Inuit Aqqinik Akuersisartut 2011 – 1

IAA – 150311

Inuit Aqqinik Akuersisartut 15/03-2011, nal. 10.00 Oqaasileriffimmi ataatsimiinnerannit imaqarniliaq

 

Peqataasut:                  Sofie Petersen aamma Eva Møller Thomassen.
Peqataanngitsoq:       Lotte Holm

Allatsi:                          Nuka Møller

 

  1. Tikilluaqqusineq
  1. Siulittaasumik tullissaanillu qinersineq

Siulittaasussamik qinersinissaagaluaq tulliani ataatsimiinnissamut kinguartinneqarpoq ilaasortat tamakkerlutik najuutinnginnerat pissutigalugu.

Kingullermik ataatsimiinnerni imaqarniliat akuerineqarneri

Kingullermi ataatsimiinnermit imaqarniliat allamik oqaaseqarfiginagit akuerineqarput.

  1. Atit akuereqqullugit qinnutigisat:

 

    1. Puuka.
      Ilaasortat tamarmiullutik najuutinnginnerat pissutigalugu kinguartinneqarpoq ilaasortat najuuttut arlaat nalunaarmat pineqartumut qanippallaarnini pissutigalugu isummersinnaanani.
    2. Muumu.
      Inuit Aqqinik Akuersisartuni ilaasortat siulimik akuersinissamut itigartitsinerat attatiinnarlugu nalunaarput.
    3. Qujaaq.
      Akuerineqarpoq.
    4. Anoraannguaq.
      Akuerineqarpoq.

 

  1. Aqqit pillugit suliat ataatsimiinnerup avataatigut ingerlaavartut.

a.,b. aamma c.: Allatsimit aqqinut tunngassutilinni suliaasimasut ilisimatitsissutit tusaatissatut tiguneqarput.

  1. Taasariaqartut allat

Ataatsimiinnerup ingerlanerani ilaasortanut nutaanut ilisimatitsissutigineqarpoq IAA-p novembarimi 2006-imi atsersuisarnermut ilitsersuusiai sulinermi tunaartarineqartartut. Taamatuttaaq Qallunaat Nunaanni inatsit:  “L 193 om personnavne af 29/4 1981 som sat i kraft for Grønland ved anordning 549 af 21/8 1986” tunaartarineqartartoq, inatsit 1. april 2006-imeersoq pinnagu.

Tamatuma saniatigut 2010-mi ukiumoortumik nalunaarusiamut ilanngussaq ilisaritinneqarpoq. Taanna naapertorlugu aqqit isumaat pillugit saaffiginnittartut ikilisimapput, kisianni atitut akuerisaanersoq paasiniaallutik saaffiginnittartut qinnuteqartullu amerleriarsimaqisut, 2010-milu aatsaat taama amerlatigisut.

 

Tulliani ataatsimiinnissaq: Aalajangerneqarpoq pissasoq ataasinngornermi apriilip sisamaani 2011, Oqaasileriffiup ataatsimiittarfiani nal. 10.00.

 

Inussiarnersumik inuulluaritsi

Nuka Møller

Allatsi