Inuit Aqqinik Akuersisartut 2011 – 2

IAA – 050411

Inuit Aqqinik Akuersisartut 05/04-2011, nal. 14.00 Oqaasileriffimmi ataatsimiinnerannit imaqarniliaq

Peqataasut:                  Sofie Petersen aamma Eva Møller Thomassen.
Peqataanngitsoq:        Lotte Holm

Allatsi:                          Nuka Møller

1. Tikilluaqqusineq

Nalunaarutigineqarpoq LHO suliffini peqqutigalugu peqataasinnaanngitsoq. Ilaasortanit tamanna paatsuunganartineqarpoq tassami borgerligt ombud atuukkaluarmat. KIIIN-imiit borgerligt ombud nassuiaatigalugu sulisitsisut allaffigineqartussaagaluarput sulili tigusimagunanngilaat. Sivitsussappat allatsip LHO-p sulisitsisui borgerligt ombud qanoq pisussaaffiliinersoq pillugu allaffigissagai siunnersuutigineqarpoq.

2. Siulittaasumik tullissaanillu qinersineq

Siulittaasussamik qinersinissaagaluaq tulliani ataatsimiinnissamut kinguartinneqarpoq ilaasortat tamakkerlutik najuutinnginnerat pissutigalugu.

2.a. Kingullermik ataatsimiinnerni imaqarniliat akuerineqarneri

   Kingullermi ataatsimiinnermit imaqarniliat allamik oqaaseqarfiginagit akuerineqarput.

3. Atit akuereqqullugit qinnutigisat:
4. 1. Akitsi. Akuerineqarpoq.
   2. Aput. Akuerineqarpoq.
   3. Daala.
      IAA-mi ilaasortat atsersuisarnermut ilitsersuutini immik. 2 naapertorlugu aqqit allattaatsit atorneqartut malittarisassaat malillugit allanneqartarnissaat innersuutigalugu t-mik aallaqqaateqassappat aakuerisinnaallugu unnerput. Saaffiginnittoq aperineqassaaq Taala-millu allallugu akuerissappagu akuersinermut uppernarsaammik nassinneqassaaq.
   4. Panilla.
      Ilaasortat paaserusuppaat qallunaat atiannit Pernille-mit kalaallisuunngorsagaanersoq. Taamaassappat ersiutaa kingulleq sivitsorlugu allanneqassasoq innersuutigaat imatut: Paniila. Taamaanngippat qinnuteqartoq Qallunaat Nunaannut oqartussanut akuereqqullugu qinnutigissagaat siunnersuutigaat.

4. Aqqit pillugit suliat ataatsimiinnerup avataatigut ingerlaavartut.

1. 1. Rakab pillugu ilaasortat siunnersuutigaat Kirkeministeriami akuersisimasut allaffigineqassasut paasitillugit arnap siuliaqutitut atereqqaarsimagaluaraa. Allatsi missingersuusiamik allassasoq aalajangerneqarpoq.

5. Taasariaqartut allat

Puuka.

Ilaasortat tamarmiullutik najuutinnginnerat pissutigalugu kinguartinneqarpoq ilaasortat najuuttut arlaat nalunaarmat pineqartumut qanippallaarnini pissutigalugu isummersinnaanani.

Tulliani ataatsimiinnissaq: Aalajangerneqarpoq pissasoq qaammat ataaseq qaangiuppat, sisamanngorneq maajip tallimaata missaani.

Inussiarnersumik inuulluaritsi

Nuka Møller

Allatsi