Nunat Aqqinik Aalajangiisartut 2013 – 5

NAA.28.06.13

Nunat Aqqanik Aalajangiisartut

Tallimanngornermi juunip 28-ani 2013-mi Ataatsimiinnerannit imaqarniliaq

 

Peqataasut: Carl Christian Olsen, Abia Abelsen, Tukummeq Qaavigaq

Peqataanngitsut: Stephen Heilmann aasaanerani angalalluni peqataanngilaq, Lotte Holm Christensen tunuarnikuuvoq

 

  1. Tikilluaqqusineq
    Siulittaasoq Carl Christian Olsen tikilluaqqusivoq, ilisimatitsissutigalugulu Lotte Holm Christensenip tunuarnerata kingorna Karl Møller kingoraartissatut isissasoq. Tamanna aggustimi paasineqarumaartoq siulittaasup oqaatigaa. Ilanngullugu oqaatigaa sprogteknologimi paasisat siunissami Oqaasileriffimmiitiinnartarnissaat, tassungalu atatillugu fond-init aningaasaaliiffigineqarluni ingerlanera, manna allanngorluni Oqaasileriffimmut immikkoortutut inississasoq.
  2. Tunup avannaani, Grønlandshavet-mi misissuisoqarnissaanut atatillugu Aatsitassanik Ikummatissanillu Aqutsisoqarfimmit saaffiginnissutigineqartunik taaguusiineq. 

    Imartaq immikkoortortaq 6: Avinngaq
    Imartaq immikkoortortaq 8: Amaroq
    Imartaq immikkoortortaq 9: Umimmak
    Imartaq immikkoortortaq 14: NerleqTassunga atatillugu AA-p siunnersuutigivaa assersuusiorlunilu, siunissami taaguusikkat eqqaanni misissuiffissat taaguuserneqartassasut “avinngaq 1”, “avinngaq 2”.

  3. Ittoqqortoormiit eqqaanni nunaminertamik misissuiffissatut Aatsitassanik Ikummatissanillu Aqutsisoqarfimmit saaffiginnissutigineqartumik taaguusiineq. 

    Nunaminertaq taaguuserneqarpoq Aqerloq. Nunaminertap pineqartup ungasinngisaa aqerlusaqarfiunikuusoq eqqaaneqarpoq.

  4. Taasariaqartut allat 

    Danmarkstrædet aamma Grønlandshavet kalaallisut atserneqarnissaat eqqarsaatissiissutigineqarpoq. 1880-kkunni Kjer-ip allataani “Atuaaniutit”-ni Islandimiut qallunaatsianik taaneqartarsimanerat, kiisalu Svalbard-ip kalaallisut Inngikitsulik-mik taaneqartarsimanera taaneqarluni.

 

Inuss. Inuull.

Carl Christian Olsen   Arnaq B. Johansen

Siulittaasoq                 Allatsi