Oqaasiliortut 2017 – 6

OQAA – 261017 (gl)

Oqaasiliortut ataatsimiinnerannit imaqarniliaq

Sumiiffik: Ilimmarfik – lokale 5
Ulloq: 26.10.2017
Nalunaaqutaq: 10:00 – 15:00
Peqataasut: Mette L. Lyberth, Mariia Simonsen, Juaaka Lyberth, Niels-Henrik Lynge (Jens Danielsen peqataasinnaanani nalunaarpoq)
Oqaasileriffimmit peqataasut: Katti Frederiksen aamma Maren L. Brandt
Allatsi: Camilla Kleemann-Andersen
Ataatsimiinnerup normua: 06-17
  • Oqaluuserisassat
  1. Oqaluuserisassat akuerineqarnerat
  2. Kingullermik ataatsimiinnermit imaqarniliap akuerineqarnera
  3. Oqaasileriffimmit ilisimatitsissutit
  4. Aternik akuersisarnermut najoqqutassat
  5. Atertut qinnutigineqartut:
    5.1. Dutti, Duuti
  6. Oqaasersiat taarserlugit oqaasiliorneq:
    6.1. Faglæsning
    6.2. Kalaallisut aamma dansk i Grønland (Inerisaavik)
    6.3. Tilhold
  7. Taasariaqartut allat
    7.1. Ataatsimeeqqinnissamut ulluliineq
    7.2. Killiffimmik ilisimatitsineq (Oqaasersiat taarserlugit oqaasiliorneq)
    7.3. Ilaasortanit taasariaqartut allat

 

Imaqarniliaq

  1. Oqaluuserisassat akuerineqarput.
  2. Kingullermik ataatsimiinnermit imaqarniliaq: Imm. 4 qupp. 3-mi titarnertaat sisamaat erseqqissarneqassaaq Tunumiutut aterni d akuerineqarsinnaalersoq Avanersuarmilu atiini h atorneqarsinnaalerluni, taamaalillunilu ateq Iddimanngiiu itigartinneqarsimagaluartoq akuersissutigineqartoq.
  3. Oqaasileriffimmit ilisimatitsissutit: Bilagitut ilaapput. Apeqqutit tunngavigalugit makku erseqqissaatigineqarput: Oqaatsinik kiffiartuussivissamut aningaasaliissutit sulisunut marlunnut amerlineqassasut aningaasanut inatsisissami siunnersuutigineqarsimavoq. Atorfinittussat suliassaannut tunngasunik erseqqissaateqaqqullugu Naalakkersuisoqarfik saaffigineqarsimavoq. Kukkuniiaatip nutarternera upernaarli uninngavoq suliassat allat pissutigalugit. Oqaasiliortut neriupput ukiumi nutaami nanginneqarsinnaajumaartut. Demokratip, folkestyrep forfatningillu taaguutaasa Namminersornermut Isumalioqatigiissutip saaffiginnissutai oqaasertalersorneqareerpata Oqaasiliortunut apuunneqarumaarput.
  4. Aternik akuersisarnermut najoqqutassat
    4.1. Aternik akuersisarnermut najoqqutassatut siunnersuutit ataatsimiinnissap tullissaanut
    Atsersuinermi innersuutit 2016-meersut nassuiaatitaat oqaasertaallu ilaneqassapput. Immikkoortumi siullermi allattaatsit malittarisassaasa malinnneqarnissaannut innersuussumi sumiorpaluutinut tunngasoq erseqqissarneqassaaq Tunumiut Avanersuarmiullu sumiorpaluutaanni h, d-lu  aterni ilaasinnaalersut.
    Innersuussutini qallunaat atiini kalaalinngorsakkani assersuutitut Broa Søstalu ilanngunneqassapput.
    Taaguutit upperisarsiornermut tunngasut inniminartutut ilanngunneqassapput, soorlu serrat, inuuneq assigisaallu.(Taanna imaqarinaliami kingullermi iluasiinnassaaq).

    5.1
    Atissatut qinnutigineqartut marluk Dutti Duutilu akuerineqanngillat. Tuuti siornatigut tassunga taarsiullugu akuerineqareermat aalajangiusimaneqarpoq. Aqqit taakku akuerineqannginnerannut allattaatsit malinneqarnissaannik innersuussut tunngavigineqarpoq.

