Ujarlerit

Nunat Aqqinik Aalajangiisartut 2018 – 3 (gl)

NAA.05.10.18 (gl)

Nunat Aqqinik Aalajangiisartut

tallimanngornermi oktobarip 5-anni 2018-imi Ilimmarfimmi ataatsimiinnerat

 

Peqataasut: Aviaaja Rosing Jakobsen, Eva Mätler

Skypikkut: Johannes Rosing (Uju) peqataavoq.

Telefonikkut: Niels Lorentzen peqataavoq.

Allatsi: Lisathe Møller

 

Oqaluuserisat makkuupput:

  1. Ullormut oqaluuserisassat akuerineqarnerat
  2. Kingullermik ataatsimiinnermit imaqarniliap akuerineqarnera
  3. Siulittaasumit allattoqarfimmillu ilisimatitsissutit
  4. Ilaasortat siunnersuutaasa suliarineqarnerat
  5. Suliat aalajangiiffigisassat oqaluuserinerat
    1. Nunat Aqqinik Aalajangiisartut Narsarmijit allattaaseq malillugu Oqaasiliortut akuerisinnaaneraat saaffiginnissutigineqassaaq
    2. P.Møller projektip nunatsinni nunap assiliorniarnera
    3. Nunat aqqinik ilisimasalik Angutinnguaq Olsen peqatigalugu nunat aqqi nalunaarsukkat marluk akuerititassat,
      • Ikorfiit Tasiat nuuppoq Jørgen Inuusuttoq malillugu, Ikorfiit Tasiat siulleq allamik ateqarnersoq misissussavara.
      • Tasersuattaap Kangiatungaani Aasivissuit misissussavara avannamut kangimut nuuaniikkami.
      • Atanaarsuup taserujussuup Atanaarsuk aterivinneraa misissussaaq.
  1. Nunat aqqinik ilisimasalik Johannes Rosing (Uju) peqatigalugu nunat aqqi nalunaarsukkat akuerititassat
  2. Nunat Aqqinik Aalajangiisartut tunaartaqarluni iliuusissanik pilersaarusiorneq (strategi)
  3. Kangerlussuaq Gletsjer Kangersertuaq Gletsjerinngussava?
  4. Suliassat nunat aqqinut tunngasut aningaasanik nalillit suliarisariallit aningaasassaqartinniarnissaat
  5. Suliat allat pillugit ilisimatitsissutit

 

  1. pillugu –

Oqaluuserisassat Nunat Aqqinik Aalajangiisartunit akuerineqarput.

  1. pillugu –

Septembarip 21-anni 2018-imi ataatsimiinnermit imaqarniliaq akuerineqarpoq.

  1. pillugu –

Allattoqarfimmit ilisimatitsissutigineqarpoq Lisathe Møller Bruxellessimut nunat aqqinik nalunaarsuilluni katersisimaneq pillugu ataasinngorpat saqqummiiartussasoq.

  1. pillugu –

Eqqartugassaqanngilaq.

  1. pillugu –

Suliat aalajangiiffigisassat Nunat Aqqinik Aalajangiisartunit ataani allaqqasut oqaluuserineqarput:

