Nunat Aqqinik Aalajangiisartut
pingasunngorneq apriilip 8-anni 2015-imi Oqaasileriffimmi ataatsimiinnerat
Peqataasut.: Carl Christian Olsen, Abia Abelsen, Stephen Heilmann, Karl Møller, aamma Tukummeq Qaavigaq.
Peqataanngitsut: tamarmik ataatsimeeqataapput.
Allatsi: Lisathe Møller Kruse
Oqaluuserisat makkuupput:
- Tikilluaqqusineq
- Imaqarniliap akuerisassatut saqqummiunnera (januaarip 5-anni 2015-imi ataatsimiinnermit imaqarniliaq)
- Aatsitassanut Ikummatissanullu Pisortaqarfimmit saaffiginnissut
- Anmodning til stednavnenævn, ansøgning 2015-25.docx (Tasiilap avannaani Sermillip ilaani)
- Nunat aqqisa suussutsinut nalunaarsuutaat kalaallisut allaqqasut
- Geodatastyrelse Asiaq suleqatigalugu nunap assiliornerannut tunngatillugu tusarniaanerat
- Taasariaqartut allat
- pillugu –
Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.
- pillugu –
Januaarip tallimaanni 2015-imi ataatsimiinnermit imaqarniliaq akuerineqarpoq.
- pillugu –
Aatsitassanut Ikummatissanullu Pisortaqarfimmit saaffiginnissut Nunat Aqqinik Aalajangiisartunit eqqartorneqareerluni ima akuerisaasumik taaguuteqartussatut aalajangerneqarpoq:
Anmodning til stednavnenævn, ansøgning 2015-25.docx Qeertaalaq
(Tasiilap avannaani Sermillup ilaani)
- pillugu –
Nunat Aqqinik Aalajangiisartut nunat aqqisa suussutsinut nalunaarsuutaat suliarineqarlutik misissoqqissaarneqaqqammersut kalaallisut allaqqasut Oqaasiliortuniillu misissorneqarlutillu akuerineqartut eqqartorpaat.
Nunat Aqqinik Aalajangiisartut aalajangiuppaat nunat aqqisa suussutsinut nalunaarsuutaat qallunaatuujugaluartut pisortatigoortumik nunat aqqinik nalunaarsuiffimmi kalaallisoortai atuutilissasut. Asiakkormiut suleqatigalugit sukkasuumik qanoq nunat aqqinut 33.000-it sinnilinnut ikkussuunneqassanersut misissorneqassaaq.
Abia Abelsenip tupeqarfiup tupeqarfikullu saniatigut tupersuaqarfik nunat aqqisa suussutsinut nalunaarsuutaannut ilanngunneqassanersoq aperivoq. Nunat Aqqinik Aalajangiisartut eqqartuereerlutik aalajangiuppaat tupersuaqarfik nunat aqqisa suussutsinut nalunaarsuutaannut ilanngunneqassanngitsoq, nunap aqqatut atiunerata saniatigut.
Ilanngullugu Nunat Aqqinik Aalajangiisartut tupersuaqarfiup tupeqarfimmut sanilliullugu qanoq atorneqartarnera misissugassanngortippaat.