    6.1
    Ilinniusiorfiup  suliakkiissutai nanginneqarput.
    Kingullermik akuerineqartoq allanngortinneqarpoq:  et bogstav-lyd kendskab: naqinnermik nipaanillu ilisimasaqarneq

    Læseindstilling: atuarnissamut piareersimassuseq
    Forhåndsviden: ilisimariikkat
    Emnekendskab: sammisamik ilisimasaqarneq
    Aktiv læseindstilling: atuarnissamut piareeqqaneq
    Førlæsestrategi: atualinnginnermi iliuuseqarneq
    Under-læsnings-aktivitet: atuarnerup nalaani iliuuseqarneq
    Problemorienterede: ajornartorsiummik isiginiagalik
    Metakognitiv effekt: imminut ilisimaarinerup sunniutaa
    Efter-læsnings-aktivitet: atuareernermi iliuuseqarneq
    Danne indre billeder: qamuuna assilianngortitsineq
    Fag-faglige ord: oqaaseq atuartitsissummut tunngasoq
    Før-faglige ord: oqaatsit qaqutigoortut

    6.2
    Kalaallisut aamma dansk i Grønland Ilinniusiorfimmit suliakkiissutigineqartut (maanna: Ilinniartitaanermut Aqutsisoqarfik)

    Taaguutit ilaat akuerisaneereerput, taamaattoq allanngortilaarlugit akuerineqarput  taaguutit ilaat tulluukkunnaartarmata allamullu sammisap iluani taaguutitut naleqqunnerusinnaasarlutik.

    Biografi: inummik oqaluttuarinninneq (Oqaasiliortut 30.04.12-mi akuerisaat allanngortinneqarpoq, allaaserinninneq “skriftlig fremstilling”-imut tunngatinneqartarmat, paatsoortitsisinnaammat) JL isumaqataanngilaq.
    Erindringslitteratur: eqqaamasalersaarut
    Selvbiografi: imminut oqaluttuarineq (Oqaasiliortut 30.04.12 akuereris, imminut allaaserinninneq, taamaalilluni allanngortinneqarpoq)
    Selvbiografisk roman: imminut oqaluttuaraluni atuakkiaq. Takisuuliaq “roman”-imut taaguutigitinneqaraluartoq uani atuakkiaatorneqarpoq)
    Traumelitteratur: kingunerlutsitsinermi atuakkiaq
    Det fortællende jeg: oqalualaartuusunga (oqalualaarnermik taanerani tunngavigineqarpoq nassuiaatitaani “fortolkning”, tassa inuup nammineq qalipaasersuisinnaanini atorlugu immaqalu ilaartorsinnaallugu oqaluttuarnera tunngavigineqarpoq).
    Det fortalte jeg: oqaluttuartuusunga
    Reportage: pisuniilluni tusagassiaq
    Anmeldelser: saqqummersumik naliliineq (Oqaasiliortut 2012-imi akuereriigaat attatiinnarneqarpoq)
    Adjektiver: qallunaat grammatikkiat pineqartillugu “pissusilerissut” tulluuppoq, kalaallisulli oqaasilerinermi “taggisinut taliguttut” naleqqunneruvoq.
    Den dybdeborende dokumentar: pisimasulersaarut itisiliisoq
    Den observerende dokumentar: oqaasertalersugaanngitsumik pisimasulersaarneq
    Den deltagende dokumentar: peqataajutigaluni pisimasulersaarneq
    Den poetiske dokumentar: taalliortorpalaartumik/anersaaqarpalaartumik pisimasulersaarneq
    Den dramatiserende dokumentar: pissanganarsaakkamik pisimasulersaarneq
    Reallyd: nipitavik
    Asynkronlyd: nipitaliussaq
    Dramaturgi: pissanganarsaarineq

    6.3
    Rigsombudeqarfimmit suliakkiissutigineqartoq  “Tilhold” tulliani ataatsimiinnissamut kinguartinneqarpoq.

 

  1. Taasariaqartut allat
    7.1. Ataatsimiiffissamik ulluliineq:
    Ataatsimiiffissaq tulleq: Sap.akunnera 48-mi.

 

Oqaasiliortut siulittaasuat                                          Allatsi

Mariia Simonsen                 Camilla Kleemann-Andersen