  1. Nunat Aqqinik Aalajangiisartut nunaqarfiup aqqata pisortatigoortumik sumiorpaluutaannut taasisarnerattut naleqqussarlugu ateqalersinnissaa pillugu Oqaasiliortunut saaffiginnissutigineqassasoq aalajangiunneqarpoq. Narsaq Kujalliujunnaarsillugu Narsarmijinik pisortatigoortumik ateqalersinnissaa Nunat Aqqinik Aalajangiisartut naleqquttutut isigivaat.Nunat Aqqinik Aalajangiisartut isumaqarput sumiorpaluutaannut Narsarmijit naleqqussagaammat Oqaasiliortunit allanneqarnera taamaatsillugu akuerineqarumaarpoq. Nunaqarfiup aqqata naanerani naqinnerit i-t kingulliit marluk assigiinngitsunik nipeqarnerat ersarimmat, tamanna pillugu taassuma aqqup akornanni naqinneq j ilaasinnaassasoq Nunat Aqqinik Aalajangiisartut isumaqarput.Ukiuni kingulliunerusuni Nunat Aqqinik Aalajangiisartuusimasut illoqarfiit nunaqarfiillu sumiorpaluutaannut naleqqussarlugit atuuttussanngortitsisarput, assersuutitut uani taaneqarsinnaavoq pisortatigoortumik Illoqqortoormiut Ittoqqortoormiinngortinneqartoq. Maluginiarneqassaaq Ittoqqortoormiit taaneqarnerani naqinnerit i-t marluk sumiorpaluutaattut assigiimmik taaneqartarnerat maliinnarlugu taama ateqartussatut pisortatigoortumik ateqartussanngortinneqarsimammat. Sumiorpaluutit Ittoqqortoormiini Narsarmijinilu assigiinngitsuummata naaneri assigiissaanngikkaluarlugit sumiorpaluutaannut naleqqussarneqassasut Nunat Aqqinik Aalajangiisartut isumaqarput.Ukiorpaalunnguit matuma siorna Tunumi nunaqarfik sumiorpaluutaannut naleqqussarlugu pisortatigoortumik Tiniteqilaajujunaarluni Tiilerilaanngortinneqarpoq, kiisalu Tasiilap kitaaniittoq nunaqarfik Isortoq sumiorpaluutaannut naleqqussarlugu Isertunngortinneqarluni.1993-mi Nunat Aqqinik Aalajangiisartut Narsaq Kujalleq nunaqarfimmiut sumiorpaluutaannut naleqqussarlugu pisortatigoortumik ateqalersinneqarsinnaanera pillugu misissuineq ingerlanneqartussaasimagaluarpoq, kinguneqanngitsumilli.Qulaani taaneqartut tunngavilersuutigalugit Narsarmijit allanneqarnera taamaatsiinnarlugu pisortatigoortumik ateritinneqalernissaa pillugu Oqaasiliortunit isummerfigeqquneqarpoq.
  2. Nunap assiliortut Danmarkimeersut Geodatasyrelse A.P.Møller Fond aningaasaliisoralugu Kalaallit Nunaat tamakkerlugu nunap assiliorneqarnissaanik suliaqartussanngornera tusagassiutitigut nalunaarutigineqarpoq, nutaarsiassanilu nunap assingini nunat aqqi pissusissamisoortumik ilaasussaasut eqqaaneqarput.Geodatastyrelse Kalaallit Nunaanni digitaliusunik satellit iluaqutigalugu nunap assiliortoqarsinnaanersoq misiligutitut taallugu sumiiffiit assigiinngitsut sisamat (Diskobugt, nunatta kujataa, Tasiilap eqqaa Zackenberillu eqqaa) nunap assiliorfigereersimalerpai, iluatsimmallu nuna tamakkerlugu nunap assiliortoqartussanngornera aalajangiivigalugu.Sumiiffinni assigiinngitsuni sisamani Nunat Aqqinik Aalajangiisartut Oqaasileriffik allaffissornikkut sulisoralugu nunat aqqi 10.000-init amerlanerusut suleqataaffigisimavai, nunat aqqi tamaviisa nunap ataatsip killinginik titartaallutik (polygoniliorlutik) ulapeqalutik suliaqarsimallutik, allaat nunat aqqinut tunngasut suliassaraluatik allat kingullinngortittarlugit suliaqarsimallutik. Taamaakkaluartoq sunnguamilluunniit taama suliaqarsimaneq aningaasaliiffigineqarsimanngilaq. Tamannalu