Ataani nunat aqqisa sussuutsinut nalunaarsuutaat kalaallisut allaqqasut Nunat Aqqinik Aalajangiisartunit Oqaasiliortunillu akuerineqartut takuneqarsinnaapput:
| Forkortelse | Betegnelse | Suussuseq |
| AFSAT | Afsats | Salliarnaq |
| AMMF | Loddefangstplads (ammassaat) | Ammassivik |
| ANKER | Ankerplads, naturlig havn | Umiatsialivilik |
| BANIS | Isfjelde på banke | Ilulissat ikkarleqqasut |
| BANK | Banke | Ikkanneq |
| BANSA | Sandbanke, tørt ved lavvande | Tinuttagaq |
| BASE | Base | Sakkutooqarfik |
| BASSN | Bassin | Imartuneq |
| BRAND | Brandplet | Ikumanikoq |
| BRATN | Bratning | Innarissoq |
| BREDN | Bredning | Nerutuneq |
| BRINK | Brink | Kuup/tatsip sinaa |
| BRÆ | Bræ, gletcher | Sermip ningimarna |
| BRÆDA | Brædal | Sermip sisuffia |
| BRÆDØ | Dødbræ | Sermeq uninngasoq |
| BRÆKA | Brækant | Sermip killinga |
| BRÆKU | Brækuppel | Sermip qaarajunnera |
| BRÆLE | Bræleje | Sermip killiffia |
| Isbræ | Iigartartoq | |
| BSALT | Basalt, basaltsøjle | Basalt |
| BUGEL | Bugt med elv | Iterlak kuulik |
| BUGT | Bugt | Iterlak |
| BUGTB | Bund af bugt | Iterlaap qinngua |
| BUGTH | Bugt med havn | Iterlak umiatsialivilik |
| BUGTR | Bugt med ruin | Iterlak illukulik |
| Buskareal | Orpigaqarfik | |
| BY | By | Illoqarfik |
| BYDEL | Bydel | Illoqarfiup ilaa |
| BYGD | Bygd | Nunaqarfik |
| BYGDA | Bygd anden (Fåreholdersted o. l.) | Nunaqarfik alla (savaateqarfik assingusorluunniit) |
| BÆRPL | Bærplukningsted | Nuniaffik |
| DAL | Dal | Qooroq |
| DALB | Dalbund | Qooqqup qinngua |
| DALBU | Dal med bugt | Qooroq iterlalik |
| DALEL | Dal og elv | Qooroq kuullu |
| DALMU | Dalmunding | Qooqqup paava |
| DALSK | Skyggedal | Qooqqup alanngua |
| DALST | Dalstrøg | Qooqqersimaneq |
| DALSÆ | Dalsænkning | Qooqqup naqqa |
| DAM | Dam | Tasiliaq/tasinngortitaq |
| DELTA | Delta | Kuup nunanngortitaa |
| DEPOT | Depot, depotsted | Peqqumaasivik |
| DIAB | Diabas | Diabas |
| DVULK | Dyndvulkan | Qappiortoq |
| ELV | Elv | Kuuk |
| ELVE | Elve | Kuuit |
| ELVLE | Elvleje | Kooqarfik |
| ELVMU | Elvmunding | Kuup akua |
| ELVSL | Flodslette, tidvis oversvømmet slette | Narsaamaneq kuup qarsuttagaa |
| ELVSØ | Søagtig udvidelse af elv | Tasinngortaq |
| ELVUD | Elvudspring | Kuup aariaa |
| ENG | Eng | Narsaviaq |
| FAHUS | Fangsthus | Illu piniariartarfik |
| FAHYT | Fangsthytte | Illuaraq piniariartarfik |
| FAP | Fangstplads | Piniariartarfik |
| FIRN | Firn | Aputip manngertinnera |
| FISK | Fiskested | Aalisartarfik |
| FJEA | Fjeldareal | Qaqqartooq |
| FJEFD | Fjeldfod | Qaqqap naqqa |
| FJEGP | Fjeldgruppe | Qaqqat |
| FJEGR | Fjeldgryde | Qalorsaq |
| FJEKN | Fjeldknold, knovs | Qaqqajunnaq |
| FJELD | Fjeld | Qaqqaq |
| FJEPL | Fjeldplateau | Qaqqap maninnersaa |
| FJERY | Fjeldryg | Quassuk |
| FJESI | Del af fjeld | Qaqqap ilaa |
| FJESK | Fjeldskred | Sisuat |
| FJESP | Fjeldspids | Inngik |
| FJESÅ | Fjeldskråning | Sivinganeq |
| FJETO | Fjeldtop | Qaqqap nuua |
| FJEUD | Fjeldudløber | Qaqqap avaleqqua |
| FJEVÆ | Fjeldvæg | Innaq |
| FJOAR | Fjordarm | Kangerluup avalequtaa |
