Nunat Aqqinik Aalajangiisartut marlunngorneq oktobarip 25-anni 2011-mi Oqaasileriffimmi ataatsimiinnerat
Peqataasut.: Carl Christian Olsen, Stephen Heilmann, Abia Abelsen, Tukummeq Qaavigaq aamma Lotte Holm.
Allatsi: Lisathe Møller Kruse.
Oqaluuserineqartut makkuupput:
- Tikilluaqqusineq
- Imaqarniliap akuerisassatut saqqummiunnera (oktobarip 4-anni 2011-mi ataatsimiinnermit imaqarniliaq)
- Aatsitassanut Ikummatissanullu Pisortaqarfimmiit saaffiginnissutit
- i. Stednavn for ELA 2012-03.doc (Qeqertarsuup kangia Nuussuarlu)
- Danskisut atillit aqqit danskit nutaamik allattarnerannut nutsernissaat, soorlu
- i. gletscher → gletsjer
- Allattaatsitta malittarisassai tunumiorpalussuserlu
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
2. pillugu
Oktobarip 4-anni 2011-mi ataatsimiinnermit imaqarniliaq akuerineqarpoq.
3. pillugu
Aatsitassanut Ikummatissanullu Pisortaqarfimmiit saaffiginnissut Nunat Aqqinik Aalajangiisartunit eqqartorneqareerluni ima akuerisaasumik taaguuteqartussatut aalajangerneqarpoq:
- i. Stednavn for ELA 2012-03.doc Niffit
(Qeqertarsuup kangia Nuussuarlu)
4. pillugu
Kalaallit Nunaanni qallunaatut atillit nunat aqqi qallunaat ullumikkut pisortatigoortumik allaasiannut tulluussarnissaat pillugit Nunat Aqqinik Aalajangiisartut eqqartuipput, soorlu Kalaallit Nunaanni nunat aqqini qallunaatuujusuni gletscher qallunaat ullumikkut allaasiannut “gletsjer”-imut tulluussarneqassanersoq eqqartorlugu.
Nunat Aqqinik Aalajangiisartut aalajangerpaat Kalaallit Nunaanni nunat aqqi akuerisaareersut “gletscher”-imik ilallit qallunaat ullumikkut pisortatigoortumik allaasiannut allanngortillugit akuerisaasumik “gletsjer”-inngortinneqassasut.
5. pillugu
Nunat Aqqinik Aalajangiisartut tunumi nunat aqqi Lotte Holmimit aasaq nalunaarsorneqartut aalajangersarlugit akuerinnginnerini allattaatsimut tunngasunik eqqartuipput. Allattaatsimut tunngasumik eqqartuisariaqarnerannut pissutaasut ilagivaat tunumiut nipiminnut tulluartutut isigisaminnik allattaatsimik nammineq allattarnerat, nunallu aqqi tunumi nalunaarsukkat akuerisassat allattaasitaap malittarisassaannut ilaatigut naapertuutinnginneri.
Nunat Aqqinik Aalajangiisartut ataatsimiinnginnerini allattaatsimut tunngasunik ilaasortat aalajangersaasussaannginnerat erseqqissarneqarpoq, allattaatsimut tunngasut Oqaasiliortut suliassaqarfiisa ilagimmagit. Suliassaq taanna Oqaasiliortut suliassaattut saaffiginnissutigineqareerpoq.
CCO erseqqissaavoq Kalaallit Nunaanni sumiorpaluutsit oqaluttuassartaat ima agguataarneqartartut:
- Kitaata qeqqarmiut
- Ersangasunik oqaloriaasillit (I-dialekt): Upernavik, kujataa, Tunu
- Avanersuarmiut
- Avanersuarmiut 1860-p siorna
- Avanersuarmiut 1860-p kingorna
NAA-mi ilaasortat tunumi sumiorpaluutsinut tunngasunik eqqartuipputtaaq. Tasiilap Nunallu Isuata akornanni najugaqarsimasut allatut sumiorpalussuseqarsimagaluarnerat oqaatigineqarpoq, kiisalu Illoqqortoormiormiut sumiorpalussusiat kitaamiut tunumiullu sumiorpalussusiannit sunnerneqarluni immikkut sumiorpalussusiusoq erseqqissarneqarluni.
6. pillugu
—————————–
Carl Chr. Olsen Lisathe M. Kruse
Siulittaasoq Allatsi