Nunat Aqqinik Aalajangiisartut naammaginngilluinnarpaat. Taamaattumik Kalaallit Nunaat tamakkerlugu nunap assiliornermi peqataasussaasariaqarami aningaasaliisoqartariaqarnera pillugu nunap assiliorniarnermi oqartussaasunut annguttariaqartoq aalajangiipput.Nunat Aqqinik Aalajangiisartut aalajangerpaat nunat aqqini 33.000-init akinnerunngitsuni killinginik (polygoninik) suli suliaqarfigineqanngitsunik  23.000-inik amerlanerusunik suliaqarnissaminni aningaasaliisoqarnissaa pillugu missingersuusiortoqartariaqartoq, taakkulu Namminersorlutik Oqartussat ataanni Nuna Tamakkerlugu Pilersaarusiornermut Immikkoortortaqarfimmut aningaasaliisoqarnissaa anguniarlugu apuunneqartariaqartut.
  3. Nunat aqqinik ilisimasalik Angutinnguaq Olsen suleqatigalugu nunat aqqi nalunaarsukkat ilaat pingasut Nunat Aqqinik Aalajangiisartut kingullermik ataatsimiikkamik aalajangiiffiginngikkallarnikuaat. Nunat aqqi pineqartut misissorneqareermata paasinarsivoq pineqartut ilaat marluk ateqarnerinik nunat aqqinik ilisimasalinnit ilisimaneqanngitsut.
    • Taseq ataani takuneqarsinnaasoq ateqarneranik ilisimaneqanngilaq, Ikorfiit Tasiallu allamiimmat nuunneqarnikuulluni. Taamaammat ateqarneranik takussutissaqarunnaartussatut aalajangiivigineqarpoq.
    • Tasersuattaap Kangiatungaani Aasivissuit sumiiffimmi allamiittoq paasinarsimmat misissoqqitassatut Nunat Aqqinik Aalajangiisartunit aalajangiiffigineqarpoq.
      Nunat aqqinik ilisimasallip Paulus Frederiksenip nassuiaatigivaa Tasersuattaamik ateqartutut nalunaarsoqqasoq taama ateqanngitsoq Sannerutip Tasianilli ateqartinneqartoq. Nunat aqqinik nalunaarsugaatini taseq pineqartoq avannarpasinnerusumiittoq Sannerutip Tasersuanik ateqartutut nalunaarsoqqammat Nunat Aqqinik Aalajangiisartut tatsip qanoq ateqavinnera pillugu sukumiinerusumik misissuisoqassasoq aalajangiipput.
    • Nunat Aqqinik Aalajangiisartunut ilaasortap Johannes Rosingip Nassuttuup timaaniittoq taserujussuaq Atanaarsummik ateqarsinnaanera ilimaginagu misissugassanngortinnikuuaa. Nunat aqqinik ilisimasallip Paulus Frederiksenip Anton Inuusuttullu naqqiissutigivaat taseq taama ateqartinneqanngitsoq tatsilli marluk akornat ipiutaq Atanaarsummik ateqartinneqartoq. Nunat Aqqinik Aalajangiisartut aalajangerpaat Atanaarsuk tasermut ateqartinneqarunnaarluni ipiutamut nuunneqassasoq. Nalunaarsugaataareersuni Kukissooq-mik ateqartinneqartoq, Angutiviaq Joelsenip Kukik-mik ateqartinnerarlugu naqqiissutaa kingullermik Nunat Aqqinik Aalajangiisartut ataatsimiinneranni misissugassanngortinneqarpoq. Qeqertaarannguup qanoq ateqarpiarnera pillugu nunat aqqinik ilisimasalik   Anton Inuusuttoq nassuiaavoq qeqertaarannguaq Kukissuukasimmik ateqartoq, Kukissuujunanilu Kukiunngitsoq. Anton Inuusuttup nassuiaanera malillugu Nunat Aqqinik Aalajangiisartut aalajangerpaat qeqertaarannguaq pisortatigoortumik ateqalersoq Kukissuukasik.
  4. Nunat aqqinik ilisimasalik Johannes Rosing (Uju) suleqatigalugu nunat aqqini nalunaarsugaataasuni kukkusut inissinnerlutallu Nunat Aqqinik Aalajangiisartut eqqartorlugillu aalajangiivigivaat.
    Ataani naqqiissuteqartoqareernerup kingorna pisortatigoortumik aterineqalersut ersarinnerusumik naqinneqarput:
Nunap aqqa akuerineqartoq Paasissutissat

