Ujarlerit

Nunat Aqqinik Aalajangiisartut 2014 – 8 (gl)

NAA.05.11.14 (gl)

Nunat Aqqinik Aalajangiisartut

pingasunngorneq novembarip tallimaanni 2014-imi Oqaasileriffimmi ataatsimiinnerat

 

Peqataasut.: Carl Christian Olsen, Karl Møller, Stephen Heilmann aamma Tukummeq Qaavigaq.

Peqataanngitsut: Abia Abelsen angalanini pissutigalugu.

Allatsi: Lisathe Møller Kruse

 

Oqaluuserisat makkuupput:

 

  1. Tikilluaqqusineq
  2. Imaqarniliap akuerisassatut saqqummiunnera (juulip 17-anni ataatsimiinnermit imaqarniliaq)
  3. Pikialasorsuaq
  4. Sisimiut avannannguaniittoq Kangerluarsuup Tulliup paavaniittoq akuerisat malillugit ” Narlusooq”, Pujullu naqqiinerani ”Narlusoq”.
  5. Suussutsinut nalunaarsuutit
  6. Maritim crowdsourcing i Grønland
  7. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Juulip 17-anni 2014-imi ataatsimiinnermit imaqarniliaq akuerineqarpoq.

 

  1. pillugu –

Nunatta avannaani imartarujussuaq ukiuugaluamiluunniit immap sarfarnerata kingunerisaanik sikunngisaannartoq, uumasorpassuaqartartorlu akuerisamik qanoq ateqarnersoq saaffiginnissutigineqarpoq. Tassunga sumiiffimmut ilaatigut Nordvandet aamma Northwater atigitinneqartarpoq, avanersuarmiulli Pikialasorsuarmik taaguuteqartillugu.

Nunat Aqqinik Aalajangiisartut eqqartoreerlugu imartarujussuaq taanna immap sarfarnerisa kingunerisaanik sumiiffia nikerartoq “Pikialasorsuaq”-mik pisortatigoortumik ateqartussatut aalajangiuppaat.

 

  1. pillugu –

Sisimiut avannannguaniittoq Kangerluarsuup Tulliup paavaniittoq pisortatigoortumik akuerisat malillugit ”Narlusooq”, Pujup naqqiinerani ”Narlusoq”-mik ateqarnerarneqarpoq. Misissuereernerup kingorna Jaffet Davidsenilu isumasioreernerata kingorna paasinarsivoq ilumut ikerasak taanna “Narlusoq”-mik ateqartoq. Taamaattumik Nunat Aqqinik Aalajangiisartut pisortatigoortumik atia allanngortippaat ima ateqalersillugu Narlusoq.

 

  1. pillugu –

Nunat aqqisa suussutsinut nalunaarsuutaat Nunat Aqqinik Aalajangiisartut eqqartorpaat. Qallunaatoortai naalisarneri ilanngullugit 1996-imi akuerineqarnikuupput, kalaallisulli taaguutai suli tamakkiisumik suliarineqaratik. Taamaattumik Nunat Aqqinik Aalajangiisartut aalajangerpaat Nunat Aqqinik Aalajangiisartut allattaata Lisathe Møller Krusep Oqaasileriffiullu ittuata Carl Christian Olsenip kalaallisoortai suliarissagaat. Suliassat taakku piareerpata Oqaasiliortunut suliassanngortinneqassapput, kingornalu Nunat Aqqinik Aalajangiisartunut ingerlateqqinneqarumaarlutik.

 

  1. pillugu –

Peqqissutsimut Attaveqarnermullu Naalakkersuisoqarfik Oqaasileriffimmut saaffiginnissuteqarpoq imarsiornermut attuumassuteqartut pillugit paasissutissat (angalanermi aqqutit, immap itissusaannut paasissutissat il. il.) Oqaasileriffiup paasissutissat taakku qanoq atortarnerai pillugit kikkut oqaloqatigisinnaanerlugit.

Nunat Aqqinik Aalajangiisartut saaffiginnissut taanna eqqartoreerlugu aalajangerput imarsiornermut attuumassuteqartut Oqaasileriffimmit saaffigineqaqqaassasut, kingornalu aatsaat saaffiginnissut akissuteqarfigineqarumaartoq. Nunat Aqqinik Aalajangiisartut uku saaffigineqassasut aalajangerpaat; Imarsiornermik Ilinniarfik, Grønlands Kommando, Politeqarfik, RAL A/S, kiisalu KNAPK.

 

  1. pillugu –

 

Carl Chr. Olsen             Lisathe M. Kruse

Siulittaasoq                               Allatsi