Ujarlerit

Nunat Aqqinik Aalajangiisartut 2013 – 3 (gl)

NAA.07.05.13 (gl)

Nunat Aqqinik Aalajangiisartut

Marlunngornermi maajip 7-ani 2013-mi Oqaasileriffimmi ataatsimiinnerannit

Imaqarniliaq

 

Peqataasut: Carl Christian Olsen, Stephen Heilmann, Lotte Holm Christensen

Peqataanngitsut: Abia Abelsen allami ataatsimiinnini pillugu, Tukummeq Qaavigaq napparsimalluni

Allatsi: Arnaq B. Johansen

 

  1. Tikilluaqqusineq
  2. Imaqarnilianik akuersineq
  3. Kalaallit Nunaata pisortatigoortumik taaguutaa
  4. Narsami Fabriksbugtenip kalaallisut aqqa
  5. Narsami Kolonibugtenip kalaallisut aqqa
  6. Aatsitassanut Ikummatissanullu Pisortaqarfimmit saaffiginnissutigineqartunik Kangerlussuup Sisimiullu eqqaanni nunaminertanik sisamanik taaguusiineq
  7. Aatsitassanut Ikummatissanullu Pisortaqarfimmit saaffiginnissutigineqartumik Tasiusap Aappilattullu eqqaanni nunaminertamik taaguusiineq
  8. Ilulissat eqqaanni nunap aqqata Nakkaavik-mik, qallunaatut Kællingekløftenimik atillip isummersorfigineqarnera akuerineqarneralu
  9. Narsarsuup eqqaani nunap aqqata Naasut Qooruat-a, qallunaatut Blomsterdal-imik atillip isummersorfigineqarnera
  10. Taasariaqartut allat

 

  1. Tikilluaqqusineq
    Ataatsimiinneq aallartimmat siulittaasoq Carl Christian Olsen tikilluaqqusivoq.
  2. Imaqarnilianik akuersineq
    Decembarimiit marsi tikillugu ataatsimiinnernit imaqarniliat ataasiakkaarlugit akuerineqarput.
  3. Kalaallit Nunaata pisortatigoortumik aqqa
    Nunap aqqa Kalaallit Nunaat pillugu Karl Elias Olsenip Nuka Møllerimut saaffiginnissutigisimasaa, tassalu nunap aqqa Kalaallit Nunaat  NAA-mit ataatsimiissutigineqarsimanersoq paasiniaaneranut tunngasoq. Oqaasiliortut ataatsimiinnerinit, apriilip aappaanni 2008 aamma apriilip 30-anni 2008 imaqarnilianit aallaaveqarluni ataatsimiinnermi ima sammineqarpoq:Kalaallit Nunaat nunamut ataatsimoortumik atertut pineqartillugu aqqup pinnguutai naqinnernik angisuunik aallaqqaaserlugit allanneqassaaq.Allamiutut (danskisut, tuluttut allatulluunniit) allassimatinniaraanni Kalaallit Nunaat allallugu allamiutut taaguutaa ungaluuserlugu allanneqassaaq. Taamaalilluni allamiut namminneq taaguinertik atoraluarlugu pisortatigut aqqata ersersinnissaa malitassaraat.

    Oqalulluni inuup ataatsip nunamut attuumassuseqarnera pillugu piginnittorsiutip atugaaneranut tunngatillugu atorneqartarpoq; kalaallip nunaa, tassa taaguutip pinnguutaanik naqinnerit angisuut atornagit.

  4. Narsami Fabriksbugtenip kalaallisut aqqa.Narsap saavani Fabriksbugten kalaallisut ateqarpoq: Kangerluatsiaq. Taanna pillugu paasiniaavigineqartoq tassa Narsamiu Torben Emil Lynge.
  5. Narsami Kolonibugtenip kalaallisut aqqaNarsap saavani Kolonibugtenimik taagugaq kalaallisut ateqarpoq: Saqqannguup Imartaa.Taanna pillugu paasiniaavigineqartoq tassa Narsarmiu Torben Emil Lynge.
  6. Aatsitassanut Ikummatissanullu Pisortaqarfimmit saaffiginnissutigineqartunik Kangerlussuup Sisimiullu eqqaanni nunaminertanik sisamanik taaguusiineq.Taaguusigassaq 1: Qeqertalik-mik taaguuserneqarpoq. Taaguusigaq Qeqertallip qinnguata timaatunngaaniipoq.Taaguusigassaq 2. Itillip Qaqqai-nik taaguuserneqarpoq. Qaqqat tamakku Sisimiunit isikkiavianit Itillip Qaqqai-nik taagorneqarput naak Itilleq allamiikkaluartoq.