allat

Suussu-sia Tigusiffik Kommune
Qunnerup Nuussua Inissavianut nuuppoq LANDA Johannes Rosing Maniitsoq
Innaarsussuaq Siornatigut: NÆS BRATN Johannes Rosing Maniitsoq
Sisorartup Nunaa Siornatigut:

Sisorartoq (FJELD)

LANDA Johannes Rosing Maniitsoq

 

Isuissup Kuua Inissavianut nuuppoq ELV NAA+Robert Petersen, Johannes Rosing Maniitsoq
Qaqqatsiaq Inissavianut nuuppoq FJELD Johannes Rosing Maniitsoq
Qullugiaq Inissavianut nuuppoq FJELD Karl Asser Møller,

Johannes Rosing

Maniitsoq
Qallit Kinginnersuat Siornatigut: Qarliit Kinginnersuat FJELD Johannes Rosing Maniitsoq
Innartalik Inissavianut nuuppoq FJELD Karl Asser Møller,

Johannes Rosing

Maniitsoq
Kigutaarnat Aasivii Kigutaarnat BUGT Johannes Rosing Maniitsoq
Aasiai Siornatigut:

Qullugiannguit

Karl Asser Møller: Aasiaa

ISA Jens Rosing,

Johannes Rosing

Maniitsoq
Qallit Tasersuat Qarliit Tasersuat Johannes Rosing Maniitsoq
Kuutsiaq Inissavianut nuuppoq ELV Johannes Rosing Maniitsoq
Iperaariutaata Tupeqarfia Siornatigut: Iperaarsiutaata Umiivia SOMP Johannes Rosing Maniitsoq
Nakajangap Saqqaata Umiivia Siornatigut: Nakkajangap Saqqaata Umiivia VIG Johannes Rosing Maniitsoq
Kangerluatsiarsuaq Kangilleq Siornatigut: Kangerluatsiarsuaq Efraim Olsen, Johannes Rosing Maniitsoq
Siorartalik Siornatigut+Pauline Knudsen: SØ TELTP Johannes Rosing Maniitsoq
Avannarlersua Siornatigut: Quassuk FJELD Johannes Rosing Maniitsoq
Arnangarnup Aasivii Siornatigut: Arnanganeq SOMP Johannes Rosing Maniitsoq
Ippiup Alliup Nuua Ippiup Nuua NÆS Jens Rosing, Johannes Rosing Maniitsoq
Narsarsuup Kilua Inissavianut nuuppoq LAVN Jens Rosing, Johannes Rosing Maniitsoq
Kissaviaralaat Inissavianut nuuppoq FJELD Jens Rosing, Johannes Rosing Maniitsoq
Iluliumaneq Inissavianut nuuppoq LAVN Jens Rosing, Johannes Rosing Maniitsoq
Qaqqatsiannguaq Inissavianut nuuppoq FJELD Jens Rosing, Johannes Rosing Maniitsoq
Alanngorlinnguit Inissavianut nuuppoq SKYGGE Jens Rosing, Karl Asser Møller, Johannes Rosing Maniitsoq
Majoriaaqqissoq Inissavianut nuuppoq SKRÅN Jens Rosing, Johannes Rosing Maniitsoq
Qaqqatsiap Tasia Inissavianut nuuppoq Jens Rosing, Karl Asser Møller, Johannes Rosing Maniitsoq
Qerrorsuit Inissavianut nuuppoq UR Jens Rosing, Johannes Rosing Maniitsoq
Isorlequt Inissavianut nuuppoq NUNAT Karl Asser Møller, Johannes Rosing Maniitsoq
Tiiliorferalak Siornatigut+ Karl Asser Møller: LANDA NÆS Johannes Rosing Maniitsoq
Paffivik Inissavianut nuuppoq LANDA Karl Asser Møller, Johannes Rosing Maniitsoq

 

Nunat aqqinik ilisimasalik Johannes Rosing (Uju) suleqatigalugu nunat aqqi suli  nalunaarsugaatigineqanngitsut nalunaarsukkat Nunat Aqqinik Aalajangiisartut eqqartorlugillu aalajangiivigivaat. Nunat aqqi pineqartut Maniitsup kujataani aaffaaniipput Majoqqarmi Umiivimmilu, kiisalu Kangerlussuup qinnguata aappaata Umiiviup Umiiveralattaaaniit timmut Tasersuaq Aallaartagaq aqqusaarlugu, Qangattallu Kuua aqqusaarlugu.

Ataani nunat aqqi nalunaarsoqqammisat pisortatigoortumik aterineqalertut ersarinnerusumik naqinneqarput:

 