| FJOB | Fjordbund | Kangerluup qinngua |
| FJOIS | Isfjord | Kangerluk ilulialik |
| FJORD | Fjord | Kangerluk |
| FLYPL | Flyveplads | Mittarfik |
| FORBJ | Forbjerg, kap | Kangeq |
| FOREG | Grafitforekomst | Aqerluusassaqarfik |
| FOREK | Kulforekomst | Aamarsuaqarfik |
| FOREV | Vegstensforekomst, fedtstenforekomst | Ukkusissaqarfik |
| Forrådsgrav, forrådshytte | Qimatuliviit | |
| Fos | Qorlortoq | |
| FUGFJ | Fuglefjeld | Timmissat ineqarfiat |
| FÆLDE | Fælde | Pullatit |
| GARNF | Garnfangsted | Qassuserfik |
| GLBO | Gammel boplads, gammelt udsted | Nunaqarfitoqaq |
| GRAV | Grav | Iliveq |
| GRUSK | Gruskegler | Igannaq |
| GRUSR | Grusrovser, grusskred | Ujaraaqqat sisoornerit |
| HAJFI | Hajfiskeplads | Eqalussuarniarfik |
| HALVØ | Halvø | Qeqertaasaq |
| HAVN | Havn, Skibshavn | Umiarsualivik/talittarfik |
| HELAN | Helikopterlandingsplads | Qulimiguulinnut mittarfik |
| HI | Bjørnehi | Apisseq |
| HUL | Hul | Putu |
| HULE | Hule | Qaarusuk |
| HULN | Hulning | Qarajaq |
| Rævehuler | Sisit | |
| HUS | Hus | Illu (piniarfiit + unnuisarfiit) |
| HVÆVL | Hvælvning | Qilaanngusaq |
| HYTTE | Hytte | Illuaraq |
| HØJ | Høj | Qattuneq |
| HØJDR | Højdedrag | Qattuneq |
| HØJLA | Højland | Qatsissoq |
| HØJSA | Sandhøje | Qattuneq sioraasoq |
| INDL | Indløb | Pulammagiaq |
| INDSK | Indskæring | Kangerliumaneq |
| ISA | Isareal | Sermitaq |
| Indlandsis | Sermersuaq | |
| Lamineret is | Seersinneq | |
| ISKAP | Iskappe | Sermeq |
| ISSLE | Isslette | Sermeq maninnersaq |
| ISSØ | Issø | Sermip tasertaa |
| ISTU | Istunge | Sermip iigartartup |
| anillanganera | ||
| KANAL | Kanal | Ikerasaliaq |
| KILDE | Kilde | Puilasoq |
| KILDV | Varme kilde | Puilasoq kissartoq |
| KLINT | Klint | Ippissuaq |
| KLIPP | Klippe | Qaarsoq |
| Klippe udhæng | Qangattaq | |
| KLØFT | Kløft, revne, klipperevne | Qunneq, Qunneraq, Qaqqap qoorua |
| KNOLD | Knold, Knovs | Niaqornaq/tinupattak/tinumaneq |
| KOMM | Kommune | Kommune |
| Kommunegrænse | Kommunit killeqarfiat | |
| KORAL | Koralforsteninger | Ujaranngornerit |
| KORS | Kors | Sanningasoq |
| KRAFT | Kraftværk | Nukissiorfik |
| KYST | Kyst | Sineriak |
| KYSTR | Kyst med ruiner | Sineriak illukulik |
| KÆR | Kær | Taseeraq |
| LAKSF | Laksefangsted | Eqalunniarfik |
| Landbrugsareal | Narsaatit | |
| LANDA | Landareal | Nunaminertaq |
| Landegrænse | Naalagaaffiup killeqarfia | |
| Landevej | Nunaannaap aqquserna | |
| LANDI | Landingsted, færgested | Mittarfik, talittarfik |
| LANDS | Landsdel | Nunap immikkoortua |
| Landsdelsgrænse | Nunap immikkoortuata killeqarfia | |
| LAVN | Lavning | Naqerloq |
| Læhytte | Illuaraq oqqiffik | |
| LØB | Løb | Aqqut |
| MINE | Mine | Aatsitassarsiorfik |
| MINEB | Blymine | Aqerlussarsiorfik |
| MINEK | Kulmine | Aamarsuarsiorfik |
| MINEM | Marmorbrud | Marmorimik piiaaffik |
| MINEÅ | Åben mine, brud | Aatsitassarsiorfik ammasoq |
| MORÆN | Moræne | Tarsarneq |
| MOSE | Mose, kær | Masarsuk |
| MUND | Munding | Kangerluup paava/kuup akua |
