Nunat Aqqinik Aalajangiisartut sisamannngorneq marsip aallaqqaataani 2012-mi Oqaasileriffimmi ataatsimiinnerat
Peqataasut.: Carl Christian Olsen, Stephen Heilmann, Abia Abelsen,
Peqataanngitsut: Tukummeq Qaavigaq aallaqqanini pissutigalugu, Lotte Holmilu napparsimanini pissutigalugu.
Allatsi: Lisathe Møller Kruse.
Oqaluuserineqartut makkuupput:
- Tikilluaqqusineq
- Imaqarniliap akuerisassatut saqqummiunnera (januaarip 19-anni 2012-mi ataatsimiinnermit imaqarniliaq)
- Aatsitassanut Ikummatissanullu Pisortaqarfimmiit saaffiginnissutip e-mailikkut ”Qassit”-nik atsikkap tangeqartinnissaa
- i. Høringsbrev Stednavn for efterforskningstilladelse 2012-30.phf (Qeqertarsuatsiaat timaat kujataalu)
- Aatsitassanut Ikummatissanullu Pisortaqarfimmiit saaffiginnissut
- i. Ansøgning om tilladelse til efterforskning af mineraler (efterforskningslicens MEL 2012/35) (Kujataani Nunakuluut kangialu)
- Nanortallip eqqaani nunat aqqi Henrik Kielsenimit naqqiissutit (Perseraji, Oquittoq)
- Pearylandimut Avanersuarmiut aterititaat Qimmersoriartorfissuaq (Henrik Kielsenip paasissutissiissutaa)
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
CCO-p ilanngullugu ilisimatitsissutigivaa tunumi nunat aqqisa qanoq periuseqarluni allanneqartarnissaat pillugu Oqaasiliortut suliaqarsimasut. Ilanngullugulu erseqqissaatigalugu Oqaasiliortut suliaq taanna piareersimagaat.
2. pillugu
Januaarip 19-anni 2012-mi ataatsimiinnermit imaqarniliaq akuerineqarpoq.
3. pillugu
Aatsitassunut Ikummatissanullu Pisortaqarfimmiit saaffiginnissut Nunat Aqqinik Aalajangiisartunit e-mailikkut “Qassit”-nik ateqartussatut aalajangiunneqarnera pillugu ataatsimiinnermi tangeqartinneqarpoq.
Nunat Aqqinik Aalajangiisartut e-mailikkut atserallagartik akuerivaat, Qeqertarsuatsiaallu eqqaaniittoq ima akuerisaasumik taaguuteqartussatut aalajangerlugu:
- i. HØRING stednavn for efterforskningstilladelse 2012-30.phf
(Qeqertarsuatsiaat eqqaaniippoq) Qassit
4. pillugu
Aatsitassanut Ikummatissanullu Pisortaqarfimmiit saaffiginnissut Nunat Aqqinik Aalajangiisartunit eqqartorneqareerluni ima akuerisaasumik taaguuteqartussatut aalajangerneqarpoq:
- i. Til høring Ansøgning om tilladelse til efterforskning af mineraler
(efterforskningslicens MEL 201235) Nunakuluut(Kujataani Nunakuluuniippoq, Qassimiut kitaani)
5. pillugu
Nanortallip eqqaani nunat aqqi Henrik Kielsenimit naqqiissutit Nunat Aqqinik Aalajangiisartunit eqqartorneqarput.
Henrik Kielsenip Nanortallip eqqannguaniittut nunat aqqi akuerisaareersut Perserajuk aamma Oqquitsoq naqqissutigai, “Perseraji”-mik “Oquittoq”-millu ateqarnerarlugit.
Qaqqaq pineqartoq “Perseraji”-minngooq ateqarpoq nunamut tunngasortaa persertarmat, uiguullu {raji} tunumiut uiguutaat tassani atorneqartoq mikusunut tunngatillugu atorneqartarmat. Nunat Aqqinik Aalajangiisartut aalajangerpaat qaqqaq pineqartoq “Perserajik”-mik ateqalissasoq.
Qeqertaq pisortatigoortumik akuerisaasumillu “Oqquitsoq”-mik atilik Nanortallip eqqaarannguaniittoq Henrik Kielsenimit naqqiissutigineqarpoq “Oquittoq”-mik ateqarnerarlugu. Henriup nassuiaatigivaa qeqertaq pineqartoq qimatulivigineqartarsimasoq tassanilu nerisassat oqunneq ajorsimasut. Qeqertanngooq taassuma eqqaa anorlerajuttuugami immap tarajua qeqertamut annguttarsimavoq, nerisassat oquttussaagaluit oqutsinneq ajorlugit. Tassagooq qeqertap ateqaataa Oquittoq, tassa oqunneq ajortoq. Tamanna pissutigalugu Nunat Aqqinik Aalajangiisartut aalajangerpaat qeqertaq pineqartoq “Oquittoq”-mik ateqalissasoq.
6. pillugu
Henrik Kielsenip siunnersuutigivaa nunatta avannaarsuaniittoq Pearyland “Qimmersoriartorfissuaq”-mik ateqalissasoq.
Atuakkami 2003-mi saqqummersumi “Pearyland”-mik atilimmi allassimasoqarsimavoq Pearyland Avanersuarmiut “Qimmersoriartorfissuaq”-mik taasarsimagaat. Taamaammat Henriup siunnersuutigivaa Pearyland “Qimmersoriartorfissuaq”-mik ateqalissasoq.
Nunat Aqqinik Aalajangiisartut siunniuppaat atuakkami pineqartumi allassimasut atuaqqaassallugit, tamatumalu kingorna aatsaat isummerfigiumaarlugu.
—————————–
Carl Chr. Olsen Lisathe M. Kruse
Siulittaasoq Allatsi