Nunap aqqa akuerineqartoq Suussusia Tigusiffik Kommune
Qallit Nunaat LANDAREAL Johannes Rosing Maniitsoq
Qallit Nunaata Tasersuata Kuua ELV Johannes Rosing Maniitsoq
Majoqqaap Kuuata Aniavissua BRÆKANT Johannes Rosing Maniitsoq
Pineqasui NUNATAK Johannes Rosing Maniitsoq
Qaarajuttut FJEAR Johannes Rosing Maniitsoq
Qaarajuttuaraq LANDA Johannes Rosing Maniitsoq
Akkutaa FJELD Johannes Rosing Maniitsoq
Ikaartortarfik ELVLEJE Johannes Rosing Maniitsoq
Qaarajuttup Saqqaata Narsarsua SLETTE Johannes Rosing Maniitsoq
Qaarajuttut Assuat BRÆKA Johannes Rosing Maniitsoq
Qorlortup Tasia Johannes Rosing Maniitsoq
Qorlortup Kuua ELV Johannes Rosing Maniitsoq
Qorlortoq VANDF Johannes Rosing Maniitsoq
Pingu FJELD Johannes Rosing Maniitsoq
Qinnguamiut Tasiat Johannes Rosing Maniitsoq
Taseq Qaamasoq Johannes Rosing Maniitsoq
Tuttoqarajooq LANDA Johannes Rosing Maniitsoq
Akulloqquttarissat ØER Johannes Rosing Maniitsoq
Nammaataarserfik FJELDGRYDE Johannes Rosing Maniitsoq
Qerrorsuit Alannguat SKYGGE Johannes Rosing Maniitsoq
Qoornup Assua KYST Johannes Rosing Maniitsoq
Kigutaarnat Qoornuat KNOLDE Johannes Rosing Maniitsoq
Qoornup Akia KYST Johannes Rosing Maniitsoq
Kigutaarnat LANDA Johannes Rosing Maniitsoq
Akuliaruseralaap Kuua ELV Johannes Rosing Maniitsoq
Akuliaruseralak LANDA Johannes Rosing Maniitsoq
Akuliaruseralaap Tasia Johannes Rosing Maniitsoq
Sermeralaa BRÆ Johannes Rosing Maniitsoq
Nunatarsuaq NUNATAK Johannes Rosing Maniitsoq
Qallit Uninngavii TELTP Johannes Rosing Maniitsoq
Sisorartuutaa ELV Johannes Rosing Maniitsoq
Sisorartup Alannnguata Kuua ELV Johannes Rosing Maniitsoq
Sisorartup Kingunnersua FJELD Johannes Rosing Maniitsoq
Nooralak NÆS Johannes Rosing Maniitsoq
Paggiviup Kinginneralaa FJELD Johannes Rosing Maniitsoq
Paggiviup Nunaa LANDA Johannes Rosing Maniitsoq
Qunnerup Qooruata Kilua FJOB Johannes Rosing Maniitsoq
Qunnerup Qinnguata Itivigiaralaa LANDA Johannes Rosing Maniitsoq
Majoqqaap Nuuata Alannguani Qeqertaralaat ØER Johannes Rosing Maniitsoq
Ilulialigaatsiaap Nooralaa NÆS Johannes Rosing Maniitsoq
Atarsuup Nunataa NUNATAK Johannes Rosing Maniitsoq
Ippik Alleq IPPIK Johannes Rosing Maniitsoq
Avaleqqut Tasiat Johannes Rosing Maniitsoq
Ikkattukujooq Johannes Rosing Maniitsoq
Majoriarsuaq FJELDGRYDE Johannes Rosing Maniitsoq
Orpiup Iluata Kuua ELV Johannes Rosing Maniitsoq
Qaqqatsiap Kuua ELV Johannes Rosing Maniitsoq
Ikaartortarfia ELV Johannes Rosing Maniitsoq
Sianertup Akia LANDA Johannes Rosing Maniitsoq
Tammaartarferalak TELTP Johannes Rosing Maniitsoq
Majorissap Uninngavii TELTP Johannes Rosing Maniitsoq
Iperaariutaa TANGE Johannes Rosing Maniitsoq
Qoornoq Killeq NÆS Johannes Rosing Maniitsoq
Qoornoq Kangilleq NÆS Johannes Rosing Maniitsoq
Umiiarnerit LANDA Johannes Rosing Maniitsoq
Kissaviarsuup Ineqarfia BRATN Johannes Rosing Maniitsoq
Nuussuaq NÆS Johannes Rosing Maniitsoq
Kangerluatsiarsuaq Killeq FJORD Johannes Rosing Maniitsoq
Issormiut Nuuat NÆS Johannes Rosing Maniitsoq
Kuup Anillagia FJOMU Johannes Rosing Maniitsoq
Atunngitsoq FJELD Johannes Rosing Maniitsoq
Akullinnguaq Johannes Rosing Maniitsoq
Akullinnguup Tasia Johannes Rosing Maniitsoq
Majoriarsuaq SKRÅN Johannes Rosing Maniitsoq
Aasiveralaat TELTP Johannes Rosing Maniitsoq
Ningimarngup Alannguat SKYGGE Johannes Rosing Maniitsoq
Ningimarngup Assua KYST Johannes Rosing Maniitsoq
Nakajangap Nunaa LANDA Johannes Rosing Maniitsoq
Qimmusserii FJELD Johannes Rosing Maniitsoq
Qimmusseriip Tunua DAL Johannes Rosing Maniitsoq
Qimmusseriip Nalaani Tupeqarfia TELTP Johannes Rosing Maniitsoq
Tasinngortaq Alleq Johannes Rosing Maniitsoq
Tasinngortaq Qulleq Johannes Rosing Maniitsoq
Innaarsulissuaq FJELD Johannes Rosing Maniitsoq
Majorissat SKRÅN Johannes Rosing Maniitsoq
Majorissat Alleq SKRÅ^N Johannes Rosing Maniitsoq
Majorissat Qiterleq SKRÅN Johannes Rosing Maniitsoq
Majorissat Qulleq SKRÅN Johannes Rosing Maniitsoq
Aasiveralaat Akersuat LANDA Johannes Rosing Maniitsoq
Anataap Aasivii TELTP Johannes Rosing Maniitsoq

