Ujarlerit

Nunat Aqqinik Aalajangiisartut 2015 – 4 (gl)

NAA.09.06.15 (gl)

Nunat Aqqinik Aalajangiisartut

marlunngorneq juunip 9-anni 2015-imi Ilimmarfimmi ataatsimiinnerat

 

Peqataasut.: Carl Christian Olsen, Abia Abelsen, Stephen Heilmann aamma Tukummeq Qaavigaq.

Peqataanngitsut: Karl Møller , angalanini pissutigalugu.

Allatsi: Lisathe Møller Kruse

 

Oqaluuserisat makkuupput:

  1. Tikilluaqqusineq ilisimatitsissutillu
  2. Imaqarniliap akuerisassatut saqqummiunnera (apriilip 22-anni 2015-imi ataatsimiinnermit imaqarniliaq)
  3. Suussutsinut nalunaarsuutit kalaallisut misissoqqinneri paasisitsiniutiginissaallu
  4. Illoqarfiit nunaqarfiillu aqqi akuerisat
  5. Google atorlugu nalunaarsuinerit pillugit nassuiaatit
  6. Asiap aamma Nunami Namminermi Naalakkersuisoqarfiup, Geodatastyrelsip Mærskip aningaasaligaannik suliniutaata ingerlaneranut nassuiaat
  7. Taasariaqartut allat

 

  1. pillugu –

Ataatsimiinnerup aallartinnerani Nunat Aqqinik Aalajangiisartunut siulittaasoq CCO tikilluaqqusivoq.

 

  1. pillugu –

Apriilip 22-anni 2015-imi ataatsimiinnermit imaqarniliaq akuerineqarpoq.

 

  1. pillugu –

Nunat Aqqinik Aalajangiisartut suussutsinut nalunaarsugaatit kalaallisoortaat misissorpaat, naammassingajaleraluarlutik suli nalilersugassanik peqalaarmat.

Suussutsinut nalunaarsugaatit 252-inik suussutsinik imaqarput, taakkulu siornatigut qallunaatuinnaq allaqqagaluartut kalaallisoortaqalersillugit suliarineqarlutik piariingajalerput.

Nunat aqqisa suussusiisa ilaat assigiingajaqqinnaanik isumaqartut qanoq pineqarumaarnersut pillugit NAA-mi ilaasortat eqqartuipput, soorlu nunap aqqata suussusii FJELD SPIDS aamma TINDE, SKRÅNING aamma FJELDSKRÅNING qanoq pineqarumaarnersut  eqqartorlugit . NAA-mi ilaasortat eqqartuereerlutik aalajangerput nunat aqqisa suussusii nalunaarsukkamiittut allanngortinnagit taamaatsiinnarlugit allanngortinneqassanngitsut.

Nunat aqqinik nalunaarsuinermi nunat aqqi ilaatigut suussusilersorniarnissaat nalorninarsinnaasarpoq, amigaateqalaarneri pissutigalugit. Nunat aqqisa suussusii nunat aqqisa suussutsinut nalunaarsuiffianiinngitsut Nunat Aqqinik Aalajangiisartunit ilanngutsinneqartut ukuupput;

 

Suussuseq qallunaatut Suussuseq kalaallisut Naalisarnera
UR Qerrut UR
Skyggeside Alanngoq SKYSI
Solside Saqqaq SOLSI

 

  1. pillugu –

Kalaallit Nunaanni illoqarfiit nunaqarfiillu aqqisa allattorsimaffiat Nunat Aqqinik Aalajangiisartunit misissorneqartut naammassingajalersut eqqartorneqarput. Annerusumik eqqartorneqarluni nunaqarfik qanoq paasisariaqavinnersoq. Ilaatigut eqqartorneqarpoq nunaqarfik tassaasartoq tunitsivilik, ameerniarfilik aamma pisiniarfilik, aamma nunaqarfik tassaasoq inoqarfik pisortanit sullissivigineqarpoq. Eqqaaneqarportaaq inoqarfik nunaqarfittut isigineqassaguni atuarfeqarluni, oqaluffeqarluni kiisalu pisiniarfeqassanersoq. Inoqarfiit qulaani taaneqartunik pilersuiffigineqanngitsut  siornatigut asimioqarfinnik taaneqartarnikuusimagaluartut ullumikkut taaguut taanna atorneerunnikuuvoq inoqarfiit taaguuteqartinneqartut tassaaginnalersimallutik illoqarfiit nunaqarfiillu.

Qulaani taaneqartut KANUKOKA-mut eqqartugassanngortinneqassapput, taakkuummata maanna suliamut tassunga soqutiginnillutik suleqataasut. Rigsombud ilanngullugu allaffigineqarnissaat Nunat Aqqinik Aalajangiisartut siunniupaat, stationit nunaqarfiillu pillugit ilisimasaqarmata.  Kommuneqarfinnilu aningaasaqarnermut ataatsimiititaliat pineqartut pillugit allaffigalugit paasiniaaffigineqarnissaat Nunat Aqqinik Aalajangiisartut aalajangerpaat.

 

  1. pillugu –

Google-mit Asiakkoorlugu saaffigineqarsimaneq tunngavigalugu Nunat Aqqinik Aalajangiisartut eqqartoreerlugu aalajangerpaat nalunaarsugaatit illersorneqarsinnaaneranut tunngatillugu Nunat Aqqinik Aalajangiisartut allattaat misissuissasoq.

 

  1. pillugu –

 

Carl Chr. Olsen             Lisathe M. Kruse

Siulittaasoq                                Allatsi