| NEDBA | Nedlagt amerikansk mine | Amerikamiut saffiugassanik piiaaffikuat |
| NEDBO | Nedlagt udsted, nedlagt bygd | Nunaqarfiusimasoq |
| NEDBY | Nedlagt by | Illoqarfiusimasoq |
| NEDKØ | Nedkørsel | Aqqartarfik |
| NOR | Nor | Kangerliumaneq paakitsoq |
| NUNAT | NUNATAK | Nunataq |
| NÆS | Næs | Nuuk |
| NÆSBR | Næs med bratning | Nuuk qilluarissoq |
| NÆSFA | Næs med fangsthytte | Nuuk [piniariarfik] illuaralik |
| NÆSHU | Næs med hule | Nuuk qaarusulik |
| NÆSR | Næs med ruin | Nuuk illukulik |
| NÆSTP | Næs med teltplads | Nuuk tuperfilik |
| NÆSVI | Næs med vig | Nuuk kangerliumanilik |
| NÆSØ | Næs og ø | Nuuk qeqertalik |
| ODDE | Odde | Nuggersimaneq |
| OPHAL | Ophaling, bedding | Amutsivik |
| OPK | Opkørsel | Qaqiffik |
| OPSTI | Opstigningssted | Majoriaq |
| OVERB | Overbæringssted | Maqiffik |
| OVERG | Overgangssted | Maqqaq |
| PAS | Pas | Itinneq/itilleq |
| Plantage | Naatitsivik | |
| PLATU | Plateau | Natsinnaq |
| POHYT | Posthytte | Paartut/allakkisartut illuaraat |
| PYNT | Pynt | Nuunnguaq |
| Ramsar (vådeland) | Timmissat iffiat | |
| RASTE | Rasteplads | Ikorsimmavik |
| RED | Red | Kisarfiusinnaasoq |
| RENOM | Rensdyrområde | Tuttoqarfik |
| ROVS | Rovs, skred | Nunap sisunera |
| RUIN | Ruin | Illukoq |
| RUINE | Eskimosik ruin | Inuit illukuat |
| RUINK | Kirkeruin | Oqaluffikoq |
| RUINN | Nordboruin | Qallunaatsiaat illukuat |
| RUNDI | Runding | Qaarajunneq |
| RUTE | Rute | Aqqut |
| RÆHU | Rævehuler | Sisit |
| SEJLL | Sejlløb | Imaatigut aqqut |
| SKISP | Skisportssted | Sisorariartarfik |
| SKOVA | Skovareal | Orpeqarfik |
| SKRÆNT | Skrænt | Ippik |
| SKRÆL | Lerskrænt | Kuimaneq marraasoq |
| SKRÅN | Skråning | Sivinganeq |
| SKYDE | Skydeskjul | Qammavik |
| SKÆR | Skær | Ikkarluk (ikkarluit) |
| SLET | Slette | Narsaq |
| SLETL | lerslette | Narsaamaneq marraasoq |
| SLETR | Slette med ruiner | Narsaq illukulik |
| SLUGT | Slugt | Qunneq |
| SLÆOP | Slædeopkørsel | Qimussimik majuariaq |
| SLÆVE | Slædevej | Qimussit aqqutaat |
| SNEFA | Snefane | Apusineq |
| SNEKL | Sneklat | Aputitaq |
| SNEKU | Snekuppel | Apussarinneq |
| SNÆVR | Snævring, indsnævring | Qoornoq |
| SOMPL | Sommerplads | Aasivik |
| STAMN | Tidligere norsk vejrstation | Norgimiut silasiorfikuat |
| STAT | Station | Station |
| STATF | Forsøgstation | Misileraavik |
| STATM | Vejrstation, meteorologisk station | Silasiorfik |
| STATN | Nedlagt station | Silasiorfikoq |
| STATR | Radiostation | Radioqarfik |
| STATV | Videnskabelig station | Ilisimatuutut sullivik |
| STEN | Sten | Ujarak/ujaqqat |
| STENO | Obstablede sten | Ujaqqat qaleriissaakkat |
| STENR | Stenrovser, stenskred | Sisuat |
| STRIB | Stribe i fjeldet | Nunngarut |
| Nedfaldne sten | Qerrut | |
| STRND | Strand | Sissaq |
| STRÆD | Stræde | Ikerasak |
| STRØM | Strømsted | Sarfaq |
| SUND | Sund | Ikerasak |
| SÆNKN | Sænkning | Naqinneq |
| SØ | Sø | Taseq |
| SØAFV | Afvandingssø, smeltavandssø | Sermip taseqqernera |
| SØBRA | Brakvandssø | Taseq tarajorniartoq |
| SØER | Søer | Tatsit |
| SØSAL | Saltsø | Taseq tarajornitsoq |
