalajangiisartunit qanoq pisortatigoortumik ateqassanersoq aalajangerneqanngilaq, paasissutissat ujartugassat marlussuit amigaataasut pissutigalugit aalajaalangiisoqanngikkallarluni.
– Anthon Kristensen (Ilulissat):
– Anthon suleqatiginerani Allorasissat-nik allassimasaq Allorarissat-issanersoq apeqqutigineqassaaq.
– Pavia Olsenimut (Oqaatsut):
– Tunnerit qanoq isumaqartinneqarnersoq apeqqutigineqassaaq. Nalunaarsugaataareersuni Tunerit-nik ateqartinneqarpoq.
– Marius + Jørgen Jensen (Saqqaq):
– Qaarusuit-nik nalunaarsugaatigisarput Jørgen aamma Marius Jensenip Qaarsut-nik ateqartitaat pillugu itinerusumik paasiniaaffigissavakka.
– Pavia Lange (Qeqertaq):
– Ujaa (Fjeld) qanoq isumaqarpa? Suna aallaavigaa
– Johannes Tobiassen (Niaqornat):
– Avataasalissuup Kuua Johannesimut qanoq isumaqarnersoq apeqqutigineqassaaq. Nalunaarsugaataareersut malillugit Avataasallip Kuua-nik ateqartinneqarsimavoq.
– Ole Mørch (Nuugaatsiaq):
– Inguttartooq Olemut qanoq isumaqartinneqarnersoq apeqqutigineqassaaq. Nalunaarsugaataareersut malillugit Igutsartooq-mik ateqartinneqarpoq.
– Severin Jonathansen + Jens Terkelsen (Ikerasak):
– Aannerit Tasiat, Aannerit Nuuat aamma Aannerit Qaqqaat Severinimut Jensimullu qanoq isumaqartinneqarnersut apeqqutigineqassapput. Nalunaarsugaataareersut malillugit Aanerit Tasiat-nik, Aanerit Nuuat-nik kiisalu Aanerit Qaqqaat-nik ateqartinneqarput.
Nunat Aqqinik Aalajangiisartut nunap aqqa aalajangiiffigisassaq minittoorsimasaat tassaavoq:
– Nalunaarsugaataareersuni Uperniviup Illoqarfikua-nik ateqartinneqartoq, Jakob Zeebip Jakob Skade-llu Upernavik-mik ateqarneragaat aalajangiivineqarsimanngimmat Nunat Aqqinik Aalajangiisartunit aalajangiivigineqartariaqassaaq. Nunat aqqi tassunga attuumassutillit Nunat Aqqinik Aalajangiisartunit Upernivik-uinnartinneqarput.
– Nalunaarsugaataareersuni Kangimut Sammisukasik-mik ateqartinneqartoq, Ole Mørch-imilli Akussakassak-mik ateqartinneqartoq aalajangiivigineqarsimanngimmat Nunat Aqqinik Aalajangiisartunit aalajangiivigineqartariaqassaaq.
—————————–
Carl Chr. Olsen Lisathe M. Kruse
Siulittaasoq Allatsi