    Taaguusigassaq 3: Qaqqatsiaq-mik taaguuserneqarpoq. Taaguusiinermi qaqqarsuit tamaaniitut pingaarnertut aallaavigineqarput.

    Saqqummiussinermi assimi atorneqartumi nunat aqqi Nooralak aamma Nunaqarfia nalunaarneqarnermikkut illusiinnarmi tiffasiinnarmilu  inissisimasorineqarmata misissugassanngortinneqarput.

    Taaguusigassaq 4: Amitsorsuaq-mik taaguuserneqartut aalajangiunneqarpoq. Amitsorsuaq tasiuvoq.

  7. Aatsitassanut Ikummatissanullu Pisortaqarfimmit saaffiginnissutigineqartumik Tasiusap Aappilattullu eqqaanni nunaminertamik taaguusiineqNuna Aatsitassanut Ikummatissanullu Pisortaqarfimmit saaffiginnissutigineqartoq angimmat tassunga tulluartumik taaguusiisoqarnissaa siunnersuutigineqarpoq. Taassumalu kinguneranik Sermilik-mik taaguusernissaa akuerineqarluni.
  8. Ilulissat eqqaanni nunap aqqata Nakkaavik-mik, qallunaatut Kællingekløftenimik atillip isummersorfigineqarnera akuerineqarneraluKællingekløften, Kalaallisut Nakkaavik-mik taaguuserneqarnissaa akuerineqarpoq eqqaaneqarporlu qanga kristumiut nunatsinnut pinerat sioqqullugu, tikereernerisalu kingorna arnaqquassaanik ilisiitsunillu igitsiffiusarsimasoq. Tassunga tunngatillugu eqqaaneqarpoq Ittoqqortoormiit eqqaaniittoq Nakkaavik, tassanili inunnik igitsivittut atorneqanngitsoq, kisiannili sermersuup nakkaaviatut taagorneqartoq.
  9. Narsarsuup eqqaani nunap aqqata Naasut Qooruat-a, qallunaatut Blomsterdal-imik atillip isummersorfigineqarneraNarsarsuup eqqaaniittoq Blomsterdal, kalaallisut Naasut Qooruat-nik atserneqarnissaanut ippinnartoqartitsinera tunngavigalugu akuerineqannginnerani misissoqqitassatut ingerlateqqinneqarpoq. Tassunga tunngavigitinneqarput ilaatigut danskisuumit kalaallisut nutsiinnarlugu taaguuserneqarsimanera ilimagineqarluni, eqqaaneqarlunilu siusinnerusukkut allatut taaguuteqarsimanissaa ilimanartoq. Assersuutitut taaneqarpoq Ilulissat Kangerluat, danskisut Jakobshavn Isfjord-mit toqqaannartumik kalaallisuunngortillugu nutsigaasoq. Eqqaaneqartunut ilaavoq Tunumi Blomsterdal, kalaallisut Naasuliarpik-mik atilik, kalaallisuumit danskit oqaasiinut nutsigaasoq, tassa qanga kalaallit Naasuliarpik-mut naasortariartarsimanerat kiisalu naasunik nerisassanik katersiartortarsimanerat eqqaaneqarluni.
  10. Taasariaqartut allatAbia Abelsen-ip marlunngornikkut piffissami uani ataatsimiiffimmi, allami ataatsimiittarnera aallaavigalugu siunnersuutigineqarpoq marlunngornikkut ullaap tungaani ataatsimiittoqartassanngitsoq.

Ataatsimiinnissap tullia ullulerneqarpoq marlunngorneq maajip 21-at, nal.13.00

 

Inuss. Inuull.

 

Carl Christian Olsen               Arnaq B. Johansen

NAA siulittaasuat                   NAA-ni allatsi