| SØUDL | Udløber af sø | Tatsip avaleqqua |
| SØÅR | Årstidssø | Taseq paqqertartoq |
| Udtømningssø | Taseq qaartartoq | |
| TANGE | Tange, tunge | Ipiutaq |
| TEGN | Tegning af klippen | Qaarsup allai |
| TELTP | Teltplads | Tupeqarfik |
| TELTR | Teltringe | Tupeqarfikoq |
| TERRA | Terrasser | Tininnerusat/illernat |
| TINDE | Tinde | Inngik |
| TOP | Top | Nooq |
| Tunnel | Sulluliaq | |
| TVL | Tørt ved lavvande | Tinuguttartoq |
| VANDA | Vandareal, hav | Imartaq |
| VANDF | Vandfald | Qorlortoq |
| VANDS | Vandskel | Kuuit aariaat |
| VARDE | Varde | Inussuk |
| Vardesystemer | Naleqqat | |
| VIG | Vig | Eqik |
| VRAG | Vrag | Umiiarneq |
| Ø | Ø | Qeqertaq |
| ØDEL | Del af ø | Qeqertap ilaa |
| ØER | Øer | Qeqertat |
| ØGR | Øgruppe | Qeqertat eqimattat |
| ØR | Ø med ruin | Qeqertaq illukulik |
- pillugu –
Geodatastyrelsip Asiaq GEUS-ilu suleqatigalugit nunap assiliornerannut tunngatillugu tusarniaanerat Nunat Aqqinik Aalajangiisartut eqqartorpaat. Nunat Aqqinik Aalajangiisartut eqqartuereernerminni tusarniaasunut akissutiginiagaat ataani takuneqarsinnaapput:
-
- Geodatastyrelsip nunap assiliornerata aqunneqarneranut Nunat Aqqinik Aalajangiisartut peqataasariaqaraluarnertik oqaatigivaat, nunat aqqi akuerisat Oqaasileriffimmiimmata.
- Kalaallit Nunaanni inussulioriaatsit assigiinngitsuummata portussusaat apeqqutaatinnagu inussuit pingaarutilittut inissisimasut nunap assingini ilaatinneqartariaqartut Nunat Aqqinik Aalajangiisartut isummersorput. Inussuit naleqqatut atorneqartartut kalaallit kulturiinut attuumassuteqarlutik pingaaruteqarmata nunap assingini ilaatinneqartariaqartut naqissusiipput. Tusarniaasunullu apuunneqarnissaa aalajangiuppaat.
- Nunat Aqqinik Aalajangiisartut qanganitsat eriagisariallit illersorneqarnissaat pillugit nunap assingini nalunaarsorneqartariaqartut isummerput, soorlu ilivitoqqat allallu kulturimut attuumassuteqartut.
- Nunat Aqqinik Aalajangiisartut eqqartuereernerminni isummerput Kalaallit Nunaanni nuna kialluunniit piginngikkaa erseqqissaatigisariaqartoq. Assersuutitut taavaat aatsitassarsiortut nuna piginngimmassuk erseqqissartariaqartoq, nunamik atuisinnaaneq piginnittuunerlu assigiinngimmata.
- Nunat Aqqinik Aalajangiisartut isumaqarput illuaqqat kikkunnilluunniit unnuiffigineqarsinnaasut nunap assinginiitinneqartariaqartut, illuaqqat angissusii apeqqutaatinnagit.
Kalaallit Nunaanni nunap assiliortussat tusarniaassutaata Nunat Aqqinik Aalajangiisartunit oqaaseqarfigineqarneranut allakkiaq qulaani imaritinneqartut imaritillugit nassiunneqassaaq.
- pillugu –
Stephen Heilmannip Sofie Geislerimut Polaroilimi sulisumut allassimavoq Orsiivik nunap aqqatut pisortatigoortumik atiusoq. Kangerluarsoruseq kangerlummut atiummat, akianilu inoqarfikoq aamma Kangerluarsorutsimik ateqarmat.
UNGEGN-ip nunat aqqi pillugit Puju nalunaarusioqqusimavaat, Nunat Aqqinik Aalajangiisartut siulittaasuat Carl Christian Olsen taama nassuiaavoq. CCO nalunaarusiassaminik allanniarluni ilaasortaaqatiminut nalunaaruteqarpoq.
Carl Chr. Olsen Lisathe M. Kruse
Siulittaasoq Allatsi