Nunat Aqqinik Aalajangiisartut
ataasinngorneq apriilip aqqarnganni 2016-imi Ilimmarfimmi ataatsimiinnerat
Peqataasut.: Karl Elias Olsen, Bolatta Vahl, Jens Danielsen (oqarasuaatikkut malinnaavoq), Kirstine Kreutzmann.
Peqataanngitsut: Marianne Petersen feeriarluni angalanini pissutigalugu.
Allatsi: Lisathe Møller Kruse
Oqaluuserisat makkuupput:
- Atuakkami siuleqatussuagut angakkuligartalissuarmi nunat aqqi pillugit Karl Elias Olsenip oqaatigiumasai
- Kangaamiut eqqaanni nunat aqqi nalunaarsorlugit katersukkat
- Inoqarfiit agguataarneri taaguutaalu eqqartorlugit naliliiffigineri. Nuna Tamakkerlugu Pilersaarusiortarnermut Immikkoortortaqarfiup saaffiginnissutaa
- Taasariaqartut allat
- pillugu –
Atuakkami Siuleqatussuagut angakkuligartalissuarmi nunat aqqi pillugit Karl Elias Olsenip oqaatigiumasai Nunat Aqqinik Aalajangiisartunit eqqartorneqarput. Karl Elias Olsenip siunnersuutigivaa atuagaq pineqartoq Nunat Aqqinik Aalajangiisartunit Oqaasiliortunillu ataatsimut eqqartorneqartariaqartoq. Taamatut siunnersuuteqarnerminut peqqutigivaa atuagaq oqaatsinik allanartunik paasiuminaatsunillu ilaqartitermat, kiisalu nunat aqqi ilumut eqqortut atorsimanerai paaserusunnarmat.
Bolatta Vahlip isumaqatiginngilaa atuakkami imarineqartut oqaatsit nunallu aqqi ataatsimut sammineqarnissai, siunnersuutigalugulu nunat aqqi immikkut oqaatsillu immikkut eqqartorneqarlunillu naliliivigineqartariaqartut.
Nunat Aqqinik Aalajangiisartut eqqartuingaatsiareerlutik aalajangerpaat nunat aqqi atuakkamiittut pillugit NAA-mi ilaasortat tulliani ataatsimiilerunik eqqartuissasut, oqaatsillu eqqumiiginartut Karl Elias Olsenip apeqqusernatillugit paaserusutai qaqinneqassasut Oqaasiliortunut ingerlateqqitassatut.
NAA-mi ilaasortat siunnersuutigivaat atuakkamik Siuleqatussuagut angakkuligartalissuarmik pisissunneqarnissartik. NAA-mi allatsip Oqaasileriffiup ningiuanut paasiniaassalluni neriorsuivoq.
- pillugu –
Kangaamiut eqqaanni nunat aqqi marsip ingerlanerani Kirstine Kreutzmannimit nalunaarsorneqarlutillu katersorneqarsimasut eqqartorneqarput.
Nunat aqqi nunat aqqinik nalunaarsuiffimmi suli nalunaarsugaatigineqalersimanngitsut Kirstinemit katersorneqarlutik nalunaarsugaatigineqaleqqammersut Nunallu Aqqinik Aalajangiisartunit akuerineqartut ataani takuneqarsinnaapput:
| Ny_grønlandsk | Genstand | Kilde | Kommune | Oprettelsesdato | Senest_rettet |
| Aallaaniarfik | SUND | Barnabas Larsen | Maniitsoq | 20160326 | 20160326 |
| Ammaqqoq | SUND | Barnabas Larsen | Maniitsoq | 20160331 | 20160331 |
| Aarsinaaliorfik | FJESÅ | Barnabas Larsen | Maniitsoq | 20160331 | 20160331 |
| Miagguu | FJOB | Barnabas Larsen | Maniitsoq | 20160331 | 20160331 |
| Tuttutooq | LANDA | Samuel Kreutzmann | Maniitsoq | 20160402 | 20160402 |
| Timaa | BUGT | Samuel Kreutzmann | Maniitsoq | 20160402 | 20160402 |
| Halmap Ikkarliffia | SLET | Samuel Kreutzmann | Maniitsoq | 20160402 | 20160402 |
| Tissernajuitsup Sermia | BRÆ | Samuel Kreutzmann | Maniitsoq | 20160402 | 20160402 |
| Kuussuup Kitaatungeralaa | KYST | Barnabas Larsen | Maniitsoq | 20160402 | 20160402 |
| Qaqqatsaap Kangia | KYST | Barnabas Larsen | Maniitsoq | 20160402 | 20160402 |
| Nuuk Qaqortoq | NÆS | Barnabas Larsen | Maniitsoq | 20160402 | 20160402 |
| Naqinneq | ELVMU | Samuel Kreutzmann | Maniitsoq | 20160402 | 20160402 |
| Ammalortoq | SØ | Barnabas Larsen | Maniitsoq | 20160402 | 20160402 |
| Naqinnerata Tasia | SØ | Sisimiut | 20160402 | 20160402 | |
| Tasia | SØ | SK | Sisimiut | 20160402 | 20160402 |
