Nunat Aqqinik Aalajangiisartut sisamannngorneq maajip 22-anni 2012-mi Oqaasileriffimmi ataatsimiinnerat
Peqataasut.: Carl Christian Olsen, Stephen Heilmann, Tukummeq Qaavigaq, Abia Abelsen aamma Lotte Holm.
Allatsi: Lisathe Møller Kruse + Abia Abelsen.
- Tikilluaqqusineq
- Imaqarniliap akuerisassatut saqqummiunnera (maajip pingajuanni 2012-mi ataatsimiinnermit imaqarniliaq)
- Tunumi nunat aqqi nalunaarsukkat suliaralugit aallartinnissaat
- Taasariaqartut allat
1. pillugu
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
Siulittaasoq allami ataatsimiinnissani pillugu nal. 10.00 missaani anisussagami ataastsimiinnemik aqutsineq siulit. Tullianut AA-mut tunniuppaa.
NAA-mi allatsi Lisathe Møller Kruse nakorsiareerluni iserpoq nal. 10.15, allattaalerlunilu.
2. pillugu
Maajip pingajuanni 2012-mi ataatsimiinnermit imaqarniliaq akuerineqarpoq, taamaattorli malunnarpoq NAA-mi ilaasortat amerlanerit imaqarniliaq aamma Tunumi nunat aqqinik suliat oqallisiginissat suli iluamik piareersimaffigineqanngitsoq, taamaattumillu oqallinneqangaatsiarluni ilaatigut isummat assigiippallaanngitsut aninneqartarlutik. Tamanna 3-mut tunngatillugu imaqaniliap naggataatungaa atuaruk, uunga nangissutitut oqaatigineqarsinnaasoq.
3. pillugu
Tunumi nunat aqqi nalunaarsukkat suliaralugit aallartisarneqarput. Nunalli aqqi ataasiakkaarlugit akuerinnginnerini tunngaviusumik aalajangiivigisassat ilaat aalajangiivigineqarput. Nunat Aqqinik Aalajangiisartut aalajangigaat ataani talerperlermiipput:
Nalunaarsukkani allaqqasoq: NAA-t aalajangigaat tunngaviusut:
Sanerngaa → Saneraa
Tupikasia → Tupigajia
Imikasia → Imigajia
Ikerasak → Ikaasak (Igamut qanippallaarnera pissutigalugu “igaasak”-mik allanneqartassanngilaq)
Qulaaniittunut assingusut nunat aqqi ataatsimeeqqinnginnermi aaqqinneqariissasut NAA-t aalajangerpaat. Tassa “rngaa”-mik allaqqasut tamarmik “raa”-nngortiterneqassapput, “kasia”-nik imaluunniit “kajia”-nik allaqqasut “gajia”-nngortiteqassallutik, kiisalu nunat aqqi “Ikerasak”-mik atillit “Ikaasak”-nngortinneqassallutittaaq.
Lotte Holm tunumi nunat aqqinik nalunaarsuisimasoq tunumi nunat aqqinik ilisimasalinnut paasiniagassaqarpoq. Paasiniagassai ataani takuneqarsinnaapput:
- Tunngaviusumik kangeq kangerlullu immikkut tunumiusut taaneqartarnersut nunat aqqinik ilisimasalinnut paasiniassavaa,
- Sammivissiornermut tunngassuteqartut nunat aqqi tunumi nunat aqqisut atugaasut erseqqissumik suunersut paasiniassavai. Soorlu avannaa, kujataa, kitaa, kangia allallu.
Sammivissiornermut tunngassuteqartut pillugit Stephen Heilmann kissaateqarpoq nunat aqqi sumiissusersiornermut atortarmata sineriak tamakkerlugu assigiimmik atorneqarnissaat. S. H. ilaliivoq aalajangiinermi sumiorpalussutsit ataqqineqartartut, allattaaserli malillugu suliarineqartassasut.
Naggataagut isumaqatigiinneqarpoq uku suliat, tassa Tunumi nunat aqqinik suliat aamma Oqaasiliortut siunnersuutigisimasat NAA-mi ilaasortat atuarluaqqissinnarlugit tullianik eqqartoqqissagaat, ilaatigut CCO-p, Pujup, ilaasortanut isummersorfigillaqqullugit nalunaaqutsersorsimasai.
4. pillugu
Nunat Aqqinik Aalajangiisartut isumaqatigiissutigivaat juunip 7-anni nal. 10 tulliani ataatsimeeqqikkumaarlutik.
—————————–
Carl Chr. Olsen Lisathe M. Kruse
Siulittaasoq Allatsi