Ujarlerit

Nunat Aqqinik Aalajangiisartut 2014 – 1 (gl)

NAA.10.01.14 (gl)

Nunat Aqqinik Aalajangiisartut 

tallimannngorneq januaarip qulinganni 2014-mi Oqaasileriffimmi ataatsimiinnerat

 

Peqataasut.: Carl Christian Olsen, Tukummeq Qaavigaq, Abia Abelsen, Karl Møller aamma Stephen Heilmann.

Allatsi: Lisathe Møller Kruse

 

Oqaluuserisat makkuupput:

 

  1. Tikilluaqqusineq
  2. Imaqarniliap akuerinera (decembarip 20-anni ataatsimiinnermit imaqarniliaq)
  3. Vatnaverfi à Qeqertaasaq?
  4. Upernaviup nunarfiisalu eqqaanni nunat aqqi nalunaarsukkat akuerinisassat nanginnissaat
  5. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq, ukiortaamilu pilluaqqusilluni, ukiumullu qaangiuttumut qujalluni.

 

  1. pillugu –

Decembarip 20-anni 2013-mi ataatsimiinnermit imaqarniliaq akuerineqarpoq.

 

  1. pillugu –

Kujataani savaateqarfiit nunataata taserujussuup eqqaaniittup Vatnaverfip kalaallisut ateqartinnerarneqartup kalaallisut aqqa misissorneqareerluni Nunat Aqqinik Aalajangiisartunit eqqartorneqarpoq. Nunat aqqinik ilisimasalik Niels Lund Nunalerinermullu Siunnersorteqarfik attaveqarfigereerlugit paasinarsivoq Vatnaverfip kalaallisut aqqa tassaasoq Tasikuluulik. Nunat Aqqinik Aalajangiisartut sumiiffimmut tassunga Tasikuluulik pisortatigoortumik ateritinneqalissasoq akuerivaat.

Taassuma saniatigut nunap aqqa Qeqertaasaq suli nalunaarsugaataanngimmat Nunat Aqqinik Aalajangiisartut akuerineqassanersoq pillugu eqqartuipput. Nunat aqqinik ilisimasallip Niels Lundip nassuiarpaa Qeqertaasaq pineqartillugu Alluitsup Kangerluanit Igalikup Kangerluanut Alluitsup Paa ilanngullugu atertut atorneqartartoq. Nunat Aqqinik Aalajangiisartut eqqartoreerlugu Qeqertaasaq pisortatigoortumik atissatut akuerivaat.

 

  1. pillugu –

Upernaviup nunaqarfiisalu eqqaanni nunat aqqi nalunaarsukkat Nunat Aqqinik Aalajangiisartunit misissorneqarneri nanginneqarput. Suliaq suli naammassinngimmat Nunat Aqqinik Aalajangiisartut tulliani ataatsimiilerpata januaarip 14-anni nal. 9-12 nanginneqassapput.

 

Carl Chr. Olsen             Lisathe M. Kruse

Siulittaasoq                               Allatsi