Nunat aqqi nunat aqqinik nalunaarsuiffimmi nalunaarsugaatigineqareersut nunallu aqqinik ilisimasalimmit naqqiissutigineqartut Nunat Aqqinik Aalajangiisartunit allannguutaat akuerineqarput. Allannguutit akuersissutigineqartut ataani takuneqarsinnaapput:
| Ny_grønlandsk | Akuerisatut
atuutsinneqalersoq |
Genstand |
| Iviit, Ivissuit | Ivissuit | LANDA, NÆS |
| Assaat (EO), Assat (Kang. avis), Assaat (BL) | Assaat | PYNT, TELTP |
| Qerrortusup Karrarleralaa (Kang. avis, EO), Qarraleralaa | Qerrortusup Karrarleralaa | Ø |
| Qerrortusup Saqqarleralaa (EO), Saqqarleralaa (BL) | Qerrortusup Saqqarleralaa | Ø |
| Itilleq, Itissaaq (Kang. avis+SK) | Itissaaq | BUGT |
| Tatsip Panersiivia (K), Tatsip Ataata Panersiivia (SK) | Tatsip Ataata Panersiivia | NÆS |
| Isersiugaatsiaat (EO), Isersiugaatsaat (SK) | Isersiugaatsaat | NÆS |
| Naqinnera, Nakkajangap Naqinnera (kang. avis), Nak | Nakajangap Naqinnera | DAL |
| Nakkajanga, Nakajanga (Kang. Avis+EO) | Nakajanga | DAL |
| Sallinngua, Saarlunngua | Saarlunngua | Ø |
| Tarniliisortoq(K), Tarniliisartoq (SK) | Tarniliisartoq | ELV |
| Igimassap Kangerlussuatsiaa (K), Igimassap kangerlua (SK) | Igimassap Kangerlua | FJORD |
| Qeqertaasap Tunua (EO), Kangerluk (SK) | Kangerluk | VIG |
| Qogaat, Qoqaat (Kang. avis, EO) | Qoqaat | FJOB |
| Sarfartuup Nuussua, Sarfartup Nuussua (Kang. avis), Nuussuaq (SK) | Sarfartup Nuussua | NÆS |
| Qeqertat Killiit (EO), Issingasut (BL) | Issingasut | Ø |
| Narsap Kuua (EO), Kuussuaq (BL) | Kuussuaq | ELV |
| Saattuatsiaat (EO), Saattuatsaat (BL) | Saattuatsaat | Ø |
Nunat aqqi nunat aqqinik ilisimasalimmit upernaaq manna Kirstinep Kangaamiuniinnerani naqqiissutigineqarsimasut Nunat Aqqinik Aalajangiisartulli aalajangiivigineqanngikkallartut ataani takuneqarsinnaapput:
| Ny_grønlandsk | Apeqqutigineqartussat | Genstand |
| Inussullaat, Inussullaat (Kang. avis), Inussullat | Uppernarsatissaaq sorliunersoq paasiniarlugu. | ØER |
| Tinuteqisaap Nunaa, Nunarsuaq (Kang. avis, EO) Tinitoqisaaq (SK) | Tinitoqisaajusimappat qanoq isumaqarnersoq paasiniarneqassaaq. | Ø |
| Qallunnguit (K), Qallunngit (SK) | Sorleq eqqornersoq paasiniarneqassaaq, Qallunngillu qanoq isumaqarnersoq. | DIAB |
| Narsaatsialik (EO), Narsatsaalik (BL) | Sorleq eqqornersoq paasiniarneqassaaq, kiisalu Narsatsaaliunersoq Narsaatsaaliunersorluunniit paasiniarneqassalluni. | KYST |
| Naanngisat, Naangissat | Sorleq eqqornersoq paasiniarneqassaaq, qanorlu isumaqarnersoq. | KYST?, Ø |
| Kangingusaata Nuua (EO), Kanginnguusaa (Kang. avis+SM | Sorleq eqqornersoq paasiniarneqassaaq. Qaqqaq nuuttaatalu aqqi sorliunersut paasiniarneqassapput. | NÆS |
Ilanngullugu Oqaasileriffiup ningiuanut apeqqutigineqassaaq Jens Kreutzmannip atuakkiaa Fortællinger og akvariller Oqaasileriffiup pisiarisinnaannginneraa. Kangaamiut eqqaanni nunat aqqisa oqaluttuassartaat tassaniimmata pigineqartariaqartoq Nunat Aqqinik Aalajangiisartut isumaqarput.
- pillugu –
Namminersorlutik Oqartussat allaffeqarfiisa ilaata Nuna Tamakkerlugu Pilersaarusiornermut Immikkoortortaqarfiup saaffiginnissutigaa Kalaallit Nunaanni inoqarfiit agguataarnerisa taaguutissaannut tunngasoq.
Nunat Aqqinik Aalajangisartut ataatsimiinnginneranni Oqaasileriffik siunnersuutaasinnaasumik suliaqarpoq. Nunat Aqqinik Aalajangisartut eqqartuereerlutik aalajangerpaat suliassaq suli misissugassartaqangaatsiarmat uani ataatsimiinnermi aalajangiivigisinnaanagu. Tulliani ataatsimiinnissaannut maajip pingajuata tungaanut piareersarneq ingerlanneqassaaq, ataatsimiinnermilu tassani aalajangiivigineqassalluni.
- pillugu –
Aalajangiunneqarpoq NAA-mi ilaasortat tulliani maajip pingajuanni kl. 10 ataatsimiikkumaarlutik.
Karl Elias Olsen Lisathe M. Kruse
Siulittaasoq Allatsi