 

e. Nunat Aqqinik Aalajangiisartut ukiuni tulliuttuni sulinissaminnut atatillugu tunaartalimmik iliuusissanik pilersaarusiortoqassasoq (strategi) aalajangerpaat. Nunat Aqqinik Aalajangiisartut allattaata taamatut suliaqarnissaq piareersarlugu aallartissavaa.

f. Tunumi Ittoqqortoormiit Tasiilallu akornanniittup kangerluup aqqa Kangerlussuarmik pisortatigoortumik ateqarnikuugaluarlui pisortatigoortumik Kangersertuarmik ateqalernikuuvoq. Taamatullu allanngortinneqarami sermitaata aqqa allanngortinneqarsimannginnera pillugu maanna sermitaata aqqa tulluarsarlugu pisortatigoortumik ateqartinneqalerpoq Kangersertuaq Gletsjer.

g. Suliassat nunat aqqinut tunngasut aningaasanik nalillit suliarisariallit aningaasassaqartinniarnissaat pillugu Nunat Aqqinik Aalajangiisartut eqqartuipput. Aalajangerpaat suliassat ataani pineqartut missingersuusiorneqassasut:

    • Mapinfomit ArcGIS-imut nuukkiartugaarnissaq
    • Nunat aqqisa oqaluttuassartaannik nalunaarsuiitigaluni oqaluttuarnertalinnik filmiliortoqarsinnaaneranik periarfissat
    • Nunat aqqi illoqarfiup iluiniittut nalunaarsornissai
    • Nunat aqqisa oqaluttuassartaannik nalunaarsuineq
    • Atuakkanit nunat aqqisa oqaluttuassartaannik nalunaarsuineq
    • Nunat aqqisa isumaannik nalunaarsuineq
    • Imaqarniliatoqqanik digitaliseriineq (fil-inngortitsineq)
  1. pillugu –

Suliat allat pillugit ilisimatitsissutini Nunat Aqqinik Aalajangiisartunut ilaasortap Johannes Rosingip siunnersuutigivaa ukiumut ataasiarlutik Nunat Aqqinik Aalajangiisartunut ilaasortat ataatsimut ataatsimeeqatigiittarsinnaanissartik. Ilaasortaaqataasa tamarmik Johannes Rosingip siunnersuutaa ilalerlugu isumaqatigivaat. Siunnersuutigisaa Oqaasileriffimmut Naalakkersuisoqarfimmullu apuunneqassasoq aalajangiunneqarpoq, tamatuma kingorna takutikkumaarmagu aningaasassaqartinneqarumaassanersoq.

 

Aviâja Rosing Jakobsen   Niels Lorentzen

Siulittaasoq            siulittaasup tullia

 

Johannes (Uju) Rosing     Eva Mätzler

NAA-mi ilaasortaq            NAA-mi ilaasortaq