Nunat Aqqinik Aalajangiisartut
sisamanngorneq aggustip 17-anni 2017-imi Ilimmarfimmi ataatsimiinnerat
Peqataasut.: Kirstine Kreutzmann, Marianne Petersen, Niels Henrik Lynge.
Oqarasuaatikkut malinnaasoq: Jens Danielsen.
Peqataanngitsoq: Karl Elias Olsen
Allatsi: Lisathe Møller Kruse
Oqaluuserisat makkuupput:
- Ullormut oqaluuserisassat akuerineqarnerat
- Kingullermik ataatsimiinnermit imaqarniliap akuerineqarnera
- Siulittaasumit allattoqarfimmillu ilisimatitsissutit
- Aalajangiiffigisassat oqaluuserinerat
- NASA-mit saaffiginnissut
- Jan Løvep tunumi Schweizerlandimiittut nunat aqqi pillugit saaffiginnissutai
- Suliat allat pillugit ilisimatitsissutit
- pillugu –
Oqaluuserisassat Nunat Aqqinik Aalajangiisartunit akuerineqarput.
- pillugu –
Apriilip pingajuanni 2017-imi ataatsimiinnermit imaqarniliaq akuerineqanngikkallarpoq, imaqarniliaq atuareerunikku aatsaat oqaaseqarfigissallugu pitsaanerutikkamikku.
- pillugu –
Allattoqarfimmeersumit Nunat Aqqinik Aalajangiisartut allattaannit LMK-mit ilisimatitsissutit marluk ilisimatitsissutigineqarput. Aggustip 8-anni 2017-imi allatsip Nunat Aqqinik Aalajangiisartunut ilaasortat emailiannut nassiussani allakkiaq kommuneqarfinnut aqquserngit atserneqartarnerinut tunngasoq qanoq isumaqarfigineraat apeqqutigivaa. Ajorinngimmassuk kommuneqarfinnut nassiussuussassanngortinneqarpoq.
Allatsip ilisimatitsissutigivaa juunimi 2017-imi immap assiliortut Geodatastyrelsimi atorfillit Aalborgimeersut allaffissuani ataatsimeeqatigisimallugit.
- pillugu –
Nunat Aqqinik Aalajangiisartut oqaluuserisassat marluk oqaluuserivaat. NASA-mit saaffiginnissut Kalaallit Nunaata avannaani Sermersuup (Humboldt Gletsjerip) kangianiittoq skålitut isikkulik itersinersuaq angisooq (krater) 36 kilometerinit anginerusoq suli pisortatigoortumik avammut nalunaarutigineqanngitsoq eqqartorpaat. NASA-mi atorfillip siunnersuutigivaa pineqartoq Patersonimik atserneqassasoq, toqqammavilersorlugulu sooq taama atserusunnerlugu. Nunat Aqqinik Aalajangiisartut saaffiginnissut eqqartoreerlugu aalajangiuppaat skålitut isikkulik itersinerujussuaq (krater) atserneqassasoq Paterson Crater.
Jan Løvemik atillip tunumi Schweizerlandimiittut nunat aqqi saaffiginnissutai Nunat Aqqinik Aalajangiisartut eqqartorpaat. Nunat aqqili saaffiginnissutaasut suli iluamik misissuiffigisimannginnamikkit tulliani ataatsimiinnissaminnut eqqartugassanngortippaat.
- pillugu –
Nunat Aqqinik Aalajangiisartut tulliani ataatsimiinnissartik ullormi oktobarip 12-anni 2017-imi marlunuussasoq aalajangerpaat.
Kirstine Olsen Karl Elias Olsen
Siulittaasoq Siulittaasup tullia
Mariane Petersen Jens Danielsen
NAA-mi ilaasortaq NAA-mi ilaasortaq
Niels Henrik Lynge
NAA-mi ilaasortaq